› 選擇地區
三藩市
紐約
洛杉磯
其他美國地區
香港 台灣 北美
 
2018年07月18日

【真係iPhone 9?】大陸廠佬爆料 新iPhone雙鏡頭玩加大碼

據稱今年底推出的新iPhone,據知機身外形主要參照iPhone X。

又差唔多到新一代iPhone發佈的日子,謠言當然滿街飛!好多人都引述了外國評論,肥通就反而收到國內消息;據知「機背」模具剛剛定了下來預備生產,消息靈通人士料爆,今年9月Apple可能一次發佈三部新機,機形以iPhone X為藍本,暫時未有定名,但好多人會叫佢iPhone 9。

網上一早已熱傳新一代iPhone會使用新一代A12處理器,由舊機的10納米晶片升級上7納米製程;新機必然要快上一點,呢啲只係例牌菜。另有人指出機身已經在黑、白、紅、黃、藍、橙與粉紅間試色。如果大家熟知Apple造機流程,都應該知每次出機前都有相類動作,不過到正式出機時,就可能未必會採用;就以去年的iPhone X為例,還有「樣辦機」試過遙距無線充電,所以成日都會有啲古怪傳聞流出嚟。

今次肥通收到的新iPhone料從何來?其實是國內一些「廠佬」流出的消息,據稱佢哋見過新iPhone的機背生產模具;暫時收到消息,機身尺寸有三款大小,最細、最低階型號,外形有點似細機版的iPhone 6;中間尺寸、中階型號,就同現在的iPhone X有點相似,至於頂級機、最貴型號,佢哋話望落有點似iPhone 7 Plus,即係全面屏iPhone終於出「大機」了,相信到時會相當搶手!

只係機身大細唔同咗嗎?據稱三機的機背鏡頭設計都有明顯分別!首先最細機款會是單鏡頭設計,所以預計機價是最平一部;中間尺寸、似iPhone X一部,會保留原本的直身雙鏡設計;不過重點會係大機「Plus」版,雖然鏡頭一樣採用直身雙鏡設計,不過鏡頭位明顯會大上一些,據稱可能用上更大的鏡片組及感光元件,須知現在的相機攝影功能,各間大廠都已經鬥得非常白熱化,iPhone再要升上一個台階,都係惹來機迷換機的亮點。

最後一個點,肥通收到後係唔開心的!三部機都會採用全面屏設計,言下之意係會完全放棄Home鍵了!仲死硬用iPhone 7及iPhone 8的人,可能真係要考慮熟習操作新系統了。

記者:朱崇德

即Like全新飲食專頁【籽想好食】: https://www.facebook.com/food.appleseed/

精挑細味 籽想好食,即like「籽想好食」FB專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載