› 選擇地區
三藩市
紐約
洛杉磯
其他美國地區
香港 台灣 北美
 
2009年12月02日

夢幻古龍 Q版大俠

刀劍長空、恩怨情仇!係好多古龍小說必備情節,若果你係古龍忠實Fans,自然對武俠世界特別熱情,日前網上遊戲《夢幻古龍》正式開始公測,玩家只要到網站申請賬號同下載遊戲,就可以進入這個夢幻世界,與西門吹雪、陸小鳳等人過番兩招!

記者:許福合

4種職業

雖然《夢幻古龍》唔係用3D圖像,不過遊戲內Q版造型角色,又確係幾生鬼;選擇建立角色時一共有4種職業,仲細分為4男4女,當中包括刺客、俠客、盜賊及醫師,前三種都係攻擊性職業,分別係各自以內外功及速度見長,而醫師顧名思義就係補血職,通常組隊打Boss時必備。創造角色進入遊戲後,就會見到以中國古典建築為主嘅場景,2D視角配合Q版角色,倒係一個不錯嘅配搭。

大俠保鑣

網遊當然可以組隊打Boss,不過有時想自己練功,《夢幻古龍》就提供咗一個唔錯嘅系統,在回合制遊戲中,首次加入NPC同伴功能,在武俠世界冒險時,可以找古龍世界內嘅大俠相伴,甚至係出外打怪探險時,有西門吹雪、陸小鳳等大俠保鑣,真係好有安全感!而在江湖行走,有人在背後撐腰,自然穩陣好多,當玩家練到10級後,就可以選擇加入幫派,而這些幫派在古龍小說中都曾有出場,好似青衣樓、鬼域及六扇門等,入門之後更可以學到幫派秘技。

搵錢升級

因為要加入門派先學到好武功,快啲練到10級自然成為新玩家嘅目標!升級最好方法,係接打怪任務,可以先到碧雲灘接除狗任務,一邊打狗、一邊做埋主線任務,應好快就可以升到10級。
做得大俠,無番幾両銀在身怎行?玩過封測嘅玩家都推介掘藏寶圖搵錢,不過正所謂富貴險中求,想賺錢自然要冒啲險,一個唔好彩掘到個要你去高等區嘅藏寶地點,隨時會令你死到0%經驗;想穩陣啲可以揀買賣食材,當然亦係低買高賣,亦可以製成食物,只要有一定烹調級數,通常可以搵多啲。

Profile

遊戲類型:回合制RPG

開發:Gameone

操作系統:Window98/2000/XP/Vista

官網: http://qgl.gameone.com

精挑細味 籽想好食,即like「籽想好食」FB專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載