› 選擇地區
三藩市
紐約
洛杉磯
其他美國地區
香港 台灣 北美
 
2014年11月26日

【試玩王】首間4DX影院 閃電放煙仲會落雨整濕頭

戲院的特別賣點越來越多,IMAX、Atmos全景聲、D-BOX等等,最新到港的還有在旺角朗豪坊新戲院Cinema City的4DX影院。我們試玩王當然要第一時間試玩,整套4DX系統由韓國引入,現場試看了《大英雄聯盟》、《出埃及記:神王帝國》等不少未上映新片片段,座位會配合劇情多方向擺動,幅度都頗大,甚至有點玩機動遊戲的感覺。

除此之外,座位上當然少不了噴風,更有前、左、右三方向,另亦有噴水位,正面噴之餘,更會向上噴,做出極過癮的落雨效果,不過幸好水量唔算多,應不怕會弄到你的靚妝靚頭。座位多機關,影院四邊更設有煙機、閃燈、大風扇等等,隨時做出閃電,大風等效果,看魔法片自然又會有煙霧彌漫,相當過癮迫真,臨場感十足,簡直像進入了電影世界一樣!試看大半小時,大部份效果都相當配合到畫面,不會有突兀「夾硬」之感。據稱戲票價大概會是$160至$250,按片長而定,都算抵玩,我必定會一試。不過要留意是4DX影院12月才正式開始,確實日期都未有,官方話希望趕及《出埃及記:神王帝國》為4DX首影,影迷們要等多陣喇!

記者:韓繼聰

精挑細味 籽想好食,即like「籽想好食」FB專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載