蘋果日報 | APPLE DAILY
› 選擇地區
三藩市
紐約
洛杉磯
其他美國地區
2006年06月25日
馬上成為壹會員

公戲私用:《黑夜》寒氣涼透心 劉心悠揸刀嚇鬼

今個星期碟場又係偏靜,一線猛片銷聲匿迹之餘,連2、3線都唔見多選擇,好多人寧願翻煲《24》、《CSI》等長劇。幸好早兩日返咗隻《黑夜》,起碼雲集港日靚仔靚女,加埋自《三更》後已好少呢類炒雜錦鬼片推出,叫做有啲寒氣消吓暑!

記者、攝影:許福合

呢套《黑夜》係亞洲3地合作嘅電影,玩法同之前《三更》有啲相似,同樣由3地導演分別拍攝3個唔同鬼古,以短篇形式帶出驚嚇氣氛。較不同係今次配搭上改為港、日、泰製作,單論陣容牌面,雖不及《三更》系列嘅黎明、白靈、陳果等咁高人氣,不過《黑夜》亦有劉心悠、黃婉伶同瀨戶朝香等靚女助陣,幾個故事均出現大量同水有關嘅事物,令到整體感覺較為統一。

獨立故事

《黑夜》無論拍攝手法到演員選角、場景等都好有地道特式。筆者睇完第一個感覺,就較為欣賞香港製作那段《鬼鄰》,主要係說故事方式比較高明,觀眾好易順着導演思路走,增加投入感,不像日韓鬼片般深奧難懂;第二個故事《凶洞》感覺有啲無厘頭,到最後都唔知究竟主角精神分裂,還是真有小黑(鬼怪)存在。而第3段條橋更是老套,又係講女主角個仔原來一早死咗,最後反而差啲被害死。其實3段都想玩「誰人誰鬼」,不過以香港一段比較高明,筆者起初都分唔清黃婉伶係人定係鬼。
選角方面,以第二段《凶洞》嘅瀨戶朝香同柏原崇比較有份量,而香港《鬼鄰》一段就全靠青春偶像撐場,郭品超演技尚可改進,劉心悠發揮則比較好。至於泰片《亡記》,基本上都係女角畢珍勒沙赫廣一人擔大旗,可以話全片演出至精采嘅一位。

4大嚇鬼場面

製作特輯輪住講

通常製作特輯,總離唔開主角講幾句,再睇吓拍攝時情況,不過今次製作特輯都幾簡單吓,本以為會有特技、化妝等幕後花絮,點知統統欠奉,Bonus內大部份都係主要角色講吓感想,而且一般說話都唔多,幾行貨吓,最「流」嘅仲係2R黃婉伶,只係講咗句「好驚!」,令觀眾難以更深入了解《黑夜》嘅結構。

精挑細味 籽想好食,即like「籽想好食」FB專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載