› 選擇地區
三藩市
紐約
洛杉磯
其他美國地區
香港 台灣 北美
 
2017年04月02日

【先達收風】S8/S8+行貨5月先到貨 分析員:料旗艦機價將上調

S8及S8+香港行貨,預計最快要到5月初先會見街。

Samsung Galaxy S8及S8+在美國發佈後,對三星粉來說終於鬆一口氣;手上的Note 5與S7 Edge已經用咗好耐一段日子,最後終於等到下一部Samsung旗艦機推出。

S8及S8+功能如何?有人話喜歡、有人話一般!不過點都好,最近記者眼見的確有好多人走落先達,詢問兩部機將會賣幾錢?及香港幾時會到貨?事關呢兩方面問題,在美國的全球發佈會上,並未有任何答案。

肥通在韓國渠道收到消息,首輪的Samsung Galaxy S8與S8+,將會在4月21日發售,而首賣地區暫時鎖定了韓國本土及美國;香港方面又如何?據稱香港會在4月26日再開一次發佈會,預計5月初先會在香港派機;如果急到等唔切行貨的,水貨可能有機會在4月22至23日抵達香港。

至於價錢方面,Samsung早已對零售商發放消息,機價會較以往的旗艦級手機,大概貴上千餘元,所以預計S8的官方售價會定在六千餘元,而「大機」S8+,則有可能是七千餘元;至於水貨售價方面,則建基於官方機價,再貴上一千元左右。

會被人「高炒」嗎?好多水貨商均表示,一萬元是一個「心理關口價」,如果要佢哋炒過萬元賣一部Samsung手機,感覺都有點說不過去;事關Samsung手機,真係唔似早年某品牌的手機,長期處於缺貨狀態;反過來說,如果來貨價過高,迫於形勢要賣過萬元,佢哋都寧可為香港客戶做訂機服務。

記者:朱崇德

精挑細味 籽想好食,即like「籽想好食」FB專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載