› 選擇地區
三藩市
紐約
洛杉磯
其他美國地區
香港 台灣 北美
 
2016年08月05日

【動畫】精靈訓練員注意 三個穴位KO眼澀膊痛腳軟

最近身邊的朋友,個個都話自己眼又朦,膊頭又緊,雙腳又軟,到底乜事?冇乜大事,只係《Pokemon GO》玩得太多,搞到周身唔舒服。捉精靈時候,全神貫注的望着電話,註冊中醫師徐澤昌(Roy)說,長時間低頭睇電話,眼睛會澀,會唔夠精神,中醫有句說話,「久視傷血」,看東西看得長時間,會傷了血份。中醫指的血,其實指身體裏的營養物質,當這些營養物質減少,無法濕潤我們雙眼,眼就會無神。

眼睛模糊以外,膊頭頸椎都十分疲倦。事關長時間低頭,令肩頸勞損,甚至有機會引發骨刺形成。腳軟就容易解釋,中醫有云「久立傷骨,久行傷筋」,每日行行停停,腳軟膝頭痛理所當然。

到底有甚麼解救方法?Roy立即教你幾式穴位按摩。

雙眼:用食指和姆指,按着鼻樑中間的精明穴,再合上雙眼,輕力按摩30秒左右,按完會感到雙眼精神得多。

肩頸:兩手直豎拇指,按摩頸後的風池穴30秒,可以紓緩疲勞。

雙腳:按摩膝頭旁的血海穴大約30秒,可以強筋,消除疲勞。

記者:李聰

精挑細味 籽想好食,即like「籽想好食」FB專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載