› 選擇地區
三藩市
紐約
洛杉磯
其他美國地區
香港 台灣 北美
 
2018年06月16日

【靚相冇國界】雪地冒雨行8個鐘 只為影靚阿爾卑斯山

【特約報道】

攝影師Kelvin Yuen影飛鵝山影到國際知名,為求影靚相一年上山幾十次,最後更憑「飛鵝山」相片在 2015國家地理攝影大賽獲得青年組冠軍及佳作獎項。最近他又挑戰自我,遠赴阿爾卑斯山山區16日,更曾冒雨在雪地登峰,由下午行到半夜行足8個鐘,毋懼又凍又危險的環境,只想拍一張靚相。

一回憶那段行程,Kelvin Yuen也覺得驚險:「那段時間山區仍在封山,車是上不到的,只好徒步行上山,寒冷都不是最辛苦,更難捱的是當時正在下大雨,行得很艱辛,而且也有危險。」行到午夜終於到達山頂理想的拍攝地點,一行人紮營等日出影靚相。「晨光出現的剎那很短暫,可能就只有幾分鐘,我們辛苦行上行,為的就是那幾分鐘時間。」當然,Kelvin影完之後再要行8小時下山,單是這個攝影之路就行了16小時。

Kelvin今次帶了Canon的專業全片幅EOS 5D Mark IV,以及大三元鏡同行,其中EOS 5D Mark IV為專業級數碼單鏡反光相機,具備防塵防水滴設計,就算喺冰天雪地嘅嚴峻環境都仍然穩定可靠,加上全片幅影像感應器,除了色彩還原非常出色之下,其動態範圍亦相當廣闊,十分適合低光拍攝;而近年深受天文攝影愛好者推崇嘅大光圈風景鏡王EF 16-35mm f/2.8L III USM喺最大光圈時嘅解像度由中心至四角都十分之高,拍攝壯闊山脈和星空都一流,到日出收一收光圈又可以繼續影,靈活性咁高嘅超廣角鏡頭,是影風景及星空的理想鏡頭。
至於另一支常用的,就是EF 24-70mm f2.8L II USM,因為行山遇到唔同嘅遠景、近景,用標準變焦鏡就更加方便,而為求完美效果,即使簡單的拍攝一座山中小教堂,Kelvin Yuen也先後去了3次。「第一次去有雨,第二次去有霧,直到第三次去才影到天氣比較好,而且有雲拍出來靚好多。」

Kelvin Yuen影風景經驗豐富,他和大家分享一個小貼士。「影風景照唔好心急,出發前在網上用Google Map預覽一下實際環境,第二次可以實地去影一些草圖,有助構圖及留意光線變化,第三次再去才是真正拍攝,等到好天氣就可以影到一張好相片!」

精挑細味 籽想好食,即like「籽想好食」FB專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載