› 選擇地區
三藩市
紐約
洛杉磯
其他美國地區
香港 台灣 北美
 
2007年02月26日

REVIEWS遊戲:《NARUTOEX》轉圈出招殺敵
買畀𡃁仔玩 攰死佢

年輕父母都有個怪現象,很抗拒小朋友玩《NARUTO》這類打打殺殺的遊戲,點解?我不會考究,因為答案都是避免小朋友學壞,以暴易暴。如果玩完《NARUTO》就會變十惡不赦的人,那當年看完李小龍和如來神掌的小朋友,咪個個變成石堅叔?歷史告訴我們不會,所以父母不用擔心。Wii加《NARUTO》出招,很新鮮,如果小朋友過份活潑好動,不妨主動買給他,一定攰死佢。

記者:伍旋卓

《NARUTO》加Wii是遊戲界的盛事,將來小朋友長大後,會和朋友說起:「記唔記得當年《NARUTO》嗰招『查克拉』呀,幾好玩呀。」《NARUTO》的狐忍動畫最近在電視台播放,所以小朋友玩起來特別投入,不用看說明書,他們已懂用Nunchuk出招,坐在旁邊看,小朋友完全投入,還和朋友仔滔滔不絕說招式如何演變,開展了他社交的世界。

動作比龍珠好

不多講《NARUTO》的故事內容,因為怎樣也不夠小朋友演繹得全神,但想說說《NARUTO》出招的動作,《NARUTO》其實和《龍珠》差不多,但我們認為《NARUTO》比較好,簡單而明確,適合小朋友玩。如果儲夠「查克拉」,你還可連續出招,令攻擊招數變化更多,動作優美過龜波氣功,所需空間亦比較小。

故事背景和卡通一樣

成年人蜂擁購買Wii版《龍珠》,因為年輕時在電視狂追《龍珠》,「買」是一種情意結。小朋友也一樣,故事跟足現時電視所播的狐忍動畫,小朋友怎會不全情投入,他不滿電視的結果嗎?不用投訴,開着Wii,自己扮演角色人物在熟悉場景走動,打出另一個結局。

玩後評語 唔夠熱鬧

Wii的《NARUTO》同《龍珠》比較,同樣都係以體感出招去吸引用家,兩者可玩性其實都好高,只係《NARUTO》出招時畫面未夠壯觀,加上人物比例設定太少,變得感覺上打得唔夠勁!另一個唔少人批評係全個遊戲玩到盡都只係有14個角色,與《龍珠》嗰種大堆頭人物實在差幾皮,不過少有少嘅好處,就係唔同角色出招時都會有好多變化,唔會有萬用絕招!

記者:許福合

Profile

機種:Wii
廠商:BandaiNamco
類型:動作
人數:1-2人
售價:$370
查詢:I-Gamer
(27253338)

精挑細味 籽想好食,即like「籽想好食」FB專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載