› 選擇地區
三藩市
紐約
洛杉磯
其他美國地區
香港 台灣 北美
 
2017年05月21日

【會唔會走音?】有聲紋身 用app一掃描還原聲音

SKIN MOTION聲稱可把聲音的soundwave紋上皮膚,之後利用智能電話的專用app和鏡頭,掃描圖案,就可還原聲音。

近年越來越多人鍾意紋身,好似潮神Fishman Lok余文樂都越紋越多,越紋越有型。不過成日都講,紋身係一世嘅,要紋就要紋啲有意思嘅圖案,否則後悔事小,一世變MK仔(女)事大!而記者近來上網就睇到一段好有趣的紋身片,個紋身竟然可以出聲!這技術由一間叫SKIN MOTION的公司開發,概念係將聲音的soundwave,即音波紋(你用iPhone錄音時見到的聲音圖案)紋上皮膚,紋完後,再利用智能電話的專用app和鏡頭,掃描圖案,就可還原soundwave的聲音。即係你可以紋老婆老公講嘅「I love you」又或是仔仔囡囡的喊聲叫聲都得,睇落聽落都相當有趣新穎,有意思得來又特別,更唔怕俾人隨便睇到你紋咗乜。

雖然好似好正,不過唔少網友就留言話唔係好信,原因係紋身的精細度唔足以準確記錄soundwave,即使夠精細,亦會因皮膚變化而影響圖案(即係話可能會走音!),又好似好有道理。當然,同好多Kickstarters的新發明好相似,SKIN MOTION在網上都發佈了多條像真度好高的示範影片,而家佢哋做緊pre-order,聲稱紋身服務和專用app都會在今年6月正式發佈,記者試過暫時只需登記email,又唔使畀錢,可以試試。

https://skinmotion.com/soundwave-tattoos/

記者:韓繼聰

2017果籽繼續認真知味。識買惜用。行以求知。好事多為。重修舊好。
緊貼果籽報道,即like: http://fb.me/AS.AppleDaily

精挑細味 籽想好食,即like「籽想好食」FB專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載