› 選擇地區
三藩市
紐約
洛杉磯
其他美國地區
香港 台灣 北美
 
2013年09月11日

E-M1玩雙辣「焦」 10fps輕機槍

這兩個星期手機消息相當精采,但另一邊廂相機界亦新機密密出!OM最強旗艦OM-D E-M1經已報到,可以簡單以一個快字形容,結合兩種對焦技術,令對焦速度大幅提升,連拍更可做到10fps!專業感直逼單反!

記者:韓繼聰 

攝影:楊錦文

模特兒:Candy @ Pure Models

OLYMPUS OM-D E-M1

機身($11,990)
機身連12-40mm f2.8鏡頭($17,990)
機身連12-50mm f3.5-6.6 EZ鏡頭($13,990)
10月下旬發售

混合對焦 4/3鏡一樣超快

E-M1恍如大碼版的E-M5,保留了機頂「小屋」形復古風觀景器,機頂設更多轉盤及按鈕,更方便操作,而機身加入凸出的手柄位雖然減少了一點古典味,但卻換來更好手感及專業味道。外形新意不算多,但內在卻充滿驚喜,最強當然是全新結合「對比度檢測AF」及「On-chip相位檢測AF」的對焦系統!實試吓,對焦非常高速且準確;最高10fps的連拍速度,試拍吓亦感到有如機關槍般的快感,不妨睇埋動新聞感受吓。
但更驚喜的,是一向在M4/3機變龜速對焦的4/3鏡,在新機CMOS上的「On-chip相位檢測」元件加持下,對焦同M4/3鏡竟然差不多快,再沒有不停前後郁都對唔到焦的不爽感,真正豐富了M4/3用家的鏡頭選擇。加上新的TurePic VII處理器可自動感應鏡頭型號,對影像進行適當調整,試用後,本報攝影師亦大讚E-M1無論速度及影像質素都達單鏡機級數,相當吸引。

4/3系統小資料

4/3系統可說是M4/3的前身,由OLYMPUS和柯達合作研發,並於2002年發佈;4/3鏡頭加Mount後,可用於M4/3機種,但一般對焦速度較慢。

多方升級 專業加玩味

基本速度和質素提升外,新機其他功能亦可算精銳盡出,例如EVF提升至236萬像素,精細度大增亦更流暢,試用感覺雖同單鏡機仍有距離,但單以EVF來說已屬相當高水平。新設計的圓形調色盤Color Creator便是以嶄新的的圓形介面以30級和8級調整色相和飽和度,功能不算新,但細緻度及介面體驗卻耳目一新。另外,小記最喜歡的一個功能,就是Art Filter包圍模式,按一次快門即可一次過做出12種Filter效果,有選擇困難症的人都唔怕錯失精采一刻。
差不多所有新機都玩的WiFi,E-M1當然都唔會少,官方的新版本「OI. Share」更可專業地調校埋P/A/S/M模式、光圈、快門、ISO等,亦可加入GPS資料,功能極全面。新設的峯值對焦亦可說補完了E-M5用舊式手動鏡的能力;進階的定時拍攝設定亦啱晒近期潮玩的Time-lapse攝影。

試相區

查詢:OLYMPUS(2376 2150)

有料放?想收料?入嚟【蘋果互動】啦!
【蘋果互動】是蘋果日報與讀者緊密互動、放料及收料的聚腳地。
http://fb.com/AppleDailyExchange

精挑細味 籽想好食,即like「籽想好食」FB專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載