› 選擇地區
三藩市
紐約
洛杉磯
其他美國地區
香港 台灣 北美
 
2018年07月18日

【智能米線店】用手機自己點米線 唔使下載app選項細心

「米線陣」最近推出手機自助點餐服務,用自己手機就可以落單。

米線絕對稱得上香港人主要食糧之一,不過「而蛋懶肉炸醬竹笙小辣多米線」多餸多選擇兼多人,落錯單漏單食錯嘢應該係人都試過。近日有米線店「米線陣」創新地推出手機自助點餐服務,記者實試過覺得相當方便,相信亦有助減少落錯單或漏單機會,唔怕再食米線食到成肚氣。值得一讚是服務唔需要專登下載app先可以用,而是用上Web app,只需要掃描單上的QR Code,手機就會自動在瀏覽器開啟點菜選單,只要按指示逐步選自己想食的食物,再按「確認送出訂單」即可,用法相當方便。

實試更發現選項相當精細,米線辣度選擇就當然係基本嘢,就連飲品甜度,甚至走冰走飲管都有得揀,加上介面非常user-friendly,清晰易用,相信唔會難到任何人。落單後,order就已經直接送到電腦系統,幾分鐘就有得食,你亦可以隨時check到自己食咗幾錢,叫咗幾多嘢食,最後畀錢時亦只需要用嗰張有QR Code嘅單就可以,相當方便。不過當然喇,雖則話唔需要下載專用app,但要掃描QR Code其實都要用app(iPhone直接用相機都得),另外手機當然亦必需要上網,無晒data又或者收唔到,麻煩你都係搵番阿姐落單喇。

記者、攝影:韓繼聰

即Like全新飲食專頁【籽想好食】: https://www.facebook.com/food.appleseed/

精挑細味 籽想好食,即like「籽想好食」FB專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載