› 選擇地區
三藩市
紐約
洛杉磯
其他美國地區
香港 台灣 北美
 
2016年05月15日

【每日健康】燒味好味?一碟燒肉飯近千卡路里

又到午餐時段,食乜好食乜好?面對一大堆選擇,望來望去拿不定主意,最後人類多會趨向食慣食熟的安全選擇。燒味,就是大家的安全島。燒味肥,其實大家都知,但到底有幾肥?

1.燒肉,皮又脆肉又嫩,一次滿足兩個願望。不過一塊半隻手掌大小的燒肉,卡路里已經有250大卡(kCal),一碟燒肉飯,大約有一隻手掌大的燒肉,即是只計燒肉,卡路里已經差不多500大卡,聽落冇問題?如果再加白飯,一碗白飯就220大卡,一碟飯大約兩碗白飯,加加埋埋就有940大卡。而女性一日應該吸收的卡路里大約是1,800大卡,男性一日就大約需要吸收2,100大卡,一碟飯已食了一半每日所需,你驚唔驚?

2.唔食燒肉,轉食燒鴨!如果有一日心情大好,想食隻燒鴨髀賀賀佢,承惠380大卡,一碟鴨髀飯就大約820大卡,你食埋我嗰份。

3.唔食燒鴨,轉食雞。燒味檔一排蜜汁雞髀,又香又甜易入口,送飯最好,870大卡!下午茶又話要食西多(584大卡),夜晚就可以去買新褲,因為着緊嗰條已經唔啱着。

4.講完未呀,我轉食切雞得唔得,一隻去皮白切雞髀大約290卡路里,再加碟飯都是730大卡,不算高。但你睇睇旁邊的一大匙薑葱,又油又滑好好送飯,一湯匙已經有約86大卡,你加多兩匙,就食幾少肉都冇用。

資料來源:top1health, 食物環境衞生署

記者:李聰

精挑細味 籽想好食,即like「籽想好食」FB專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載