蘋果日報 | APPLE DAILY
› 選擇地區
三藩市
紐約
洛杉磯
其他美國地區

唔使出貓 學習記憶法增強工作考試實力

7
最後更新: 0914 08:50 / 建立時間 (HKT): 0914 00:00

電影《出貓特工隊》中的一眾主角,為了以快捷的途徑獲得好成績,不惜背選項、背數字及背英文,用盡一切方法出貓,可惜最後都被識破,斷送了自己的前途。與其用精力想出貓的方法,不如好好鍛煉自己的記憶力,做到過目不忘,那在考試還是工作上都難不到你!恩賢教育中心舉辦了大腦記憶學導師證書課程,除了讓學員學習不同的記憶力方式,來應付日常工作兼訓練腦轉數外,還會教大家就不同對象而設計相應的訓練教程,為當記憶學導師做好準備。

課程由擁有 7年記憶學教學經驗的導師 Simon任教,他表示記憶主要分為中文、英文及數字 3個元素,「我會教學員運用世界記憶大師源自於古羅馬時代所用嘅地點法、部位法、畫畫法及故事法,去拆解每一樣資訊,轉化為符號及圖像,方便大家記住。」

Simon即席舉出一個例子,若教學員記以前 9大行星的次序時,他會先畫圖(上圖)。
1. 畫一個大陽,入面分為 9格,分別代表行星與太陽距離的遠近。
2. 然後按特徵地用圖表示,水星畫水點、金星畫元寶、地球畫人、火星畫火、木星畫樹、土星畫泥土、天王星畫天空、海王星畫海水,還有已不計算在內的冥王星,可以用骷髏骨代表。
3. 以圖像記好次序後, Simon表示若想記得更穩固,可以將元素串連為故事,如火燒樹變為土,便可以記住火星、木星及土星的次序。

記憶法混合使用

Simon解釋這 4種方法大多會混合使用,「當做婚禮司儀時,需要記住致歡迎辭、播片、進場及婚姻監禮人出場等步驟。我會教大家用圖像代表每個步驟,例如致歡迎辭可以用一份稿嘅圖像代表、播片則可用菲林嘅圖像、進場以步行代表,而婚姻監禮人出場就用交換戒指嘅場面,將佢哋連結為一個故事,即用份稿夾住筒菲林,然後一對新人拎住菲林,拖住手行緊,再交換戒指,如此類推咁接落去。若喺一個特定嘅地方,就可以將地方劃分為唔同嘅部分,每個畫面同各部分聯繫起嚟,每次望到該部分就會記起婚禮流程。」

按對象調節內容

教學員設計課程方面, Simon表示要按對象需要再調節內容,「小朋友多用圖片訓練;青少年就進行即講即記嘅訓練,體驗即時效果;若去公司教班,對象係在職人士,要設計到同佢哋嘅工作相關,例如金融、銀行、時裝及建築業,大多會接觸預算及報表,可以教佢哋數字編碼嘅記憶方法,實用最緊要。」課程設有 36小時實習課,會安排學員到中小學試教,增加實戰經驗,完成後可到各學校或中心當記憶班導師,時薪約$150至$300不等。

Simon 導師
課堂上,我會與學員做好多突擊練習,因為學員嘅工作唔同,有啲係中醫、風水師、銀行職員等,我哋會用佢哋工作範疇接觸嘅事物做練習,好似記講稿、藥材成分及功效、營養學嘅食物種類等。

Adrian 學員
我係讀緊中醫嘅學生,因為中醫科目好多嘢要記,同時好難記,所以想改善自己嘅記憶力,幫助學習。課堂上學到嘅地點法及故事法,對我嚟講最有用,通常一大段句子,我都會拆散,將重點串連成故事,記嘢真係快咗及多咗。

課程:大腦記憶學導師證書課程
機構:恩賢教育中心
日期: 9月 21、 28日; 10月 12、 19、 26日; 11月 2、 9、 16日
堂數:共 8堂,共 24小時,另有 36小時實習。
費用:$6,800
內容:介紹記憶學的歷史及記憶學導師的專業元素、天生記憶能力復原基本技巧、不同記憶法原理及技巧、以記憶法配合學科原理及技巧等,最後更設有實習及模擬教學,導師會作評估。
查詢: 3421 0332
網址: http://www.graceyard.edu.hk

撰文:霍芷晴
攝影:葉偉豪
部分圖片由被訪者提供

更多 壹週刊 文章

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2018 AD Internet Limited. All rights reserved. 版權所有 不得轉載