蘋果日報 | APPLE DAILY
› 選擇地區
三藩市
紐約
洛杉磯
其他美國地區
2012年11月14日
馬上成為壹會員

蘋機會:Ironman Vs 隊長 熟原著倍激戰

傳聞新一集Ironman會嚟香港取景,估唔到今日Ironman同美國隊長就已經打到嚟,香港容乜易冧呀?好彩佢哋只係嚟試玩《Marvel Avengers:Battle for Earth》,人物夠齊之餘,絕招動作亦跟到足,對戰得,合作破關亦得,難怪兩位玩得咁投入,快啲拯救地球啦!


記者:韓繼聰 攝影:潘志恆
鳴謝:Paul(Ironman)、Holman(美國隊長)、Galaxy Movie Empire

Ironman與美國隊長街頭激戰實錄

體感格鬥 空拳出招

用手掣打Marvel格鬥好多機迷都玩過,今次體感格鬥就真係第一次!我們今次搵嚟超級Fans阿Paul及Holman,分別扮演Ironman及美國隊長進行大格鬥。初步試玩,基本上每個角色都有六招攻擊招式,大多數以遠距離攻擊為主,雙手做不同動作,即可出不同攻擊技;亦有近身連擊,出拳越快扣得越多血。另外,成功擋招或攻擊都可以儲氣,爆氣更可出「Ultra」超必,配合華麗動畫,攻擊力強勁兼型到爆!
扮Ironman嘅阿Paul話:「隻Game招式算幾豐富,且忠於原著,邊玩邊好易代入角色,如果熟讀原著,好似我呢啲Fans就更加玩得份外過癮!」除了攻擊,當然亦要左右閃避,真係少啲體力都唔得,全副武裝嘅兩位更玩到邊流汗邊叫:「過癮!」

Ironman及美國隊長示範招式

人物齊全 內容豐富

當然人物亦是賣點,Avengers嘅雷神、變形俠醫、黑寡婦、鷹眼等統統登場,扮美國隊長的Holman興奮話:「人物好齊,最正係連蜘蛛俠、狼人、磁力王都有,逐個玩都有排玩,加上全部造型又靚又忠於原著,好似睇緊漫畫咁,正!」
遊戲故事以「Secret Invasion」為藍本,講天外異軍Skrulls利用基因技術入侵地球,一共有40個關卡及200場挑戰模式。可單拖玩,亦可合作破關,更可同朋友以分割畫面形式對戰,甚至上網搵人隻揪,話唔定真係可以同Tony Stark打過。畫面方面唔算係好靚,但略帶粗糙感的畫風,反而滿載美式漫畫風格,追求靚畫面嘅玩家雖然未必滿意,但漫畫Fans就應該好有親切感,咪當佢玩另類囉!

《Marvel Avengers:Battle For Earth》$299
廠商:Ubisoft

精挑細味 籽想好食,即like「籽想好食」FB專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載