› 選擇地區
三藩市
紐約
洛杉磯
其他美國地區
香港 台灣 北美
 
2017年07月01日

【五小福訪港】曼聯舊星出戰虛擬球賽 慘負達哥0:1

曼聯92黃金一代的傑斯(Ryan Giggs)、史高斯(Paul Scholes)、加利尼維利 (Gary Neville)、菲臘尼維利 (Phil Neville)及畢特(Nicky Butt)來港踼波獻技!不過講的踢波唔係真係落場踢波,而是打機,在虛擬足球賽上跟網絡紅人達哥和運動評述員馬啟仁Keyman等人對賽!

現場所見,五小福都相當有疲態,不過仍盡力投入活動。現場亦有極多曼聯球迷,想一睹偶像們的風采外,亦瘋狂為他們歡呼,當然亦不少得玩吓自拍同簽名喇。,已球員們亦顯得相當親民有求必應令在場fans相當興奮。

球賽方面,曼聯就派出畢特和菲臘尼維利岀戰,用的當然是曼聯,香港隊則選用巴塞,而加利尼維利就充當評述員。雙方都玩得非常投入,結果香港隊以一比零勝岀,睇嚟曼聯球員都係落場踢波叻過打機。球員們最後更向在場觀眾大派禮物,掀起全場高潮。

而其實今次活動是李嘉誠基金與3香港及Razer合作舉辦,重金請來球壇巨星,為的就是力撐「香港競XP」電競比賽活動。今次電競比賽更有來自新加坡、台灣、香港的冠軍級電競好手參與,於未來兩個周末進行賽事,並在7月9日舉行決賽日。同場更設有「實境虛擬」場景設置,讓大眾免費試玩,試玩期至7月16日。又係果句,當連誠哥都話要攪電競,你就知道要在香港打機揾食甚至發達已經不再是夢,宅男們努力啊,好多錢同囡囡等緊你地!

記者:韓繼聰、司徒港燊
攝影:梁志永

2017果籽繼續認真知味。識買惜用。行以求知。好事多為。重修舊好。
緊貼果籽報道,即like: http://fb.me/AS.AppleDaily

精挑細味 籽想好食,即like「籽想好食」FB專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載