› 選擇地區
三藩市
紐約
洛杉磯
其他美國地區
香港 台灣 北美
 
2018年05月19日

【即影即有】Fujifilm SQ6港版發佈 直出正方形相紙+三色閃燈濾鏡

Fujifilm Instax SQUARE SQ6即將發售,售價$1,280。

Fujifilm新一代即影即有相機Instax SQUARE SQ6日本呢頭賣完廣告,香港就正式發佈。先講售價,賣$1,280,5月25日會在Log-On和部份快圖美分店有售。之前部SQ10雖然都係用正方形相紙,不過就係數碼相機,SQ6玩返光學即影即有,對唔少Instax迷嚟講係有feel好多。

SQ6玩法同規格都近似過往Instax型號,沿用一支 65.75mm f/12.6 鏡頭。操作方式照舊十分傻瓜,最多可以校快門倒數計時和開關閃光燈。拍攝模式就幾齊全,常用的自拍、風景、微距模式以外,過往出現過頗有特色的Low Key、Hi Key模式SQ6都有保留。Low Key曝光會暗一點,加強光暗位對比;Hi Key則會加強閃燈,營造略顯過曝的日系感覺。此外,也有按兩次快門影兩個影像重疊的雙重曝光模式。

較有心思的是今次配件會送3 款可更換的閃燈濾色片,啪落閃光燈上面就可營造不同的色調效果,傻瓜機都可玩出創意,例如玩多重曝光時中間換一換濾片,效果都幾多變化,和手機IG的數碼濾鏡比較又是另一種味道。另外跟機亦會送多個手柄配件,增加手感。機身分別提供了玫塊金色、白色以及灰黑色三色選擇,方正的線條設計簡潔大方,比圓邊的SQ10較為討好,尤其是白色和玫瑰金都應該幾啱女仔。即影即有相機向來都有市場,正方形相紙影IG實體相亦有吸引力,不過提返大家,Instax Square 正方形相紙(10 張裝)目前要價$120港元,影10pack差唔多等如一部機的了。

記者、攝影:司徒港燊

全新旅遊專頁,即like籽想旅行: https://fb.com/travel.appleseed

精挑細味 籽想好食,即like「籽想好食」FB專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載