› 選擇地區
三藩市
紐約
洛杉磯
其他美國地區
香港 台灣 北美
 
2017年10月20日

【煲劇狂迷】港煲劇跑手亞洲排第五 最多人即日睇晒《深夜食堂》

香港原來是全球最多人即日完成《深夜食堂:東京故事》的地區!

全新旅遊專頁,即like籽想旅行:https://fb.com/travel.appleseed

好多人都愛煲電視劇,好似記者最近就有個朋友常常自豪地告訴身邊人,自己只用了12日便煲完七季《Game of Thrones》,亦有朋友睇完一次《The Big Bang Theory》,現在又從新再煲一次。你以為咁已經夠瘋狂,其實都只是小兒科,Netflix剛剛就發表了一個煲劇統計,更從中發現了一大班他們稱為「煲劇跑手」的真正超級煲劇狂迷!

Netflix就話,呢班「煲劇跑手」鍾意在一天內極速完成其他人需要幾星期先睇得完的內容,即是要在一日內煲盡全季新劇,爭取在新劇推出後成為首位在24小時內煲完整季劇集。而單計Netflix會員,當中就已經有840萬人屬這類「煲劇跑手」,而且更有繼續飆升的趨勢,從2013年到2016年間於劇集推出即日完成整季劇集的總人數就增長了20倍!而香港人就當然唔會示弱,「煲劇跑手」佔會員的百份比,在亞洲地區中排第五,第一至第四分別是馬來西亞、新加坡、菲律賓和台灣。雖在總排名攞唔到第一,但香港原來是全球最多人即日完成《深夜食堂:東京故事》,可見日劇對港人的確有不一樣的吸引力。另外,香港最多人即日煲全季的劇集,原來是《漫威捍衛者聯盟》(Marvel’s The Defender),唔知有冇你份呢?

雖然統計結果係幾有趣,不過記者個人都冇乜興趣瘋狂煲劇,亦相信不眠不休地煲劇絕不是個好習慣,影響精神和日常工作就更弊!計我話,睇劇當然冇錯,但就點都應該適可而止,得閒睇下,慢慢在空閒時逐集追,也是追劇的一種樂趣啊。

記者:韓繼聰

精挑細味 籽想好食,即like「籽想好食」FB專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載