› 選擇地區
三藩市
紐約
洛杉磯
其他美國地區
香港 台灣 北美
 
2018年07月20日

【網絡紅人】YouTube兩億點擊 勁過紅館開騷 屎萊姆簽英皇:拍片好神奇!

【網絡紅人】
點擊近兩億的YouTuber「屎萊姆」最近正式加盟英皇娛樂做藝人。一講起YouTuber、KOL,好容易變成矛盾罵戰,支持嘅會覺得好睇過傳統媒體,唔like嘅就會話低質畀小學雞睇。不過當演藝娛樂大公司都想同YouTuber合作,睇嚟大家都係時候放低網絡文化難登大雅之堂嘅偏見,睇睇佢哋將來會有乜火花。

「屎萊姆」拍打機片起家,年多前再開一條頻道講生活飲食,兩條頻道「屎萊姆瘋狂世界」和「屎萊姆的3次元」,分別有44萬和33萬訂閱數目,總點擊分別超過8,800萬加9,700萬。不說不知,原來老婆當初極反對老公不務正業,但最終「屎嫂」程程都投入YouTuber世界,開channel分享玩具家電食譜。


英皇上年成立了英皇電競,屎萊姆表示,自己拍打機片都是娛人娛己,未夠班打電競,加盟英皇後工作性質不會有大轉變,依舊會以經營YouTube頻道為主。不過因為商業合作越來越多,亦越來越大規模,有經理人幫忙管理工作較易管理,也希望能做更多嘗試。阿屎向記者透露,已經拍了一個電視廣告,大家可能很快看到。阿屎畢業於科大電子工程學系,本來任職手機遊戲開發人員,四年前北上成都創業,成立遊戲公司Play Lazy。在創業前已有拍YouTube打機片的習慣,本來打算用YouTube推廣自己的遊戲公司,但越拍越着迷,甚至跟着北上的妻子都驚驚哋,曾勸他做正經事,但他覺得從YouTube找到滿足感,「去紅館開show可能都係萬幾人睇,拍喺YouTuber世界,拍一條好嘅片可能有幾十萬人睇,感覺好神奇。」

經營頻道 一日一片慘過返工

不過羅馬非一天建成,YouTube訂閱人數更要用心去儲,阿屎在YouTube界出名勤力,本來經營「屎萊姆瘋狂世界」講打機片,但亦想擴展觀眾層面,2016年開始了講生活拍Vlog的「屎萊姆的3次元」,最近新頻道訂閱人數亦超過30萬人。不過阿屎就說得來不易,自新頻道開張後,也有低潮期,「當初反應一般,也會想是不是自己肥仔,沒有觀眾緣,惟有努力不斷拍,不斷試,不斷改。」有感急需改進,他堅持每日一片出街,很多時拍片和剪片加起來就要十多小時,工作時間比打工仔更長。原本拍打機片片長較長,但經過嘗試後, 自覺拍生活片剪接要緊湊一點,也留意到觀眾出街睇片未必開聲,就算花時間也一定要每條片都配上字幕。日日出片,題材難免用完,阿屎就覺得做YouTuber一定要靠人,他會從身邊人身上找靈感。「有次去飲酒識到一個做美甲的朋友,我就忽然想到走去幫襯她,試試男人體驗gel甲一星期。」

最緊要有heart 努力毅力兼備

同行未必如敵國,阿屎也積極和其他YouTuber合作拍片。「就像火影忍者的鳴門和佐助,亦敵亦友,YouTuber之間或者有競爭,但需要互相幫助,才會有進步。」阿屎平時也有教大家點拍YouTube片,最常收到觀眾的問題是「想搵錢,點拍好?」阿屎覺得這個問題是大錯特錯。「唔係話搵唔到錢,但係如果想搵錢,搵番份正常啲嘅工作一定比較好。」阿屎之前也有拍片講解YouTube分紅,大概累積100萬點擊,就能分紅大約8,000至10,000港元,以香港地區來說,一條片數萬views已算好成績,假設是10,000 views的片分紅也不過$100,每日一片月薪也可能不過數千,可想而知用YouTube分紅做固定收入難度很高。「頻道初期一定是捱,例如我的新頻道頭一年都是蝕住做,觀眾人數才會慢慢上升。」除了收入不穩定,阿屎話拍片做YouTuber最緊要有heart。阿屎說現在每日一片下,睡眠時間平均每天只有四小時,拍片、剪片以外的時間,還要做資料搜集、構思橋段等等,並不是單靠想賺大錢就能做的工作,阿屎捱到今日簽英皇,近日也成立了自己的服裝品牌Overspice,努力和毅力居功至偉。

YouTuber近年已不局限於網絡發展,令廣告商越來越重視他們,所以才有阿屎簽約娛樂公司的例子。每年一度的YouTube Fanfest正好有機會讓一眾YouTuber走上舞台和觀眾近距離接觸,今年會於8月3日在九展舉行。

YouTube Fanfest 2018串流網址: http://www.youtubefanfest.com/

記者:司徒港燊
攝影:徐振國

精挑細味 籽想好食,即like「籽想好食」FB專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載