蘋果日報 | APPLE DAILY
› 選擇地區
三藩市
紐約
洛杉磯
其他美國地區
2006年11月16日
馬上成為壹會員

摷袋兵團:手機影到相 使乜買DC?

●問陳小姐有冇DC,佢九唔搭八拎部手提電話出嚟。

摷袋兵團又再出擊,今勻喺Sogo附近一帶四處摷袋。事前諗住睇睇港女鍾意用邊個牌子DC,點知答案係Nokia、Motorola等。你冇聽錯,筆者亦冇搞錯,呢類手機牌子確係冇出DC,不過事實係港女覺得手機都有影相功能,咁買DC嚟做乜?既然問咩冇咩,咁就打蛇隨棍上聽吓佢哋點講。
先嚟呢位陳小姐,問佢有冇DC,居然拎部Nokia62803G電話出嚟,反問筆者算唔算。佢好似好有見地咁話:「我又唔係相機發燒友,手機有個鏡頭仔可以影吓咪夠囉!𠵱家手機影相、聽歌、睇片乜都得,仲邊有人另外再花錢買DC或者MP3機。」

其實摷袋當日,唔少受訪者都有類似答案,咁講啲白色、粉紅色專攻女性市場嘅卡片DC,可以預備摺埋都得。做男友醒目啲啦!諗住買DC做禮物嘅話,不如送部手機。

至於另一位原小姐,當筆者表明來意後,佢斬釘截鐵咁答:「我唔用DC喎!」正諗住佢會揮袖而去之際,佢喺袋度摷部其貌不揚嘅摩記E680i出嚟,話都影到相。E680i唔算新,問佢有冇打算換手機或者買DC,佢反過來Sell手上部機有幾好用;影相、聽歌、有手寫輸入,總之一句講晒,功能齊全佢好滿意。好似原小姐呢類求實際嘅港女係好㗎!始終講緊嘅係幾千蚊部科技產品,賣相幾好勢係假,功能夠多先最緊要。
記者:陸俊雄

精挑細味 籽想好食,即like「籽想好食」FB專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載