› 選擇地區
三藩市
紐約
洛杉磯
其他美國地區
香港 台灣 北美
 
2006年11月26日

嘩!新碟到:Jack黑眼圈放電
淨睇靚仔都抵

身邊的朋友,一聽到推出《決戰魔盜王》,即時話要買,以女仔為大多數。你問佢點解咁迷《決戰魔盜王》,大多數都會話因為JohnnyDepp,貪佢夠靚仔。不過,Orlando都靚仔,男子就會話睇靚女Keira和電腦特技。計我話,兩個男主角型過新一代鐵金剛007好多。
記者:馬靜兒

上集鬼船長助JohnnyDepp飾演的魔盜王Jack奪得「黑珍珠號」,積克要獻出自己的靈魂永遠受勞役,或獻上100個靈魂給八爪魚鬼船長DavyJones。他欠下的10年追魂血債到期償還!Jack走投無路,竟將快要結婚的Will和Elizabeth拖入殘局,陪他尋找傳說中的「死神寶箱(DeadMan'sChest)」解除魔咒。另八爪魚鬼船長和他手下那艘無敵鬼盜船(FlyingDutchman)又不斷追殺他們,仲有超巨型海魔和食人魔島上的土著,實行人魔大混戰。

Bonus講點將Jack打扮

很多女仔都說,入場睇魔盜王,睇JohnnyDepp都已經值回票價。第二集去牙買加,又去多明尼加取景,幕後人員仲專誠找來加勒比海原住民的後代扮土著,最認真是Jack的造型,他一身海盜造型,頭巾、化妝、鬍鬚、衣飾,甚至口中金牙都經過特別研究,BonusTrack仲將Jack全身逐PART講點打扮,滿足JohnnyFans。
為了切合海盜是海上的遊牧民族,頭髮和下巴的鬍鬚都穿上珠仔,化妝師特別以印度的草藥棒畫上SmokyEyes,本來輪廓分明的Johnny即時加添深沉味道,電力勁人,又找牙醫幫他先磨牙,再貼上金色。JohnnyDepp手上的戒指和手中傷口的喱士,都是自己找的,還要求道具做一條腳趾鏈,除了海盜Look,他跟土著一起時,面頰化的眼睛妝很搶眼,但在眼瞼上畫假眼就普通了一點。

特技場面要睇八爪魚怪

論震撼,一定是電腦特技做的效果,八爪魚怪已是一絕,還記得在《LoveActually》中飾演過氣歌手的英國著名諧星BillNighy,今次扮八爪魚怪,整塊面被八爪魚肉蓋住,依然好有戲。他和一眾邪惡海盜手下的造型夠哂「巖巉」,最好笑是BonusTrack內說找其他扮八爪魚王身邊的爪牙,要求是皮包骨,樣衰衰的,結果甚麼古靈精怪的人都來試鏡,樣衰都有市場喎。
高潮是那幾條滿是吸盤的八爪魚大觸鬚,在船上左穿右插,將整個人捲起擲落海,又將整艘船攔腰斬開,扯落水底,仲有Jack力戰八爪魚尖銳嘴巴一幕都好精采。不過,我鍾意是戲中人骨做的人籠,在樹林內滾來滾去,十足十新西蘭個吹氣波波,仲有18呎大滾輪,演員在滾輪上邊打邊走,十足玩雜耍,增加視覺效果。而Jack被土著綁起,逃走時背住枝竹穿生果一幕,場面好似Game喎。

期待明年5月第3集

BonusTrack內仲講埋美國的廸士尼的海盜王遊戲因為電影上映後更新,樂園內的Jack模型栩栩如生,連JohnnyDepp自己都話好似喎!今次的贈品驚喜不大,只是月曆,仲要買雙碟DVD先有得送,但我都會買,因為有JohnnyDepp。睇完齣戲和3個鐘的BonusTrack,依然覺得意猶未盡。周潤發和JohnnyDepp拍緊第3集,要等到明年五月先有得睇,等到頸都長!

售價:

$148(DVD雙碟)
$118(DVD單碟)
$55(VCD)
洲立(24188827)
推出日期:11月28日

隨碟送的07年座枱月曆,全是三位主角的劇照,一定放在枱頭,日日對住Johnny。不過,淨係雙碟裝DVD先有得送。

精挑細味 籽想好食,即like「籽想好食」FB專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載