› 選擇地區
三藩市
紐約
洛杉磯
其他美國地區
香港 台灣 北美
 
2016年01月15日

【科健籽】一年10日 齋飲斷食

【科健籽:斷食真人騷】
公元前四世紀在古希臘已流行的清水斷食雖然激進,但2001年美國康奈爾大學報告指,醫療監察下的11日清水斷食,百分之九十的高血壓患者,血壓降至健康水平。香港舞台劇導演廖裕修自2009年初試靈芝水斷食,至今七年間每年皆斷食10日。10日不進食聽來荒謬,他第一次聽聞時亦覺瘋狂,「第一次見人斷食,覺得佢好怪,自己唔食仲要領頭帶一班人唔食7日,覺得班人好蠢。」他親眼目睹一位朋友斷食後容光煥發,令他躍躍欲試,「佢話唔只飲水,而係飲靈芝煲水,望見佢咁精神咪想試。有乜唔妥咪食番嘢,唔會蠢到餓暈都唔食。」

關嘉美:欠缺營養會死人

第一次飲靈芝水斷食時,感到又累又頭痛,太餓時會飲一兩啖蜜糖,再餓就飲一杯果汁,43歲的他說:「見到家人食漢堡包都難受,但忍口一肚餓就飲大量清水,先發現水都好好味。每次都覺得好辛苦冇下次,但每年又會堅持做,多數揀中秋節完晒應酬飯局後,空閒就會斷食十日。除斷食時每日瘦一磅外,面油暗瘡減少,以前好鍾意食肥膩食物,𠵱家身體自然抗拒。」除身體變化外,性格都有所改變,「以前個人好急躁,但斷食時冇力,發現追唔到巴士咪等下一架囉,冇力嬲咪睇開啲囉,發現慢活都幾好。」註冊中醫師楊明霞指靈芝雖然有養心安神、補肺益氣、滋肝健脾之效,但用作斷食絕無醫學根據,可致使臟腑氣血失調,後果可以相當嚴重。家庭醫生關嘉美亦說長期不吸收任何食物營養,稍有差池有猝死可能,切勿亂試。

廖裕修斷食時間表

04:30:起床,飲兩杯靈芝水,一啖蜜糖
09:00:飲一杯椰子水
13:00:飲一杯果汁,其間餓就飲靈芝水
17:00-18:00:飲一杯果汁
22:00:睡覺

備注
1.
廖裕修工作關係,4:30就需出門上班,14:30下班。
2.
斷食期間每天飲4公升清水。
3.
同時會做輕量拉筋動作,以助血液循環。

記者:楊麗珊
攝影:攝影組
編輯:黃仲兒
美術:吳子豪

精挑細味 籽想好食,即like「籽想好食」FB專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載