› 選擇地區
三藩市
紐約
洛杉磯
其他美國地區
香港 台灣 北美
 
2018年03月17日

【的士反擊戰】實試碌卡搭的士 登記慳$100每程3%手續費

近日有關的士的新聞很多,有的士遊行,又有消委會講的士app之外,更有信用卡公司宣佈跟的士app「HKTaxi」合作,推出信用卡找數的功能,最重要是登記即送錢,究竟是否真的如想像中方便?又是否真的有着數呢?就要試過才知道了。

要用新功能當然先要有「HKTaxi」app,登記電話後,在「付款方式」一欄,就可以新增信用卡為付款方式,過程都相當快,簡單輸入幾項資料就能完成。登記後,下方亦會即時顯示出兩個$25折扣優惠,點選即可使用,冇花冇假,另外由即日至4月6日call的士去機場更即有$50優惠,加起來就賺到了$100了。不過有趣的是,雖然今次Mastercard大力宣傳,但記者發現Visa卡其實同樣可以用作付款,不過就少了送錢優惠,而兩個$25折扣優惠亦只有選用Mastercard付款才能使用。

到達目的地後,司機便會在他的手機輸入所需車資,同時在乘客手機上的app就會即時彈出所需收費,再按確認收費便完成付款,乘客亦可選加入小費。付款過程都頗簡單快速,基本上不用等候,付款後更會立即收到一個電郵,記錄低該程的士的收費記錄。

總括而言,多一種付款方式當然會方便了一點,但其實此功能只能用於call車app,一來要在call車前選定用信用卡付款,二來短途你又未必call到車,比起外國落車即可用信用卡找數,方便程度還是差了一點。更重要的是每次交易都要收3%手續費,看似不多但小數怕長計!不過現在有錢送,當然是用了才再算吧。但計我話,的士要爭生意除了新功能,更重要是司機們有禮一點,不要揀客,乘客們自然付款也付得開心一點。

記者:韓繼聰
攝影:徐振國

精挑細味 籽想好食,即like「籽想好食」FB專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載