蘋果日報 | APPLE DAILY
› 選擇地區
三藩市
紐約
洛杉磯
其他美國地區

葉梁美蘭 胸 cake賀壽

Mira說豐胸蛋糕好搞笑,「好多朋友爭住影相。」
最後更新: 0804 19:27 / 建立時間 (HKT): 1227 00:00

近年 3D立體蛋糕愈來愈流行,好多人不惜花上數千,甚至成萬蚊訂造特色蛋糕給壽星仔、女驚喜。前行會成員葉維義太太葉梁美蘭,今年生日就收到朋友送的 38E巨胸蛋糕,難得她照單全收,仲笑話:「多數係女仔食。」

氹老公上船

葉梁美蘭( Mira)今年生日玩得相當盡興,九月廿二日正日,她出動兩隻私伙遊艇,加埋朋友共六隻船搞船 P,之後轉場去朋友屋企慶祝,夜晚再落 club慶生,一日走足三場,他還將當日的連環生日派對相,放上 facebook與友人分享。
不過習慣早瞓的 Mira老公葉維義,就只 join太太的生日船 P,致電問 Mira,她說:「搞船 P是知老公一定鍾意會一齊去,九月香港天氣暖,上船好舒服,老公又鍾意玩水上活動,朋友亦可以玩 wakesurfing、 wakeboard。」估不到 Mira和丈夫結婚十八年,自己生日仲鬼咁 sweet遷就老公喜好, Mira知情識趣說:「我 哋希望身邊人開心。」

當日仲有 A&F的肌肉男上船一齊玩,「佢哋係朋友帶嚟,開 party梗係要有啲 eye candy先得!」雖然男模個個身材 fit爆,但 Mira就讚老公好正,「佢見班 model剝衫,佢又剝話:『我都掂㗎!』講真,以佢嘅年紀,真係 keep得好 fit。」

名牌變蛋糕

但最驚喜莫過於朋友送上 corset造型的蛋糕,上面還有一隻迷你 Christian Louboutin高跟鞋,「我最愛 Christian Louboutin鞋和 Agent Provocateur的內衣,係我最愛的品牌,朋友好有心思。」之後 Mira轉場去朋友家繼續玩,她的男性朋友竟然送上在君悅訂製、約六千元的士多啤梨味 38E豐胸蛋糕給 Mira,「蛋糕志在搞笑,收到後笑不停。」
朋友咁識做,老公又送什麼生日禮物?「船上有 DJ、 bartender和到會,這些雜費開支全部由老公包起。」生日願望呢?「想女兒靚過我、叻過我。」

生日糕 Go Go

一個精緻、鬼馬的生日蛋糕,確實能為生日派對加添快樂驚喜。

何超雲 晒樣

去年陳山聰( Joel)三十五歲生日,何超雲先在沙灘上寫着「 Happy Birthday Joel」,然後把這張照片印在生日蛋糕上,冧爆情人。

陳祉妤 高爾夫蛋糕

名模陳祉妤( Balia)鍾意打高爾夫球,上月生日她收到高爾夫球蛋糕開心不已,「裡面係黑森林味,重溫小時候 嘅味道,有種簡單的快樂。」蛋糕外面是綠色的椰絲,「做得好真,係成世人最開心的蛋糕。」

汪圓圓 唇膏蛋糕

去年一月為甄子丹女兒 Jasmine(圓圖左)七歲生日,汪詩詩妹妹汪圓圓(圓圖右)在 Complete deelite訂了個三千多元的 3D唇膏蛋糕給 Jasmine,「佢鍾意化妝,但我哋唔准,所以送個蛋糕俾佢。」上週六是圓圓父親生日,一家人亦送了個約八千元的龍形蛋糕(左圖)。

更多 壹週刊 文章

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2018 AD Internet Limited. All rights reserved. 版權所有 不得轉載