› 選擇地區
三藩市
紐約
洛杉磯
其他美國地區
香港 台灣 北美
 
2017年12月06日

【打爆機】天龍八部手機版 PC經典手遊重現

遊戲找來了電視史上,扮喬峰最似的梁家仁先生做代言,對一些老Game迷的確有一定吸引力。

講起《天龍八部》第一個會諗起邊個,以肥通這類老人家,一定會想起梁家仁!因為佢當年所飾的喬峰,真係無人能出其右,最近有手遊以佢作代言人,重出《天龍八部》遊戲,的確令人有一看的衝動。

所講的手機遊戲,是由GAMEONE代理的MMO《天龍八部手機版》,剛剛在本周的12月5日開服進行公測了;不講不知,原遊戲可是由PC版的《天龍八部Online》(2008年)改出來的,想當年此遊戲都可算一時無倆!哪些年一般同類遊戲,大概都係7,000-8,000人同時在線,但PC版的《天龍八部Online》的最高紀錄,可是16,000,這個可是曾紅極一時的香港遊戲!

此遊戲想當年最為人津津樂道者,當然唔係練功咁枯燥啦!最好玩係你神功練成後,再因着你進入的幫派為單位,進行大PK!唔夠打嗎?你就會拉更多身邊朋友玩,再踢佢入自己個會,等下次大戰時搵佢做炮灰,或者導佢升仙(課金);想當年我都係誤交損友而被踢入會,今次我一開服馬上開始經營,踢人入會之仇可以一報了!

上手試玩第一感覺,是畫面屬中上表現,當中尤以3D表現非常好,是真3D效果,尤其一開機坐鷹飛在城上,下面的建築物可是真的一幢幢3D建築物,不似一些手遊遊戲,是用平面圖像假扮;另外視覺效果亦好自由,可以隨便放大縮細甚至改變不同視角,都馬上做到而且未見Lag機情況,需知我只是用舊型號的LG V20玩此遊戲,都有想當不俗效果,可見系統都不算「太大咬」,不過唯一缺點是玩起來手機機身會頗熱,這點都是大部份3D遊戲的通病了。

查詢:《天龍八部 手機版》(facebook @ NTLBBHK)

記者:朱崇德

精挑細味 籽想好食,即like「籽想好食」FB專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載