› 選擇地區
三藩市
紐約
洛杉磯
其他美國地區
香港 台灣 北美
 
2016年05月07日

【先達收風】HTC 10熱賣彈起!贏LG G5 20:1

HTC 10是新落場的旗艦手機,如果與同為機王級的LG G5對比,水貨機去貨量是20:1、以HTC 10大勝。

行落先達同傾偈,聽到大家討論呢排邊部機最好賣?問三禾電氣老闆Simon:「最好賣一定係Samsung S7系列!論賣機成績,由出機一刻開始,一直是每周最熱賣手機;如果去貨情況不變,應該會成為Samsung近呢兩年最熱賣手機,甚至大幅將S5、S6及Note 5比下去!」

另一旗艦機王G5相對就冇咁好命!雖然出貨冇耐,不過人氣度非常一般:「估計是被對上一部G4的『爆鑊』事件拖累,可能仍未能挽回大家的信心,所以去貨量表現一般;其實我私下都開咗部G5玩,暫時未見有任何問題。」據知機價還一直下調,雖然行貨定價為$5,698,但現在一般大型連鎖店的開價,已經下滑至$4,280(-$1,418);估計這個售價已經無限接近商舖的來貨價了;希望大家出機時唔好再在傷口上灑鹽,要Sales們送乜送物,因為真係冇乜水位大送禮品了!相再平一點,可以考慮水貨機,現時的機價為$3,980。

HTC 10是剛落場的新機,而且突破性地取得近年罕見的大捷:「HTC手機,真係好少以『賣得火熱」嚟形容!開初只是一些街客落嚟買機,之後就連好些熟客都開始落嚟搵機!雖知就算水貨機價都要$4,980,以HTC的手機來說,可算是非常高價了,儘管它是一部不折不扣的旗艦機!」看Simon的手上把玩着一部新開的HTC 10:「其實玩了近一個星期,我都未能發現它好突出的優點!我只可說它的成熟度好高、好爽快、好穩定;論性能,大概與Samsung S7及LG G5相若吧!為何能大賣特賣,我真的百思不得其解?」熱賣情度有多高?「大概每賣1部G5,就相應可賣出20部HTC 10。」

查詢:三禾電氣(旺角先達廣場1樓F33)

記者、攝影:朱崇德

精挑細味 籽想好食,即like「籽想好食」FB專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載