› 選擇地區
三藩市
紐約
洛杉磯
其他美國地區
香港 台灣 北美
 
2013年08月06日

男生圍:掛靴熱未散 碧咸波衫贏尼馬

三日後,德甲、法甲新球季開鑼,緊接英超、西甲亦準備在8月17日登場!未隊啤、未剝花生,粉絲最心急係搶購愛隊新一季球衣。波鞋街Sales分析,今年最睇好巴黎聖日耳門波衫,無他,碧咸效應,最重要係佢已經宣佈掛靴,退下火線,以後搵唔番,淨係呢點,絕對有理由熱炒!
記者:陳國輝 攝影:陳永威
模特兒:Anladia、Mangie、Liz、In、Kiki@Zmodel

高位2,200人民幣

試問幾多本港球迷,有留意法甲巴黎聖日耳門賽事?專營足球波衫的阿傑,都話呢個球會以往未熱賣過,但自從今年2月碧咸加盟後,波衫售價就由正價$539炒上近千元,再加上5月份宣佈掛靴,所以炒足兩個球季!「球迷都係因為碧咸先搶購。記得年頭,連代理都嗌無貨,仲差唔多維持兩至三個月,既然僧多粥少,件貨實炒起啦!」佢話,本港炒得起不足為奇,最誇張係炒風蔓延到內地,據講高峯期呢件32號深藍戰衣,居然索價二千二百蚊人仔!(現在貨源充足下都索價港幣近$1,000)
講到掛靴潮,除了碧咸,年屆39歲的英超曼聯老將傑斯,亦好大機會炒埋一份:「去季,曼聯奪得聯賽冠軍,純白加紅色線條的作客波衫,隨即被炒上$799;今季曼聯球衣雖暫時以定價發售,但隨住領隊費Sir宣佈退休、唔教波,愛將傑斯亦可能踢埋今季掛靴,預計最熱賣球衣,好可能正係印住Giggs名字的曼聯主場戰衣。」阿傑提醒,英超波衫跟西甲、意甲唔同,印名字係逐粒計,字母越多越貴;但好處係你可以印番自己個名,今年就有人為紀念費格遜,專登印上「Ferguson」㖭!

球迷有Say

有料放?想收料?入嚟【蘋果互動】啦!
【蘋果互動】是蘋果日報與讀者緊密互動、放料及收料的聚腳地。
http://fb.com/AppleDailyExchange

精挑細味 籽想好食,即like「籽想好食」FB專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載