› 選擇地區
三藩市
紐約
洛杉磯
其他美國地區
香港 台灣 北美
 
2017年11月01日

【iPhone X收風】引入美版水機有玄機 炒價暫定在$12,000-$13,000

據知美版機貨量非常充足,所以香港的炒價可能受到水貨機的引入,而受到影響。

iPhone X炒價大吹淡風,估計絕大部份人的心裏疑問,一定係機價會由最高的5萬蚊,下插到甚麼水平呢?

相關新聞:【iPhone X收風】台機多到水浸 機價會大插水?

老實講,一日台及連鎖店的「後門機」未報價,都真係好難估到iPhone X的放售價!據以往慣例,大家手揸的iPhone,去到搵收機佬賣機,放售價一般都係「後門機」機價,再減上$500-$800,而呢個差額,就係收機佬當中所食的差價。

你可能會話,收機佬咪穩贏冇輸?都唔係架!機價上落有時可以非常快,幾百蚊差價都可以一、兩個鐘內發生,如果唔係,大家放機時,又點會成日見到放機價會上上落落呢?

「後門機價」未出台!咁大家又點知iPhone X放機價會下跌?其實這與早前盛傳iPhone X有可能炒上5萬有關;據知已經有水貨佬,被早前大炒iPhone X的消息所吸引,並搭好路從最多貨國家之一的美國着手,將引入美版水貨!暫時計算出來的引入價,「大機」256GB的到港價格,大概在$12,000至$13,000左右;所以暫估香港iPhone X的大機炒價,應該唔會高過呢個價位,否則大量入美國水機就得喇!

大家可能又會問,美國的水貨機到港又是否行得通呢?據水貨佬解釋,其實當年iPhone 7高價時,都曾經引入過美國的水貨機,不過唯一留意點,是有美版機有「雙網」及「三網」兩個版本;基本上「雙網」版本,會同香港版的網絡制式完全冇分別,至於「三網」版本,就會多加CDMA網絡制式,亦即同國內版iPhone X完全一模樣。

記者:朱崇德

精挑細味 籽想好食,即like「籽想好食」FB專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載