蘋果日報 | APPLE DAILY
› 選擇地區
三藩市
紐約
洛杉磯
其他美國地區

人 氣 設 計 師 玩 轉 本 土 文 化

成 立 了 十 年 的 廣 告 公 司 Photomato 生 意 近 來 走 下 坡 , 但 劉 偉 民 一 於 無 有 怕 , 還 來 個 返 老 還 童 , 出 品 天 下 太 平 、 點 指 兵 兵 本 土 文 化 精 品 , 人 氣 上 升 之 餘 , 亦 袋 袋 平 安 。
最後更新: 0804 16:05 / 建立時間 (HKT): 0530 00:00

「 我 家 公 雞 食 唔 『 漏 』 , 左 右 左 右 有 節 奏 ; 我 家 母 雞 識 生 蛋 , 邊 行 邊 生 唔 偷 懶 。 」
劉 偉 民 設 計 的 月 曆 上 , 畫 了 一 隻 會 生 蛋 的 鐵 皮 雞 , 旁 邊 還 有 這 樣 一 首 順 口 溜 。 這 鐵 皮 雞 公 仔 也 許 不 是 人 人 認 得 , 但 在 電 梯 口 跟 隔 籬 B 仔 「 猜 」 西 瓜 波 , 在 樓 梯 口 摺 紙 飛 機 , 回 家 後 被 阿 媽 「 藤 條 炆 豬 肉 」 的 場 面 , 大 家 一 定 沒 齒 難 忘 。
鐵 皮 雞 公 仔 、 西 瓜 波 、 藤 條 這 些 香 港 「 土 產 」 , 你 或 會 嫌 老 土 , 但 當 了 十 年 設 計 師 的 劉 偉 民 , 卻 視 之 如 瑰 寶 。 他 被 上 一 輩 香 港 人 的 創 意 所 着 迷 , 以 𡃁 仔 時 朝 見 口 晚 見 面 的 土 產 , 設 計 出 Living@HK , 生 活 在 香 港 服 裝 及 精 品 系 列 。
他 相 信 香 港 人 其 實 很 有 創 造 力 , 只 要 好 好 運 用 創 意 , 香 港 還 是 有 排 玩 。 他 把 這 信 念 實 踐 在 設 計 中 , 而 他 這 一 系 列 玩 轉 本 地 文 化 的 產 品 , 亦 因 此 打 進 免 稅 店 、 Loft 等 , 變 成 為 旅 客 的 新 派 手 信 、 紀 念 品 。

或 許 每 個 設 計 師 , 都 有 一 副 「 格 」 。 每 次 訪 問 劉 偉 民 , 他 總 腳 踏 黑 色 Prada 「 懶 佬 鞋 」 , 著 黑 色 Big John 牛 仔 褲 , 穿 自 己 出 品 黑 色 底 , 印 着 「 勇 」 字 、 「 喜 喜 喜 」 的 T 恤 , 永 遠 全 身 「 黑 麻 麻 」 。
劉 偉 民 的 寫 字 樓 位 於 觀 塘 偉 業 街 一 工 廠 大 廈 , 乘 升 降 機 而 上 , 一 打 開 𨋢 門 , 展 現 眼 前 的 是 一 舊 式 戲 院 的 票 務 大 堂 , 大 堂 上 掛 着 招 牌 「 我 們 是 這 樣 長 大 的 」 。 推 門 內 進 , 接 待 處 佈 置 成 戲 院 前 座 , 兩 邊 牆 上 「 不 日 放 影 」 、 「 即 日 放 影 」 的 玻 璃 櫃 內 , 貼 滿 他 製 作 的 廣 告 , 介 紹 他 公 司 的 歷 史 。 沿 着 走 廊 往 前 走 , 地 上 畫 了 「 跳 飛 機 」 遊 戲 。 正 當 你 目 不 暇 給 之 際 , 便 來 到 劉 偉 民 的 陳 列 室 。
香 港 人 對 自 己 的 地 方 諸 多 不 滿 , 又 對 香 港 人 這 身 分 缺 乏 信 心 。 但 劉 偉 民 卻 堅 信 香 港 最 正 最 好 , 他 的 產 品 , 全 部 以 香 港 的 本 土 文 化 , 尤 其 是 吃 喝 玩 樂 為 題 。 他 設 計 的 T 恤 、 咕 𠱸 、 手 錶 上 印 着 通 勝 的 「 宜 」 、 「 忌 」 ; 小 孩 玩 的 西 瓜 波 、 飛 行 棋 、 天 下 太 平 , 以 及 賭 徒 最 愛 買 的 「 庄 」 、 「 閒 」 , 茶 餐 廳 的 菠 蘿 油 , 全 部 就 地 取 材 。 「 設 計 時 我 想 , 香 港 人 鍾 意 什 麼 ? 我 知 道 香 港 人 很 喜 歡 做 莊 , 話 晒 事 ; 鍾 意 睇 通 勝 , 宜 咩 忌 咩 , 這 些 字 正 反 映 香 港 人 的 心 理 ; 香 港 人 又 咁 喜 歡 食 菠 蘿 油 , 放 兩 個 菠 蘿 包 响 心 口 , 都 係 想 幽 一 默 。 」

時 刻 要 玩 嘢

他 還 籌 備 把 這 一 系 列 的 圖 案 設 計 , 結 集 成 書 《 香 港 極 品 》 , 準 備 在 今 年 書 展 出 街 。
「 雖 然 唔 知 西 瓜 波 源 頭 在 哪 , 但 它 陪 港 人 玩 大 , 我 還 記 得 它 初 出 時 只 有 拳 頭 咁 大 , 後 來 才 有 中 、 大 碼 。 揀 波 要 專 登 揀 皮 薄 的 , 咁 樣 彈 力 先 夠 高 , 係 好 得 意 的 一 樣 嘢 。 其 實 香 港 人 好 有 創 意 ! 好 似 香 港 有 三 大 名 不 符 實 的 食 物 : 菠 蘿 包 、 豬 仔 包 、 老 婆 餅 , 幾 得 意 ! 香 港 有 很 多 東 西 , 對 港 人 來 講 有 很 深 感 情 , 同 時 很 能 吸 引 外 國 遊 客 。 」
劉 偉 民 堅 信 憑 創 意 , 香 港 人 可 以 再 創 高 峰 , 再 high 過 。 而 他 自 己 亦 因 為 創 意 無 限 而 上 位 。
十 年 前 , 他 創 立 廣 告 公 司 Photomato , 過 往 他 設 計 過 Andy Lau.com 車 身 及 戶 外 廣 告 、 香 港 寬 頻 的 電 視 廣 告 , 及 互 動 電 視 的 單 張 、 贈 品 等 , 一 般 而 言 廣 告 製 作 收 費 約 十 至 三 十 萬 。 上 年 初 , 他 見 客 戶 廣 告 花 費 「 縮 皮 」 至 一 半 , 甚 或 三 分 一 , 雖 然 未 試 過 蝕 本 , 但 他 知 道 如 果 再 不 動 動 腦 筋 , 開 發 產 品 , 便 遲 早 大 鑊 。
「 過 往 做 一 本 年 報 , 廣 告 費 約 三 十 萬 , 但 而 家 有 客 竟 會 問 : 『 十 萬 你 做 唔 做 ? 唔 做 自 有 其 他 人 做 。 』 而 且 , 每 個 廣 告 平 均 至 少 要 兩 、 三 個 月 完 成 , 起 了 貨 才 有 錢 收 , 然 而 一 家 公 司 上 下 十 幾 人 , 每 月 基 本 開 支 過 五 十 萬 , 不 易 捱 。 」

挑 戰 陳 幼 堅

於 是 在 去 年 初 , 劉 偉 民 花 了 三 個 月 , 投 資 了 三 百 萬 , 設 計 及 製 作 了 一 系 列 Living @ HK , 生 活 在 香 港 的 精 品 。 上 年 五 月 , 在 會 展 廣 告 產 品 展 銷 會 上 , 他 一 連 四 日 擺 攤 位 試 試 市 場 反 應 。 在 展 銷 會 上 , 免 稅 店 的 買 手 覺 得 劉 的 產 品 夠 特 色 , 適 合 在 免 稅 店 內 的 香 港 街 寄 賣 , 便 主 動 洽 商 合 作 。
打 入 免 稅 店 頭 一 個 月 , 單 是 T 恤 便 賣 了 一 千 件 了 , 做 了 十 五 萬 生 意 。 現 在 除 了 免 稅 店 外 , 劉 偉 民 還 進 駐 西 田 百 貨 、 Loft 、 Log-on 以 及 藝 術 中 心 、 文 物 博 物 館 等 書 店 。 產 品 繼 T 恤 、 咕 𠱸 外 , 今 還 滲 入 賀 卡 、 雨 傘 、 儲 物 紙 盒 等 。
前 星 期 五 機 場 一 連 五 日 搞 香 港 街 展 銷 , 劉 偉 民 應 邀 擺 檔 。 他 晚 上 落 場 視 察 幫 手 , 朝 早 六 點 才 收 工 , 記 者 星 期 六 下 午 家 訪 時 , 他 已 是 滿 面 鬚 根 , 一 臉 倦 容 , 但 仍 笑 說 : 「 機 場 無 怎 樣 宣 傳 過 這 展 覽 , 但 反 應 幾 好 。 售 貨 員 唔 知 係 咪 氹 我 哋 , 話 我 哋 嘅 貨 好 賣 過 Alan Chan ( 陳 幼 堅 ) 。 」
他 視 早 於 七 十 年 代 出 道 , 同 以 舊 時 代 人 物 為 題 的 名 設 計 師 陳 幼 堅 為 對 手 。 陳 幼 堅 喜 以 民 初 的 小 孩 及 塘 西 仕 女 為 題 , 而 劉 偉 民 則 專 揀 西 瓜 波 、 紅 中 、 雙 喜 茶 壺 來 做 產 品 。 「 他 的 產 品 層 次 高 , 但 人 們 未 必 有 共 鳴 ; 我 哋 用 六 、 七 十 年 代 玩 意 為 題 , 因 那 是 我 們 這 代 最 開 心 的 日 子 。 」 劉 偉 民 說 。

哥 哥 有 來 頭

今 個 月 他 的 廣 告 及 設 計 公 司 , 與 哥 哥 劉 偉 強 的 電 影 公 司 , 一 同 喬 遷 搬 往 觀 塘 , 兩 兄 弟 的 寫 字 樓 拍 着 隔 籬 。 新 公 司 入 伙 當 日 , 劉 德 華 、 黃 百 鳴 、 王 晶 、 葛 民 輝 等 齊 賀 哥 哥 劉 偉 強 。 門 口 十 五 個 花 籃 陣 , 只 有 兩 個 送 給 劉 偉 民 。 「 呢 個 係 佢 細 佬 。 」 「 啊 ! 是 嗎 ? 」 「 劉 偉 強 嘅 細 佬 」 才 逐 漸 讓 人 認 識 。
對 於 曾 拍 《 風 雲 》 、 《 古 惑 仔 》 系 列 的 哥 哥 , 名 氣 遠 遠 大 過 自 己 , 劉 偉 民 倒 沒 有 酸 溜 溜 的 感 覺 : 「 錢 當 然 他 賺 得 多 過 我 啦 ! 但 我 不 覺 得 自 己 成 就 比 佢 差 囉 ! 」 大 哥 劉 偉 強 大 他 兩 歲 半 , 劉 家 共 有 六 兄 弟 姊 妹 , 除 大 他 兩 歲 半 的 劉 偉 強 外 , 還 有 兩 個 姊 姊 , 而 細 佬 妹 各 一 , 他 是 「 阿 四 」 。
劉 偉 民 是 元 朗 仔 , 家 住 元 朗 大 旗 嶺 村 , 父 親 叫 劉 國 榮 , 在 建 築 公 司 當 規 劃 , 擔 起 一 家 八 口 開 支 , 一 家 生 活 小 康 。 少 時 劉 偉 民 便 有 得 看 黑 白 電 視 , 玩 雅 達 利 電 子 遊 戲 機 , 並 愛 打 大 赤 腳 , 放 學 跟 五 、 六 個 堂 兄 弟 姊 妹 周 村 走 。
童 年 生 活 最 刺 激 的 , 還 是 自 製 玻 璃 線 放 風 箏 : 「 先 將 『 顏 』 碎 了 的 玻 璃 , 連 膠 水 放 入 汽 水 罐 煮 熱 , 記 住 响 汽 水 罐 上 鑽 兩 個 孔 , 線 穿 過 , 就 沾 滿 玻 璃 碎 了 。 最 後 還 要 放 線 到 半 空 曬 , 風 箏 放 得 高 的 時 候 , 南 村 北 村 , 不 知 何 來 的 風 箏 就 會 飄 來 割 你 的 。 我 的 秘 訣 是 把 風 箏 『 挫 』 得 團 團 轉 , 令 對 方 不 易 得 手 。 」

自 小 古 靈 精 怪

小 四 那 年 , 他 舉 家 遷 到 銅 鑼 灣 家 柏 大 廈 , 轉 讀 聖 貞 德 小 學 , 大 城 裡 的 小 孩 不 及 他 爭 , 他 在 元 朗 日 日 訓 練 有 素 , 足 球 、 羽 毛 球 、 游 水 瓣 瓣 強 項 。 「 小 學 時 我 還 是 校 隊 , 全 班 同 學 上 緊 堂 默 書 , 唯 獨 叫 我 出 去 練 習 , 連 補 默 都 唔 使 , 好 威 㗎 喇 ! 」
自 小 , 劉 偉 民 便 很 有 創 意 , 美 術 堂 老 師 叫 他 參 加 「 兒 童 王 國 」 填 色 比 賽 , 為 了 與 其 他 小 朋 友 不 同 , 他 用 木 顏 色 填 漸 變 色 , 結 果 中 獎 。 「 我 記 得 份 禮 物 無 什 麼 , 只 是 包 得 力 素 , 但 那 時 還 分 給 其 他 同 學 食 , 不 知 幾 威 。 」 到 初 中 時 代 , 哥 哥 買 來 第 一 部 柯 達 MS1 相 機 , 玩 兩 玩 就 放 低 , 他 執 了 二 攤 , 拿 相 機 到 攝 影 學 會 學 影 相 , 學 了 才 一 年 , 參 加 理 工 的 第 八 屆 學 生 沙 龍 攝 影 比 賽 , 拿 了 兩 銀 一 銅 。
中 七 後 , 他 跑 去 理 工 讀 兩 年 攝 影 文 憑 , 其 後 理 工 開 設 首 屆 的 學 位 課 程 , 大 哥 供 他 讀 上 去 。 畢 業 習 作 中 , 他 將 同 班 的 二 十 個 同 學 的 樣 子 拍 下 來 , 然 後 「 整 色 整 水 」 , 用 音 樂 及 幻 燈 片 形 式 包 裝 放 出 來 , 結 果 取 了 個 優 異 等 級 。 系 主 任 想 薦 他 到 法 國 讀 博 士 , 但 他 覺 得 已 花 了 五 年 , 修 畢 了 一 個 文 憑 課 程 , 又 拿 了 個 學 士 學 位 , 讀 怕 了 , 情 願 出 來 打 滾 。 當 了 兩 年 兼 職 夜 校 文 憑 導 師 , 還 教 了 一 學 期 的 日 校 文 憑 課 程 後 , 他 便 開 了 間 廣 告 公 司 至 今 。
現 時 他 已 成 家 立 室 , 五 年 前 跟 任 職 電 腦 公 司 市 場 部 的 太 太 結 婚 , 未 有 子 女 , 上 星 期 才 由 住 了 兩 年 的 陽 明 山 莊 , 搬 到 西 貢 匡 湖 居 獨 立 屋 , 他 說 自 己 買 得 很 便 宜 ( 約 值 五 百 餘 萬 ) , 又 可 以 跟 大 哥 住 近 點 。
每 次 訪 問 他 , 他 都 是 笑 容 滿 面 , 唯 獨 說 到 政 府 用 上 百 萬 請 外 國 設 計 的 「 飛 龍 」 , 卻 是 面 色 一 沉 : 「 點 可 以 用 龍 代 表 香 港 人 呢 ? 神 化 晒 , 明 明 係 人 , 點 解 要 捧 成 神 ? 唔 通 我 哋 日 日 騎 條 龍 去 返 工 咩 ? 我 想 , 找 基 層 的 東 西 , 會 唔 會 來 得 更 實 際 、 合 切 ? 」 說 罷 他 又 用 「 五 指 梳 」 在 蓬 鬆 的 長 髮 間 抓 了 抓 。

更多 壹週刊 文章

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2018 AD Internet Limited. All rights reserved. 版權所有 不得轉載