› 選擇地區
三藩市
紐約
洛杉磯
其他美國地區
香港 台灣 北美
 
2016年02月03日

【玩物狂熱】1米長木馬號格納庫 放得落HG高達

這盒模型相當巨形,比一般MG模型還要大盒呢!

近年高達模型,感覺真係出得有點泛濫!當中尤以元祖系列為甚,同一款色隔年出個新版本,對於我們這類老高達迷,真係好難再有新衝擊。MG、RG、HG……大家最愛哪個系列?總之鹹魚青菜,各有所愛,不過以肥通的多年經驗,最愛還是HG,比例不會太大易擺放,而且間唔中會出一些「奇行種」、非主角機系列,感覺選擇豐富得多!

最近新返WHITE BASE CATAPULT DECK,就進一步印證了這一點,說穿了就是木馬號的格納庫,可以放入同為1/144的HG版高達、太空坦克及雷射大炮!重演一幕又一幕經典場面!或者你會話未睇過「一年戰爭」?但其實我想講好耐,由《Gundam Seed》開始,好多高達系列的動畫,都是翻抄這元祖的「一年戰爭」呢!說未睇過,其實大家已不知不覺間睇晒了。

再講返呢套WHITE BASE CATAPULT DECK模型,由於是手帶貨到港,所以市面暫時較少貨,價錢是頗高的$980,不過模型砌好後,連伸縮的發射軌道,足足有一米長,估計一般展示架,放置上有一定難度,大家買入前要注意……不過如果你如肥通一般,戒砌、唔戒買的一類人,照買都冇所謂。

另外,如果大家去開深水埗這間聞名的貓店長模型店,留意近來多了一個風景位,就是他們的櫥窗,有款$900的R2D2寵物屋,如果遇啱時間,還會見到貓店長冧冧為大家試瞓呢!

查詢:福利模型(深水埗元洲街66A地下)

記者、攝影:朱崇德

精挑細味 籽想好食,即like「籽想好食」FB專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載