› 選擇地區
三藩市
紐約
洛杉磯
其他美國地區
香港 台灣 北美
 
2017年11月01日

【iPhone X收風】台機多到水浸 機價會大插水?

據知iPhone X到電訊商手上後,以平價台Plan搵熟客的電話都多咗。

講到炒iPhone X,一直以來都係一遍利好消息,最高場內有人話會炒5萬!不過臨出機前夕,終於「淡風」不斷;唔係要大家一定信,你亦可當場內人出口技想壓價,不過點都好,想知清楚iPhone X的價格走勢,都係應該了解當中細節。

相關新聞:【iPhone X收風】引入美版水機有玄機 炒價暫定在$12,000-$13,000

說10月31日萬勝節這一天,「最嚇鬼」的消息,首數電訊服務商的「台機」終於到貨,意即Apple正式將iPhone X,交到電訊服務商貨倉內!

據場內人消息稱,呢部iPhone X唔止用家睇好,就連台都睇高一線,因為可以夾到客上台甚至加長服務合約;不過未出貨前,一直話貨量緊張,所以好多台主事人,都變得進取一點,入貨量較慣常「重手」一點,就算正式派貨時,供貨被打過七、八折,都夠機畀客嘛!

不過,正式到貨後一點數,今次Apple竟然好似黃大仙一樣,有求必應喎!所以變成好多台都有非常「重貨」的iPhone X,後果會係點?多出咗的iPhone X,當然好大機會成為「後門機」,轉落場內細舖,甚至經炒賣iPhone的「艇仔」,轉上國內銷售啦!

或者大家會問,可有甚麼證據台機貨多?好實質的證據就冇喇!不過據行內人稱,其實大家在預訂iPhone X時,有否發覺身邊朋友,「1-2個星期送貨」名額特別少呢?據知就是有部份貨量,分咗落「台機」方面,所以一般人都是「3-4個星期送貨」居多。

由於預計香港整體iPhone X數量,可能會比預期充足,預計機價會大大插水,價錢是多少?據稱台機方面,會在萬勝即後1至2日內報價,如果對炒價方面有興趣者,這兩天要特別留意。

記者、攝影:朱崇德

精挑細味 籽想好食,即like「籽想好食」FB專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載