› 選擇地區
三藩市
紐約
洛杉磯
其他美國地區
香港 台灣 北美
 
2018年05月14日

【尊重大澳人】遊客玩殘大澳七宗罪

遊客多,但Suppose每周賺到笑的大澳人卻耍手擰頭,喊遊客太多頂唔順。我哋就數吓,大澳游客七宗罪,問心,你有無份?

相關新聞:【水鄉風暴】開店衝突釀大澳大矛盾 四代原居民:不一定要立即指摘

第一罪:出入打蛇餅

假日上午11至12時的東涌與傍晚5至6時的大澳巴士站,依次出現幾百米蛇餅。原居民出入都要排成個鐘頭隊,我問隊尾的村民多數排幾耐,佢:「好快!半個鐘!最多九個字。」咁多人,「半個鐘」確實係快,但若生活於此確係激心。八十多歲的大澳婆婆叉腰:「幾十歲點企咁耐等車呀!」她說長洲碼頭有「長洲居民乘船特別通道」,希望大澳都參考吓。

第二罪:俾條生路嚟行

大橋與大街人滿為患,「貓舍」老闆German:「居民平時單車代步,但人太多踩唔到單車啦,街坊推車送貨都難。平時10分鐘路程,20分鐘都唔知到唔到,響鐘仲要被人鬧。依家假日大澳人一係唔出街,一係棄車,一係繞小路走。」

相關新聞:【水鄉風暴】精品店老闆話大澳人排外 「為大家好不介意做衰人」

第三罪:亂影相

大澳最美的風景就是人,造船廠老闆周錦棠:「個個都想影特別相,就捐窿捐罅,食食吓飯有人會喺窗口影你相,無啦啦喺屋企騎樓影雀,真係無形滋擾。」

第四罪:擅闖民居

棚屋棧道四通八達,但其實是私人走道。影相亂走是其一,好奇又不想回頭者,索性點過頭就穿越居民大廳而過,正在洗內衣褲的伯伯已無感:「煩,都唔知乜人。話唔到啦,咪由佢行囉。」

第五罪:亂丟垃圾

人多食店多自然多垃圾,垃圾桶塞爆,清潔工人一日走兩三轉清理。環保精品店「EARTH.er」店主Benny:「垃圾,小食包裝紙丟入你車個籃度,或者見舖頭無開就攝喺人鐵閘,或丟在門口,好討厭啊!」

第六罪:態度差

承上題,出來玩有時總會有失禮之舉,影完相、亂闖民居、亂塞了垃圾被發現被人話,下意識自我保護:「搵唔到垃圾桶嘛!」「好叻咩!」「使唔使咁緊張呀!」遊客掃興,居民食埋一肚氣,齊齊排外。

第七罪:亂闖亂玩

行山行到身水身行,入邨見乾淨公廁的街喉,梗要用吓或洗吓面,那其實是私人地方。村的另一頭有造船廠,船廠老細周錦棠:「試過一班行山客坐喺我新整的船模裏聊天,個船底一定要滑淨的,刮花了我交不了貨啊!最驚係呢度多易燃物品,你唔知道但食住煙入來,就好危險了。」

記者:陳慧敏
攝影、剪接:leo@BBfimlmaker

全新旅遊專頁,即like籽想旅行: https://fb.com/travel.appleseed

精挑細味 籽想好食,即like「籽想好食」FB專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載