› 選擇地區
三藩市
紐約
洛杉磯
其他美國地區
香港 台灣 北美
 
2017年05月09日

【腦場料】$99手寫Memo平板 8.5吋大芒記事

今個星期腦場返咗部好有趣的平板!裏面並冇安裝任何操作系統,亦唔可幫你煲劇聽歌,佢唯一的功能,就係畀你在上面寫字繪圖,記下重要的事情,佢個名LCD Writing Tablet。

大家唔好睇見Tablet(平板)呢個名,而被佢誤導了!如果論功能性,其實佢有些似大家兒時的「磁力畫板」;你可以用佢跟機專用筆,在機身屏幕之上任意寫字,而機身下方仲有一個「垃圾桶」造形的實體鍵,一按下去,你之前所寫所畫的文字及圖畫,就會一掃而空。

以8.5吋類似平板屏幕的結構,再做成低端科技式的繪圖畫板,的確令人有一新耳目的感覺,而且價錢亦唔算貴,只需$99!

肥通在追問店舖Sales下,最後得知此機使用了「柔性LCD液晶繪畫板」技術,最大特色之處,就是屏幕在閒置時並不耗電,就算你在屏幕上寫字作畫,亦不損耗任何電力;原因是你只在液晶屏幕上施加壓力,而令屏幕局部位置變色吧了!

哪麼何時才需要耗電?就是你按「垃圾桶」實體鍵時,屏幕會被刷新成全黑屏,這一個動作就會做成功耗;不過據廠方聲稱,以跟機的「餅電」作計算,大概可以刷新5萬次左右,就算你很愛作畫,日日操機都大概可用上2年時間。

沒有缺點存在嗎?當然有!就是屏幕上畫出來的線條是偏灰色的,在陰暗環境下會比較睇得辛苦,但相對在日光環境下會好Sharp!另外機身亦未配置有內存,所以誤按垃圾桶鍵,將會是一件相當悲劇的事情。

查詢:展昇(深水埗黃金商場地面42至44號舖)

記者:朱崇德
攝影:蕭志南

2017果籽繼續認真知味。識買惜用。行以求知。好事多為。重修舊好。
緊貼果籽報道,即like: http://fb.me/AS.AppleDaily

精挑細味 籽想好食,即like「籽想好食」FB專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載