蘋果日報 | APPLE DAILY
› 選擇地區
三藩市
紐約
洛杉磯
其他美國地區

林珊珊女兒行舊路

林氏一門都是飲商台奶水長大。
最後更新: 0804 19:14 / 建立時間 (HKT): 0628 00:00

林珊珊一家,應該是飲商台的「奶水」長大的。
林珊珊、她的兩個細佬,林海峰及剛收到大信封的林曉峰,三姊弟都曾在商台開咪。
她與前夫、前香港泳隊成員李啟淦所生的廿四歲長女李澄(西瓜)原來亦靜悄悄地入埋商台開咪。
家族遺傳?完全唔關事,「我係聽《森美變態樂園》,嘩!覺得黐線!勁好聽!又好好笑!咁嗰陣時同朋友約定,『不如我哋一齊做 DJ啦!』」

女承母業

林珊珊的兩名女兒,長女李澄(西瓜)、細女李怡(野人),兩個都有着古怪的花名,西瓜解釋「西瓜的由來」:「我三歲時發燒,媽咪帶我去睇中醫,中醫話:『你俾你個女攬住個西瓜瞓覺啦,你狂灌佢飲西瓜汁,佢就會退燒 㗎啦。』但我聽講其實我好細個嗰陣時已經叫做西瓜,因為媽咪有咗我時個肚好大,好似一個西瓜咁有好多紋,所以由細到大都叫西瓜。」除了由細到大叫西瓜,做 DJ亦是她自小的夢想,「好多人會以為我係受到屋企人影響,其實一啲都冇,因為我大個 嘅時候,佢哋喺 DJ方面已經冇做,嗰陣時曾經同朋友約定一齊做 DJ,呢個夢就一路都記喺度。」
直到在香港科技大學商科畢業,她發覺自己喜歡跟人分享想法、事物,亦喜歡聽歌,「我覺得我把聲都算 OK㗎,相比起我其他才華方面,呢個已經算係最標青啦,呢個咁嘅 combination,似乎呢個職業都唔只係一個夢咁簡單喎,所以就想試吓。」
名人二代都有一個通病:唔靠屋企靠自己,於是,西瓜沒有挾着「林珊珊個女」、「林海峰姨甥女」之名入商台,她自以為神不知、鬼不覺,其實當佢一踏入商台,人家已知咩料,「我自己睇網頁遞表,完全冇同媽咪講,但其實呢度啲人見到我就知係邊個啦,咁我就以為我自己瞞得好犀利,哈哈,雖然到最尾你話唔係啫,但有邊個會覺得唔係靠關係 啫!但我就係唔想有呢種要佢幫我手 嘅感覺。」

心照

在商台工作兩年,近一年她有機會在森美、小儀的《早霸王》節目開咪,今個月更開始有屬於自己的節目《太陽從西瓜升起》,這麼快便有自己的節目,令人又不期然的想起「關係」二字,「我諗呢個係好初步 嘅……冇辦法,我唔係奉旨覺得呢個關係令我得到節目 嘅原因,但係你話冇關係我又唔相信,連我自己都冇辦法話俾你聽係我自己好叻,冇可能囉,其實我自己好怕人 哋會覺得係因為咁樣 㗎,所以……咪睇耐 啲囉,靠關係冇得靠一世 㗎嘛。」
就算開咪做節目,她只是通知林珊珊一聲,連實際時間亦沒告知,只是林珊珊以及舅父們聽收音機留意到,「我一做節目全家都會 whatsapp我,《早霸王》佢 哋都有聽,尤其是媽咪啦,我諗媽咪有好多嘢都唔聲唔聲,佢會突然話:『唔!我覺得你有進步啦……點解你會 喺節目講月經㗎。』哈哈,佢有聽, 喺呢 啲位就會提點吓你,佢有讚 㗎!又教我做下把係要點樣。」她說最難忘的是第一集的節目,差啲賴 嘢!「我 哋而家係將所有歌入晒落電腦,然後 㩒出 嚟,我以為 save到個 format最佳, 啲音色就會好啦,點知我 哋部機 read唔到個 format,一去歌 嘅時候 㩒極都 㩒唔到,咁個同事就幫我是但 㩒 咗首歌出 嚟,幫我 set番好所有 嘢,然後先可以順利咁做,我就照講稿,好彩 啲稿全部都係自己寫,個節目係 live㗎!我諗我人生未試過執生執得咁叻 㗎啦。」

快樂人球

林珊珊與李啟淦在西瓜三歲時離婚,西瓜與野人跟隨母親。自小在單親家庭長大的她覺得一點影響也沒有,「我童年過得好開心喎,因為所有注意力都集中 喺我同阿妹身上,佢 哋會放好多心機同我 哋玩,除 咗有陣時禮拜六我要過 daddy度,禮拜一至五去媽咪度,其實我覺得可能比其他人活得更加多姿多采,同埋我係一個好快樂 嘅人球囉。嘻嘻……係呀,因為我真係成日周圍去,同埋係 enjoy個喎,雖然人球係好貶,但我真係快樂 吖嘛。」舅父負責陪玩,母親林珊珊的管教則比較嚴謹,「佢好有威嚴,細個好驚佢,不過我 哋而家 嘅關係係似朋友,有時做 嘢唔開心,覺得 嘥 咗個機會都會同佢講,佢就會話:『下次做好 啲啦,我 哋一齊睇吓電視啦。』哈哈,知道佢明,好心照 嗰隻。」
她與林珊珊的難忘事,是她中學八十周年校慶,這亦是林珊珊的母校,就讀中六的西瓜有份演出歌舞劇,謝幕一刻,林珊珊帶頭站起來拍掌大嗌「 Bravo」,「嘩!我 啲眼淚係咁流出 嚟,好震撼﹐而家講起我都覺得好腰 㗎,平時唔會咁直接話俾你聽佢愛你。」至於父親李脗淦,在她十六、七歲時的父親節,她跟妹妹夾份送香水,李脗淦收到後即場哭了出來,「估唔到小小 嘅表示令父親有咁大震撼,見到佢咁我個心好酸,真係要對 daddy再好 啲先得啦,其實佢都唔係咁冷……真係熱淚盈眶,嚇死我呀。」

更多 壹週刊 文章

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2018 AD Internet Limited. All rights reserved. 版權所有 不得轉載