蘋果日報 | APPLE DAILY
› 選擇地區
三藩市
紐約
洛杉磯
其他美國地區
2002年02月02日
馬上成為壹會員

勁Game搶先睇:
Mafia:TheCityofLostHeaven
抄《盜亦有道》扮黑手黨

■揸槍搵食真係唔容易!

由真人真事改編嘅電影名作《盜亦有道》,相信唔少讀者都睇過。片中由雷利奧達飾演嘅小伙子HenryHill加入黑手黨,夥拍羅拔迪尼路同祖.柏西三人迅速崛起,可惜一輪風光最後淪落到要接受FBI保護證人計劃保存性命,橋段同以下介紹呢隻新PCGame《Mafia:TheCityofLostHeaven》非常相似,可以講係黑幫遊戲中嘅反面教材。
文:李淮
發售日期:2月26日
發行:GodGames
開發:IllusionSoftworks

飛車:扮足30年代芝加哥、紐約
《Mafia》是一隻第一身射擊及動作遊戲,故事發生於幻想城市LostHeaven,從城市建築和人物所見,不難發現LostHeaven是以30年代的芝加哥和紐約作為背景,內裏重有唔少著名地標同區域,好似唐人街、小意大利同曼克頓區等,資料搜集非常認真。
遊戲中玩家所扮演的TommyAngelo原本只係個平凡的士司機,一次誤打誤撞接載黑手黨逃避追殺,竟被人誤以為是幫中「駁腳」而慘被牽連,最後惟有半推半就加入黑手黨,唔揸的士轉行揸槍兼做駁腳!





打劫:勁抄《盜亦有道》電影橋段
由於Tommy仔最初只屬幫中二打六角色,所以遊戲首部分任務亦會以駕駛為主,不過工作就唔止普通司機咁簡單,因為你要接載班大哥去打劫同埋殺人放火,做個真正嘅「駁腳」,所以反應一定要快,識得點樣避開差佬注意,盡量低調行事;俾警車追嗰陣手車又要夠辣,同埋揀最短嘅路線。隨着你有出色表現,家族中頭領DonSalieri亦會開始對你委以重任,總之乜都預埋你,Tommy亦變得愈來愈心狠手辣,最後重成為家族核心成員,十足十翻版HenryHill。




刺殺:殺人任務極度血腥
除咗揸車之外,其實遊戲大部分時間都會以第一身視點進行,其中以刺殺任務最多,而且真實感非常強烈。如果想刺殺任務做得乾淨利落,就一定要在冇人知的情況下潛入,然後等目標人物不為意時落手(例如上廁所及睡覺時),至於點同佢埋單,就完全由你揸主意,正常情況下壘球棍就最啱使,不過鍾意黑幫仇殺Feel嘅玩家,亦可以用槍指住佢個頭近距離處決。




槍戰:玩幫會大對決
做得黑手黨,實在好難避免幫會間嘅衝突。喺某些Mission入面,玩家便有機會和敵人在街頭駁火,不過就唔使一打十咁踢腳,因為你身邊將會有一班由AI控制嘅手足撐住,雖然未必咁幫得手,但勝在震撼場面搭夠,等你親身投入如同電影中嘅黑幫世界,比睇戲更加真實,所以話呢隻Game真係唔玩唔得!

精挑細味 籽想好食,即like「籽想好食」FB專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載