› 選擇地區
三藩市
紐約
洛杉磯
其他美國地區
香港 台灣 北美
 
2002年08月17日

賽車女郎極速之王冠軍齊誕生

PS2喺呢個暑假搞作多多,尤其係中文化遊戲推動方面更為落力,對於《GTConcept2002》同《兩人的電腦花火》呢兩隻重頭作品,SCEH重分別搞咗兩個大型活動去推廣㖭。

記者:徐影龍

新地三菱盃夠熱鬧
當中最重點活動係SCEH同三菱合辦嘅「新地三菱盃」比賽,當日活動在大埔超級城舉行,在鬥車比賽前先鬥靚,由十位入圍賽車美少女即場表演唱歌同跳舞,當中18歲嘅Polly突圍而出奪取冠軍,引嚟唔少男士駐足觀看,加上同場有陽光大男孩組合EO2到場作表演嘉賓,令現場氣氛頗為熱鬧。至於鍊車比賽亦吸引唔少人觀看,在初賽期間已差不多有成千人參加,鬥咗成個月終於都到香港、九龍同新界區嘅車王作終極爭霸戰,車王決戰技術當然有番咁上下,最後都係由曾力戰GT之父嘅九龍車王黃國倫勝出。

小朋友放煙花攞冠軍
另一邊喺九龍城廣場舉行嘅「夏日之花火祭」亦唔輸蝕,場中擺放多部PS2供參觀人士試玩及對戰,當然唔少得《兩人的電腦花火》比賽,最搞笑冠軍居然由只得十一歲嘅曾鎮威小朋友勝出,證明呢隻Game幾咁簡單易玩,小朋友都可以玩得好出色。現場中亦有黃伊汶同Juno助陣,少不免跟場中Fans較量一番,不過兩位嘉賓放煙花技術都不及擁護佢哋嘅Fans,總括嚟講整日氣氛亦算熱鬧。

精挑細味 籽想好食,即like「籽想好食」FB專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載