› 選擇地區
三藩市
紐約
洛杉磯
其他美國地區
香港 台灣 北美
 
2002年10月19日

PS2《WINNINGELEVEN6FinalEdition》會有行貨?

◆《WE6》可能係此系列最後一隻要機迷捱貴價水貨嘅遊戲。

一直以嚟《WE》系列一路都係由水貨入口,所以新Game上場時價錢都係高企,不過鐵人最近收到消息,有某代理已經同K記密斟密斟,相信最快可以由年尾隻《WINNINGELEVEN6FinalEdition》開始推出行貨,如果消息屬實真係機迷之福,起碼唔使再捱貴貨。

CAPCOM《BreathOfFireV》11月打頭炮
10月Game場完全冇大作撐場,但11月各主機各遊戲生產商都排住隊出招,CAPCOM都唔例外,佢哋除咗格鬥Game出色之外,RPGGame亦有《BreathOfFire》呢個極受歡受嘅系列,呢隻遊戲曾經喺超任、PS、GBA等主機推出過,最新一集會於11月14日喺PS2上登陸,行貨重附送初回贈品。此外,CAPCOM隻《CATANCardGame》中文版已經到咗香港,呢隻被譽為大富翁之後嘅矚目桌上遊戲,遲吓重會移植到家用主機上,有興趣不妨買盒試吓。

《SilentScope》照舊唔用狙擊槍
今個星期冇特別大作推出,所以PS2同GBA隻《SilentScope》就順利跑出,呢隻Game最初是在街機登場,大大支狙擊槍,要玩家冷靜地一槍一槍射殺敵人,有別於當時流行狂射嘅槍Game,大受歡受,之後亦曾移植到家用機,上次同今次一樣,家用版都係用普通手掣玩,有咗支狙擊槍。𠵱家市價分別係$350同$260左右。

XBOX美版大特價
微軟喺北美推出咗一輪最新攻勢,主機連兩隻遊戲賣200美元有找,咁計落都係1,600蚊港紙有找,以主機咁強嘅機能嚟計真係扺到爆,香港行貨就要遲啲先公布價錢,不過據消息透露,遊戲會定喺200至300港元之間,到底實情如何,年底就知道。

精挑細味 籽想好食,即like「籽想好食」FB專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載