› 選擇地區
三藩市
紐約
洛杉磯
其他美國地區
香港 台灣 北美
 
2017年02月17日

【你抄我又抄?】Facebook推限時動態功能 傳WhatsApp都會跟

Facebook剛推出限時動態功能,目前只在包括台灣的8個國家地區推出,香港無份。

當一個功能好用,自然會吸引到其他同類產品「抄考」。正如Snapchat Stories受用家歡迎,Instagram早5個月前就加入類似的Instagram置頂限時動態功能,到今日連Facebook都照跟推出限時動態功能。Facebook限時動態功能同樣以24小時為限,同時擺在置頂位置,亦不能備份其他人的限時內容。不過不同的是Facebook內置相機功能就提供幾十種特效,又有唔同面具、邊框及互動式特效選擇,唔需要事前用其他應用程式拍低搞鬼短片。如果怕醜唔想公開限時動態都得,新功能還有一項「悄悄傳」功能,可將限時動態發送給特定朋友,對方最多亦可以睇兩次。香港用家如果想玩的話都相信要等一排,因為Facebook限時動態功能暫時只在8個國家地區推出,當中包括意大利、匈牙利、阿根廷、瑞典、挪威、西班牙、馬來西亞及台灣,香港無份!

唔止Facebook,網站Ubergizmo就引述Twitter帳號WABetaInfo的消息,指在最新的iOS Beta版上,提供上載短片或相片當24小時限時動態頭像的新功能,其實又係Snapchat Stories的變身,但這項功能會否在正式版推出就未知。

資料來源:Facebook, Ubergizmo

文:布偉倫

2017果籽繼續認真知味。識買惜用。行以求知。好事多為。重修舊好。
緊貼果籽報道,即like: http://fb.me/AS.AppleDaily

精挑細味 籽想好食,即like「籽想好食」FB專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載