› 選擇地區
三藩市
紐約
洛杉磯
其他美國地區
香港 台灣 北美
 
2011年10月09日

秋Phone起 Track勻全港

秋高氣爽,最啱行山,自問少行山?下載定Apps幫吓手絕對有So。《郊野樂行》App就一次過提供所有熱門行山路線,「唔知行邊」已不能再成藉口,都市人!一齊走出大商場,去大自然行個Round喇!

記者:韓繼聰 
攝影:陳盛臣 
Model:Rainbow

1 有App有路行

呢款《郊野樂行》App係漁農自然護理署出品,資料自然可靠。一開App,已經睇到不同類別的路線分類,用家亦可按地區來選擇路線,非常方便。按下所選路線,App即時Show出地圖,亦可選擇更準確的衞星圖。當然,佢亦會提供相關資料,包括路線簡介、交通、難度、距離、需時等等。App設計雖然較平實,但超實用,絕對係實而不華!

2 Check勻全隊裝備

去行山當然要執好一切裝備先出發,Mammut呢個著名Outdoor品牌就出咗個App幫你手,包你唔會執漏。只要揀好你行山嘅路線類型,佢就會列出CheckList,當然你亦可以再自行更改Items,最正係可以Send埋俾你嘅同行隊友,Share用嘅物品就可以設定某隊友準備,唔會帶漏嘢之餘亦唔會重複。

3 即時Track住你

《iMapMyHIKE》係一款功能齊備嘅GPSTrackingApp,可以記錄低你嘅行山路線,時間、距離、卡路里消耗量等資料,而其中最特別嘅就係佢嘅「Live」功能,可以Keep住自動Update你嘅行山地圖同位置,再Post上fb同twitter,朋友見你行得咁過癮,分分鐘即時嚟Join你!

4 幫你嗌救命

意外嘅嘢冇人想發生,但唔怕一萬最怕萬一,準備定啲工具幫手求救點都要。《救命!!》名副其實係一個救命App,閃燈、呼叫器,呢啲基本嘢當然唔少得,不過最實用嘅其實係佢嘅求助簡訊同電郵功能,可即時發出自己嘅位置同相片去預設嘅號碼同電郵,萬一蕩失路或受傷都唔使驚,一定不用被困127小時!

5 影張全景 做登山見證

辛辛苦苦行上山,享受郊遊樂趣之餘,當然想留低一啲美麗見證。山上景致開揚,影張靚靚全景相就最好不過。《Photosynth》簡單易用,跟住指示右移iPhone就可以影到全景相,用App睇番張相仲會有身處其中嘅感覺!

精挑細味 籽想好食,即like「籽想好食」FB專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載