蘋果日報 | APPLE DAILY
› 選擇地區
三藩市
紐約
洛杉磯
其他美國地區

Eason千萬代言 Adidas

最後更新: 0804 18:37 / 建立時間 (HKT): 0224 00:00

風格「出位」的 Eason陳奕迅,最近獲運動品牌 Adidas睇中,以高價力邀做代言人。據了解,廣告商去年已開始為品牌物色大中華區代言人, G.E.M.男友台灣的林宥嘉亦是候選人之列,由於各項條件 Eason都佔盡上風,即使企硬$1,000萬,價錢遠遠拋離其他人選,代言合約照樣唾手可得,成為 2011年 Adidas Orginals的「 Then Now Forever」系列代言人。

林宥嘉開天殺價

Adidas一直被視為運動服中的大 brand,因為名氣響,夠號召,毋須掟錢請 local代言人。 Eason得以例外,與他在中港台甚至東南亞其他地區都大把人識,不無關係。
「 Adidas舊年已經開始喺中、港、台三地物色人選,包括傾過台灣嘅林宥嘉,但佢公司竟然開天殺價話要五百萬(港幣),但大老細覺得佢唔夠紅,所以最後冇考慮佢,至於 Eason個價口雖然仲辣,但無論台灣同大陸佢都人氣十足,所以就算開價一千萬,最後都傾得掂,大老細照去。」知情者透露。
去年尾, Eason與 Adidas雙方達成合作協議,以千萬酬勞代言一年,十二月,他到加拿大多倫多舉行巡迴演唱會期間,順道為 Adidas拍了一輯宣傳照,稍後, Eason將會隨大隊遠赴美國,拍攝全新一輯廣告。

大中華一年合約

其實 Eason本身也是 Adidas fans,過往無論出席大小場合,包括演唱會、頒獎禮,經常穿著 Adidas贊助的戰衣。
「所有大 brand都鍾意贊助曝光率高嘅藝人,攞衫有限數,唔似得真金白銀俾大嚿錢出嚟,但一直有宣傳效力。 Eason自己又鍾意個 brand,成日著佢哋啲衫出 function,連演唱會都有著 Adidas贊助嘅衫,好識做! Adidas亦知道要搵 Eason正式做代言人,嚿錢一定唔少,但佢哋覺得物有所值,以大中華區計,一年一千萬,照俾!」

明星效應

習慣搵運動明星做代言人的 Adidas,自 07年起,開始改變策略,搵年輕藝人代言,阿嬌更是第一個擔任 Adidas廣告主角的藝人。品牌年年換人上場,但攞到八位數代言身價的,只有陳奕迅。

更多 壹週刊 文章

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2018 AD Internet Limited. All rights reserved. 版權所有 不得轉載