› 選擇地區
三藩市
紐約
洛杉磯
其他美國地區
香港 台灣 北美
 
2012年06月26日

蘋機會:Phone狗唔咬人 扭計要識

電子狗再度進化,這次玩變臉!Bandai最新SmartPet,吃喝玩樂、唱歌跳舞樣樣皆能。插上iPhone後,就有多達百種表情同動作,生動有趣,而且內置多個「面孔」替換,仲會扭計生病要食藥。電子狗唔使你執便便,但要識佢錫佢呢!

記者:許福合
攝影:潘志恆
Model:Katie@PureModels
查詢:JCShop(31022783)

跟音樂節奏周圍走

未有iPhone,其實市面上已出現過iDog之類嘅小玩意,當然分唇極有限。而最新嘅SmartPet,不單有黑、白色小狗畀你揀,襯番自己部iPhone之餘,仲識得憑聲音、觸摸而跟你互動,好似聞聲前後移動、左右轉等,雖然同真狗難以比擬,不過勝在郁動有節奏感,更可揀鍾意嘅音樂,即使唔「唱歌」,有時小狗唔高興,除了扁嘴外,還會亂跑發洩。不想佢亂動,可將SmartPet變成座枱式,這個狀態只會擺動頭部,配合表情,相當可愛。

不過要佢動起來,先要替iPhone裝上《Smartpet》App,雖然免費,但暫只得日本AppStore提供下載,想玩就要開多個日本Account。內附iPhone殼,將手機套上頭部,再插上頂部音源線,SmartPet就可以隨住聲音做動作。

疏於照顧會生病

小狗同真狗一樣,觸碰鼻子便會打噴嚏,而且還會做出哭、眨眼、笑、嬲等表情,好趣怪。筆者玩了不久,暫時可有四款面孔可選擇,還有四款被鎖着,想再獨特點,可自拍相片製成「狗身人樣」,要嚟戲弄女朋友,諗起都想笑。
目錄內可以搵到骨頭畀小狗吃,作為不合格的主人,筆者曾讓小狗病到五顏六色,最後在道具欄內找到針筒,幫小狗打支針才醫好!要留意,剛開始玩時大部份食物或道具都會在問號狀態,隨住跟小狗互動會陸續解鎖。有時出外,沒法帶上SmartPet,亦可抽出iPhone照顧它。

電子狗唔簡單
過萬身價貴過真狗

SONY第一代AIBO狗在1999年推出,集合人工智能科技,當年售價超過一萬元。後期出到第五代ERS-7,支援180種語音指令,更可與主人簡單對話。

LED表達心情

SEGA推出的寵物狗iDog,非常小巧可愛。懂得搖耳及利用頭上七個LED,以不同顏色表達心情。亦懂因應玩家動作產生反應,輕碰頭部便高興,打尾巴就會生氣。

精挑細味 籽想好食,即like「籽想好食」FB專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載