› 選擇地區
三藩市
紐約
洛杉磯
其他美國地區
香港 台灣 北美
 
2007年08月17日

數碼達人:
Game爆廣東話 發哥重出江湖

呢個雙槍Look,加埋表情,真係似模似樣!

唔少遊戲都會用電影劇情作為藍本去開發遊戲,不過我哋經常玩到嘅遊戲都係以荷李活電影為古仔,作為東方荷李活嘅香港,電影遊戲在遊戲界仲未跑出名堂,不過月尾將會踏出第一步。以電影《辣手神探》改編而成嘅《Stranglehold》(槍神)將於8月27日推出,發哥周潤發將會首度跳入遊戲界,再展辣手神探本色!

記者:許福合

香港場景講廣東話

吳宇森監製

同荷李活電影一樣,《Stranglehold》製作班底相當認真,而且陣容鼎盛,淨係遊戲同樣由吳宇森親自監製,已經夠晒睇頭。遊戲內容無論故事、鏡頭運用,吳宇森都有給予意見,所以睇慣佢電影嗰種「慢動作」,遊戲內都會重現!無論你當年有無睇過《辣手神探》,《Stranglehold》依然有新鮮感,加上熟悉嘅香港場景同熟耳的廣東話,玩起來特別啱Feel!

發哥親身配音

至於主角嘅周潤發,亦無被廠商冷落,除咗喺電影飾演主角外,更會親自為遊戲配音,夠晒生鬼傳神,不過暫時就未知會唔會有廣東話配音版喇!遊戲主角當然係發哥呢位辣手神探,由於遊戲使用Unreal3.0引擎,好多場景同人物設定都變得好真實,從官方公佈嘅相片就可以見到,以3D貼圖而成的周潤發,真係有八、九成相似,尤其揸槍動作同手勢,Fans見到包保認得。其他主要荷李活一線演員,亦會同時「收錄」進遊戲內,令《Stranglehold》進行遊戲就好似進入電影內一樣!

減緩時間系統

遊戲特色之一,除咗要數發哥拎住雙槍狂射的型仔Look外,故事基本上係改編自發哥主演嘅《辣手神探》。遊戲故事主線係發哥為救被犯罪組織擄走嘅家人,要單人匹馬一味殺,直至殺到打倒首腦為止。雖然呢個本來就係基本玩法,不過操控角色過關斬將亦唔容易,尤其要走上欄杆上奔跑,同時又要兼顧準確射擊等。但要數遊戲內最過癮之處,莫過於遊戲內有減緩時間系統,打開之後就會出現慢動作鏡頭,除咗有電影感外,更畀到玩家瞄準同閃避時間。而破壞型嘅玩家,更可以於遊戲內周圍破壞,從而找出出口,包你打到爽。

Profile

廠商:Midway
主機:XB360、PS3、PC
類型:射擊
人數:1人
推出日期:8月27日
售價:$299(XB360)
網址: http://www.strangleholdgame.com/

精挑細味 籽想好食,即like「籽想好食」FB專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載