蘋果日報 | APPLE DAILY
› 選擇地區
三藩市
紐約
洛杉磯
其他美國地區
馬上成為壹會員

好 對 手   葛 民 輝

最後更新: 0803 03:58 / 建立時間 (HKT): 0414 00:00

約 阿 葛 ( 葛 民 輝 ) 傾 車 經 , 一 波 三 折 。
第 一 個 星 期 一 , 「 你 打 得 俾 我 梗 係 急 嗰 隻 啦 , 但 係 呢 個 禮 拜 公 司 嘢 好 忙 喎 , 下 個 星 期 一 約 個 時 間 啦 。 」
第 二 個 星 期 一 , 「 老 細 , 你 唔 好 問 我 幾 時 得 , 問 個 天 啦 , 佢 日 日 係 咁 落 雨 , 我 架 Elise 車 頂 漏 水 , 落 雨 唔 揸 得 出 街 。 嗱 , 睇 定 下 個 禮 拜 嘅 天 氣 預 測 , 星 期 一 再 聯 絡 啦 。 」

第 三 個 星 期 一 , 「 暫 定 星 期 三 朝 早 10 點 半 响 我 北 角 公 司 樓 下 等 , 到 時 至 傾 啦 。 」
第 三 個 星 期 三 早 上 10 點 半 電 話 留 言 , 「 我 係 葛 民 輝 , 啱 啱 至 收 工 , 你 哋 唔 使 急 , 慢 慢 食 住 早 餐 等 , 一 個 鐘 頭 後 見 ! 」
呢 個 對 手 等 足 佢 17 日 , 但 係 絕 對 等 得 過 , 因 為 同 識 玩 車 嘅 人 傾 偈 , 零 舍 啱 feel 。

2 秒 進 出 Elise 特 技 公 開 !

Elise 車 身 超 矮 , 張 seat 位 低 到 貼 地 , 鋁 合 金 車 架 門 檻 又 幾 乎 半 隻 門 咁 高 , 就 算 開 咗 篷 , 正 常 人 出 入 都 隨 時 扭 親 腰 骨 , 更 何 況 關 埋 個 篷 ! 但 係 有 個 小 肚 腩 嘅 阿 葛 , 竟 然 用 咗 1 秒 進 入 車 廂 , 再 用 1 秒 爬 番 出 嚟 , 認 真 神 乎 其 技 ! 就 等 阿 葛 即 時 示 範 下 標 準 動 作 啦 !

永 不 開 篷 的 開 篷 車

到 了 約 定 見 面 時 間 , 未 見 阿 葛 蒲 頭 。 打 電 話 俾 佢 , 電 話 傳 出 : 「 我 喺 街 口 嘞 , 跟 住 我 嚟 啦 ! 」
隨 即 見 到 部 黑 色 Elise 咆 哮 殺 到 兼 在 身 邊 掠 過 , 馬 上 入 1 波 彈 極 力 子 跟 上 , 跟 佢 進 入 隱 蔽 影 相 位 。
影 開 篷 跑 車 , 第 一 件 事 梗 係 開 篷 , 點 知 即 時 俾 阿 葛 彈 咗 句 : 「 你 女 朋 友 身 材 好 正 , 可 唔 可 以 拉 開 件 衫 俾 我 睇 睇 ? 」
「 我 女 友 無 身 材 , 有 乜 好 睇 ? 」
「 我 想 睇 哩 … … 講 笑 啫 , 我 部 車 98 年 落 地 至 今 , 從 未 開 過 篷 , 你 唔 係 諗 住 嚟 破 我 『 處 』 嘛 ? 唔 信 ? 你 自 己 反 起 啲 篷 邊 睇 下 啲 塵 漬 至 講 。 」
果 然 無 吹 水 喎 , 啲 塵 積 到 用 手 指 甲 刮 至 甩 , 算 罷 啦 。 不 過 , 唔 開 篷 , 買 開 篷 車 為 乜 ?
「 部 車 一 出 廠 就 淨 係 得 開 篷 , 無 得 揀 喎 ; 軟 篷 頂 又 漏 水 、 有 人 試 過 加 個 硬 頂 ( 原 廠 option ) 上 去 , 又 係 漏 水 , 真 係 想 搵 人 同 我 燒 個 硬 頂 算 數 ! 買 Elise 係 因 為 佢 似 揸 Kart 仔 , 有 手 感 , 係 人 車 合 一 , 佢 好 多 嘢 都 唔 好 , 但 係 有 一 個 point 就 夠 嘞 。 車 唔 需 要 完 美 , 等 於 女 人 , 你 無 可 能 要 求 又 靚 、 又 賢 淑 、 又 入 得 廚 房 出 得 廳 堂 , 重 上 得 大 床 , 鍾 意 嘅 嘢 , 一 個 原 因 就 夠 。 」

車 係 講 質 感

「 喺 大 半 年 前 , 唔 記 得 同 邊 本 雜 誌 試 過 新 Elise , 我 唔 鍾 意 。 講 樣 , 我 覺 得 舊 款 圓 滑 啲 、 靚 啲 ; 揸 上 手 , 新 款 舒 服 咗 、 但 入 彎 反 應 弱 晒 , 變 咗 太 子 仔 跑 車 , 原 有 嗰 份 質 感 無 晒 。 嗱 , 同 Lomo 相 機 一 樣 , 佢 唔 係 啲 好 高 質 量 嘅 嘢 , 但 偏 偏 其 他 機 就 扮 唔 到 , Lomo 機 影 出 嚟 , 感 覺 、 情 懷 都 唔 同 嘛 !
「 再 打 個 比 喻 : 我 夠 試 過 新 款 『 掃 把 佬 』 STi 同 三 菱 『 露 筍 』 , 係 快 呀 , 但 係 無 質 感 、 無 分 量 ; 將 佢 哋 同 GT-R 比 , 就 好 似 拋 一 個 空 嘅 可 樂 罐 同 一 個 有 汽 水 嘅 可 樂 罐 嘅 分 別 , 嗰 啲 咪 係 質 感 、 分 量 囉 。 揸 住 GT-R 埋 山 、 『 及 四 』 ( 反 車 ) 都 型 過 你 啦 ! 」
「 咁 講 , 呢 部 Elise 一 定 係 你 至 愛 啦 , 咁 有 feel 。 」 我 問 。
「 咁 又 未 係 喎 , 落 雨 又 唔 揸 得 , 車 身 又 矮 、 避 震 又 硬 , 地 方 爛 啲 都 行 唔 到 , 佢 係 得 心 應 手 , 但 係 唔 可 以 同 我 出 生 入 死 。 我 嘅 至 愛 始 終 係 GT-R 32 。 」

忘 不 了 的 痛

96 年 , 阿 葛 至 愛 Skyline GT-R 32 被 偷 , 連 報 紙 都 有 賣 。 估 唔 到 今 時 今 日 , 佢 依 然 耿 耿 於 懷 , 但 唔 係 錢 嘅 問 題 , 係 自 己 最 鍾 意 、 最 珍 重 的 東 西 俾 人 強 行 搶 走 的 痛 。
「 我 架 R32 真 係 正 到 不 得 了 , 部 車 係 尾 期 型 最 後 嗰 幾 部 , 經 日 本 Sheep Dog 改 裝 工 程 師 幫 我 度 晒 全 車 改 裝 餐 單 , 有 專 用 電 腦 、 大 turbo , 改 咗 30 幾 萬 , 每 下 pop 波 成 條 火 龍 噴 出 嚟 ! 為 追 求 轉 彎 嗰 下 感 覺 再 快 啲 , 重 攞 走 Airbag 軚 換 埋 細 軚 添 , 部 車 唔 單 只 快 , 重 好 好 揸 。 可 惜 咪 俾 人 睇 中 囉 !
「 部 車 俾 人 攞 咗 , 第 一 時 間 挖 到 係 灣 仔 啲 大 哥 做 嘅 , 咁 就 同 佢 吔 聯 絡 諗 住 低 低 哋 俾 錢 贖 番 架 車 啦 , 點 知 佢 話 : 『 阿 葛 , 我 係 要 你 部 車 , 唔 係 要 你 啲 錢 , 部 車 好 正 , 好 啱 我 揸 , 你 買 過 第 二 部 啦 … … 』 你 話 , 重 有 無 皇 法 ? 」
「 後 尾 , 經 九 龍 灣 明 泰 再 返 部 日 本 Sheep Dog 嘅 大 改 demo 車 , 幾 乎 新 車 一 樣 , 改 埋 同 訂 部 原 裝 車 返 嚟 差 不 多 價 , 抵 玩 。 後 來 諗 諗 下 , 成 日 驚 又 惹 人 犯 罪 , 於 是 賣 咗 去 玩 番 舊 Mini 。 」
「 我 到 而 家 都 重 好 鍾 意 GT-R 32 , 試 過 R33 、 R34 , 就 明 白 到 R32 嘅 反 應 係 最 好 。 但 係 家 陣 買 番 都 係 易 手 車 , 唔 知 上 手 搞 過 啲 乜 , 所 以 唔 會 買 。 人 係 應 該 向 前 望 , 話 唔 埋 終 有 一 日 有 部 好 過 R32 嘅 Skyline 出 現 呢 。 」
筆 者 都 曾 經 擁 有 過 , 嗰 種 排 山 倒 海 、 源 源 不 絕 嘅 加 速 力 , 同 埋 可 以 喺 彎 心 俾 住 油 加 速 嘅 四 驅 系 統 , 完 全 係 高 科 技 與 優 秀 賽 車 技 術 嘅 結 合 , 大 家 都 係 R32 GT-R fans , 好 明 白 阿 葛 嘅 感 受 , 可 以 咁 易 解 開 就 唔 係 情 意 結 啦 。

「 隔 咗 幾 年 , 我 買 Aristo , 為 咗 低 調 連 日 本 水 貨 嘅 Toyota 章 都 全 部 換 晒 做 Lexus 章 , 結 果 仍 然 難 逃 被 劫 。 第 一 次 , 俾 人 偷 , 部 車 買 咗 全 保 , 計 過 啲 供 款 尾 期 數 、 墊 底 費 , 都 係 俾 錢 人 贖 番 部 車 平 啲 , 所 以 3 個 鐘 頭 後 自 動 出 現 番 , 你 估 真 係 靠 差 佬 搵 到 部 車 咩 ! 隔 咗 年 幾 , 又 俾 人 攞 , 打 電 話 嚟 問 贖 唔 贖 車 , 大 佬 我 識 印 銀 紙 咩 ? 咪 無 咗 部 車 囉 ! 」

啞 黑 傳 說
同 事 向 我 講 , 話 阿 葛 部 部 車 都 係 啞 黑 色 , 好 型 , 叫 我 代 問 點 解 , 其 實 我 都 想 問 好 耐 。
「 基 本 上 我 買 車 , 原 廠 有 黑 色 我 就 揀 黑 色 , 無 嘅 話 白 色 都 得 , 我 份 人 低 調 嘛 , 無 謂 影 響 到 其 他 人 啦 ; 整 到 部 車 咁 sharp , 啲 人 再 見 到 係 我 揸 車 , 望 多 兩 望 搞 到 炒 車 就 唔 好 啦 ! 第 一 我 唔 鍾 意 電 鍍 嘢 , 第 二 又 唔 鍾 意 俾 人 見 到 啲 牌 子 牌 仔 , 如 果 架 車 有 乜 揩 花 碰 撞 , 就 一 定 噴 成 啞 黑 色 。
「 唔 知 道 香 港 玩 啞 黑 色 係 咪 我 帶 起 , 因 為 一 向 睇 開 外 國 汽 車 雜 誌 scoop photo 啲 車 通 常 都 係 整 到 啞 黑 色 , 我 覺 得 好 型 、 好 神 秘 , 咁 啱 嗰 時 架 寶 馬 325i 花 咗 , 咪 搵 人 噴 啞 黑 色 。 十 幾 年 前 無 乜 人 識 搞 呢 隻 油 , 試 過 好 幾 次 至 滿 意 , 而 家 多 咗 人 噴 , 好 多 車 房 都 噴 到 啦 。 」

真 係 車 癡

「 我 自 細 就 好 鍾 意 車 , 因 為 成 家 人 都 係 揸 車 搵 食 ! 阿 爸 揸 泥 頭 車 、 舅 父 揸 的 士 , 細 個 成 日 坐 喺 佢 哋 側 邊 , 偷 偷 昅 實 佢 哋 點 揸 。 十 零 歲 仔 成 日 借 啲 意 幫 大 人 抹 車 , 抹 抹 下 就 靜 雞 雞 撻 匙 、 入 下 波 學 人 泊 車 ! 我 一 夠 秤 就 去 報 名 考 牌 , 學 車 嗰 時 , 我 有 我 揸 、 師 傅 有 師 傅 瞓 覺 ! 18 個 鐘 就 一 次 pass!
「 我 好 鬼 錫 車 , 由 細 到 大 都 好 有 心 機 自 己 洗 車 、 抹 車 , 就 算 而 家 無 時 間 焗 住 俾 人 抹 , 我 都 要 佢 跟 足 我 方 法 , 要 由 車 頂 慢 慢 洗 落 去 , 軚 軨 又 要 分 開 嚟 洗 , 唔 可 以 俾 啲 沙 石 刮 花 車 身 ! 以 前 返 商 台 , 由 朝 到 晚 都 要 播 『 馬 路 天 使 』 、 夜 晚 先 至 做 『 軟 硬 天 師 』 , 啲 時 間 多 到 唔 知 做 乜 , 就 日 日 同 部 CR-X 打 蠟 、 重 用 牙 刷 擦 軨 添 ! 俞 琤 見 我 咁 得 閒 重 鬧 鬼 我 , 叫 我 有 時 間 度 下 其 他 節 目 啦 ! 」
「 除 咗 豪 華 van 係 為 開 工 方 便 之 外 , 我 買 車 一 定 係 driver's car , 一 跳 上 去 , 有 溝 通 感 就 會 買 , 至 緊 要 有 質 感 、 好 玩 。 因 為 我 對 揸 車 有 要 求 , 所 以 十 幾 年 前 我 已 經 跟 人 响 粉 嶺 玩 Racing Kart ( 車 場 已 經 結 業 10 年 ) , 因 為 可 以 印 證 我 平 時 揸 大 車 嗰 套 入 彎 、 線 位 理 論 啱 唔 啱 , 因 為 Kart 仔 係 最 元 始 、 最 直 接 , 將 揸 大 車 嗰 套 方 法 放 落 去 玩 , 係 得 就 得 、 唔 得 就 唔 得 ; 之 後 再 試 下 其 他 線 位 、 brake point , 圈 速 快 咗 咪 將 試 番 嚟 嘅 方 式 喺 揸 大 車 時 用 番 , 個 人 技 術 咪 有 進 步 囉 。 」

你 咪 當 我 係 潮

人 人 都 會 阿 葛 “ 潮 ” , 自 不 然 問 下 佢 車 同 “ 潮 ” 有 乜 關 係 , 心 諗 斷 估 應 該 偷 到 下 師 , 第 2 時 同 人 傾 偈 都 拋 得 下 兩 嘴 , 點 知 … …
「 我 唔 係 潮 人 , 可 能 係 大 家 誤 解 啫 。 我 其 實 鍾 意 啲 嘢 好 鬼 舊 , 着 嘅 衫 係 3 年 前 、 條 褲 已 經 係 6 年 前 , 好 悶 死 人 嗰 隻 ! 潮 流 即 係 時 興 , 興 完 一 輪 又 唔 興 , 過 一 段 時 間 又 興 番 , 你 話 我 着 衫 好 潮 , 只 不 過 我 係 鍾 意 着 嗰 個 牌 子 就 一 直 唔 轉 , 跟 住 幾 年 後 興 番 嗰 隻 牌 子 , 撞 到 正 , 你 就 以 為 我 着 得 比 人 先 , 就 覺 得 阿 葛 好 潮 囉 。 好 似 Superstar 咁 , 我 讀 書 已 經 鍾 意 着 啦 , 我 隻 腳 板 扁 平 , 佢 啲 鞋 夠 闊 身 咪 着 得 舒 服 囉 ! 舒 服 嘅 話 , 有 新 款 出 就 自 然 買 落 去 啦 。 Nike 都 係 潮 㗎 , 唔 啱 我 着 就 唔 買 㗎 啦 , 理 得 佢 係 Jordan 第 幾 代 。 你 話 我 戴 Rolex 係 潮 , 89 年 已 經 戴 緊 啦 , 重 戴 到 而 家 添 ! 之 前 夠 興 玩 G-Shock 同 Swatch 啦 , 我 一 隻 都 無 , 點 叫 潮 呀 !

「 對 我 嚟 講 , 車 無 話 潮 定 唔 潮 , 亦 無 好 憎 邊 啲 車 呢 回 事 , 我 有 權 唔 鍾 意 , 但 無 權 仇 恨 佢 。 好 似 新 Mini , 要 買 就 一 早 買 咗 , 你 話 佢 潮 咩 , 我 又 唔 覺 喎 , 我 就 係 唔 鍾 意 , 因 為 佢 根 本 就 唔 係 Mini 嗰 樣 嘢 , 完 全 無 揸 Mini 攬 住 堂 軚 抽 入 彎 嗰 種 感 覺 , 你 可 以 話 時 代 進 步 , 但 唔 係 我 要 嘅 嘢 , 或 者 等 到 有 日 再 出 新 Mini 有 番 嗰 種 人 車 相 連 嘅 感 覺 我 就 會 買 。 」
唔 少 人 喜 歡 將 汽 車 品 牌 與 心 愛 物 件 地 位 掛 鈎 , 但 係 阿 葛 就 分 得 好 清 楚 。
「 車 就 係 車 、 相 機 就 係 相 機 、 人 就 係 人 , 每 一 個 都 係 獨 立 圈 子 , 有 佢 哋 自 己 嘅 價 值 、 定 位 , 點 可 以 混 為 一 談 ? 」

下 一 部 大 拖 頭

自 從 Aristo 後 阿 葛 已 經 3 年 無 買 過 車 , 到 底 下 一 部 目 標 係 乜 ? 阿 葛 反 問 番 我 , 有 乜 車 好 介 紹 ? 哈 , 我 真 係 一 時 間 答 唔 出 , 原 來 呢 幾 年 真 係 無 車 特 別 標 青 , 尤 其 係 以 阿 葛 嘅 人 車 合 一 兼 有 質 感 嘅 標 準 。
「 其 實 幾 年 前 已 經 考 慮 緊 買 部 大 拖 頭 ! 揸 車 响 highway 遇 過 啲 無 拖 貨 嘅 拖 頭 , 一 加 速 就 颷 住 去 , 有 強 大 power 嘅 感 覺 ! 後 面 拖 住 個 貨 櫃 , 入 面 可 以 整 到 成 間 屋 咁 就 至 正 。 我 部 舊 款 Elgrand 就 有 類 似 咁 嘅 感 覺 , 入 面 好 闊 落 , 有 梳 化 , 衫 、 褲 、 鞋 、 襪 乜 都 擺 晒 入 去 , 好 鬼 正 ! 」 阿 葛 一 路 講 、 一 路 緊 盯 着 遠 處 停 泊 着 的 一 部 大 拖 頭 眼 都 唔 眨 , 似 乎 唔 係 講 笑 。

少 年 夢 不 再

最 後 當 然 少 不 了 講 dream car 環 節 。 同 過 咁 多 人 吹 車 經 , 「 拉 利 」 啦 、 「 波 子 」 啦 , 真 係 聽 到 麻 木 , 惟 獨 係 阿 葛 所 諗 嘅 同 我 一 樣 , 佢 笑 住 擰 擰 頭 、 淡 淡 然 咁 話 … …
「 邊 有 dream car 呢 回 事 㗎 , dream car 係 細 路 仔 嘅 嘢 嚟 , 細 路 仔 未 接 觸 過 嘅 夢 想 。 細 個 時 候 想 有 『 拉 利 』 、 『 賓 利 』 , 大 個 試 過 , 咪 又 係 咁 , 根 本 唔 會 買 。 買 部 Porsche Carrera 開 篷 , 只 不 過 係 還 細 個 時 候 嘅 心 願 , 係 好 玩 呀 , 比 起 我 啲 全 改 GT-R 32 、 Supra 咪 又 係 輸 到 無 影 ! 反 正 呢 幾 年 都 無 部 新 車 睇 得 上 眼 , 咪 繼 續 玩 住 部 Elise 先 囉 。 」
「 喂 , 你 部 Elise 無 乜 點 改 喎 , 得 梳 蕉 ( 改 裝 排 氣 歧 管 ) , 夠 玩 咩 ? 」
「 夠 啦 , 如 果 你 話 我 知 , 改 裝 啲 乜 嘢 可 以 快 到 警 察 大 馬 同 快 相 都 追 我 唔 到 嘅 , 我 就 幾 錢 都 改 ! 俾 人 停 過 牌 好 慘 , 而 家 揸 車 唔 快 㗎 啦 , 唔 信 你 跟 住 嚟 ! 」
話 畢 , 阿 葛 向 我 打 了 個 鬼 異 眼 色 , 哈 , 有 意 思 。 二 話 不 說 , 上 車 , 行 「 東 走 」 。 由 北 角 落 天 后 上 「 東 走 」 , 下 下 波 波 盡 , 攝 影 師 志 哥 話 對 唔 到 焦 , 問 可 唔 可 以 慢 啲 , 我 惟 有 叫 佢 影 多 兩 幅 博 影 中 。
响 柴 灣 迴 旋 處 兩 車 並 排 急 停 , 忍 不 住 問 阿 葛 : 「 上 次 停 牌 停 幾 耐 ? 」
「 一 年 ! 」
兩 人 相 視 而 笑 , 兩 部 車 繼 續 波 波 盡 向 北 角 回 程 。

新 舊 2 代 Elise 對 碰

阿 葛 對 Elise 嘅 敏 捷 身 手 情 有 獨 鍾 , 但 係 揸 開 1 代 嘅 佢 , 試 過 2 代 之 後 , 即 時 耍 手 兼 擰 頭 , 點 解 ?
聽 下 佢 嘅 評 價 先 啦 。

勁 hit 偷 車 目 標 無 阿 葛 份

非 常 「 惹 鬼 」 嘅 阿 葛 , 已 經 有 3 次 愛 車 被 偷 嘅 經 驗 , 雖 然 而 家 重 有 3 部 靚 仔 揸 手 , 不 過 大 可 放 心 , 事 關 據 車 界 邊 緣 人 透 露 偷 車 3 大 熱 門 都 無 佢 份 , 阿 葛 可 以 安 心 瞓 覺 了 。

阿 葛 揀 車
「 質 感 論 」 解 話

1 揸 上 手 , 入 彎 嗰 下 要 好 有 路 面 感 , 軚 盤 愈 少 動 力 輔 助 ( 風 油 軚 ) 愈 好 , 可 以 真 正 感 受 到 路 面 變 化 。
2 Engine 同 油 門 之 間 要 有 直 接 連 繫 嘅 反 應 , 一 踩 油 , 轉 數 就 上 嘅 感 覺 好 緊 要 , 唔 可 以 有 遲 緩 。 新 興 嘅 電 子 油 門 反 應 太 假 , 都 知 佢 做 緊 乜 , 唔 得 !
3 迫 力 要 應 、 要 有 漸 進 性 , 最 好 連 ABS 都 無 。
4 LSD 限 滑 差 速 要 用 機 械 式 , 用 電 子 控 制 收 迫 力 、 cut 油 嗰 類 電 子 系 統 , 完 全 破 壞 駕 駛 樂 趣 。
5 表 板 愈 少 花 巧 、 愈 少 掣 就 愈 好 , 桃 木 表 板 更 加 攞 命 , 全 黑 色 至 正 。

阿 葛 14 寶 貝

過 去

$160,000
Honda CR-X 1.6i ( 第 一 代 ) 
1.6 公 升 直 4 汽 缸 , 輸 出 130PS/14.7kgm
葛 評 : 尾 期 一 代 CR-X 好 有 型 , 兼 且 係 稀 有 嘅 1.6 DOHC 機 器 , 好 玩 。 $160,000
Honda CR-X 1.6i ( 第 一 代 )
1.6 公 升 直 4 汽 缸 , 輸 出 130PS/14.7kgm
葛 評 : 尾 期 一 代 CR-X 好 有 型 , 兼 且 係 稀 有 嘅 1.6 DOHC 機 器 , 好 玩 。
$200,000
Honda CR-X 1.6i ( 第 二 代 ) 
.6 公 升 直 4 汽 缸 , 輸 出 130PS/14.7kgm
葛 評 : 買 咗 第 一 代 唔 夠 半 年 就 出 第 二 代 , 子 彈 仔 好 型 、 又 好 砌 , 重 係 全 車 無 限 料 , 上 過 當 年 啲 車 書 㗎 ! $200,000
Honda CR-X 1.6i ( 第 二 代 )
.6 公 升 直 4 汽 缸 , 輸 出 130PS/14.7kgm
葛 評 : 買 咗 第 一 代 唔 夠 半 年 就 出 第 二 代 , 子 彈 仔 好 型 、 又 好 砌 , 重 係 全 車 無 限 料 , 上 過 當 年 啲 車 書 㗎 !
$200,000
Mini John Cooper 版 ( 1990 款 ) 
1.3 公 升 直 4 汽 缸 , 輸 出 61PS/9.2kgm
葛 評 : 第 一 部 Mini , 好 玩 , 有 原 裝 兩 條 白 間 , 普 通 人 唔 識 , 但 識 貨 人 一 見 車 尾 中 間 單 出 尾 喉 就 知 係 特 別 版 。 $200,000
Mini John Cooper 版 ( 1990 款 )
1.3 公 升 直 4 汽 缸 , 輸 出 61PS/9.2kgm
葛 評 : 第 一 部 Mini , 好 玩 , 有 原 裝 兩 條 白 間 , 普 通 人 唔 識 , 但 識 貨 人 一 見 車 尾 中 間 單 出 尾 喉 就 知 係 特 別 版 。
$290,000
BMW 325i(E30 款 )
2.5 公 升 直 6 汽 缸 , 輸 出 170PS/22.6kgm
葛 評 : 第 一 架 噴 啞 黑 色 嘅 車 。 專 登 叫 車 房 拆 咗 風 油 軚 , 靠 實 軚 嚟 感 受 架 車 嘅 動 態 。 $290,000
BMW 325i(E30 款 )
2.5 公 升 直 6 汽 缸 , 輸 出 170PS/22.6kgm
葛 評 : 第 一 架 噴 啞 黑 色 嘅 車 。 專 登 叫 車 房 拆 咗 風 油 軚 , 靠 實 軚 嚟 感 受 架 車 嘅 動 態 。
$1,500,000
Porsche Carrera Cabriolet 3.8(993 款 )
3.8 公 升 水 平 對 向 6 汽 缸 , 輸 出 300PS/36.2kgm
葛 評 : 滿 足 自 己 兒 時 夢 想 。 原 來 訂 「 波 子 」 可 以 任 你 點 執 , 鍾 意 係 3.8 公 升 機 器 加 18 吋 軨 都 可 以 , 總 之 有 錢 就 得 。 $1,500,000
Porsche Carrera Cabriolet 3.8(993 款 )
3.8 公 升 水 平 對 向 6 汽 缸 , 輸 出 300PS/36.2kgm
葛 評 : 滿 足 自 己 兒 時 夢 想 。 原 來 訂 「 波 子 」 可 以 任 你 點 執 , 鍾 意 係 3.8 公 升 機 器 加 18 吋 軨 都 可 以 , 總 之 有 錢 就 得 。
$326,000
Toyota Previa(1995 款 )
2.4 公 升 直 4 汽 缸 , 輸 出 180PS/21.2kgm
葛 評 : 呢 部 舊 款 「 大 霸 王 」 又 係 噴 啞 黑 色 , 用 嚟 開 工 做 腳 。 後 尾 賣 咗 俾 「 無 間 道 Ⅱ 」 個 副 導 演 麥 兆 輝 。 $326,000
Toyota Previa(1995 款 )
2.4 公 升 直 4 汽 缸 , 輸 出 180PS/21.2kgm
葛 評 : 呢 部 舊 款 「 大 霸 王 」 又 係 噴 啞 黑 色 , 用 嚟 開 工 做 腳 。 後 尾 賣 咗 俾 「 無 間 道 Ⅱ 」 個 副 導 演 麥 兆 輝 。
$680,000
Nissan Skyline GT-R (R32 款 )
2.6 公 升 直 6 汽 缸 Twin-Turbo , 輸 出 280PS/360kgm
葛 評 : 真 正 嘅 戰 神 , 之 後 出 嘅 新 款 都 唔 係 佢 嗰 皮 。 完 全 custom made 改 裝 , 超 正 , 可 惜 … … $680,000
Nissan Skyline GT-R (R32 款 )
2.6 公 升 直 6 汽 缸 Twin-Turbo , 輸 出 280PS/360kgm
葛 評 : 真 正 嘅 戰 神 , 之 後 出 嘅 新 款 都 唔 係 佢 嗰 皮 。 完 全 custom made 改 裝 , 超 正 , 可 惜 … …
$700,000
Toyota Supra(JZA80 款 )
3.0 公 升 直 6 汽 缸 Twin-Turbo , 輸 出 280PS/46.0kgm
葛 評 : 係 一 部 好 快 、 好 型 嘅 跑 車 , 性 能 同 GT-R 各 有 千 秋 , 直 路 速 度 癲 狂 , 講 性 能 就 算 「 波 子 」 都 無 得 揪 ! $700,000
Toyota Supra(JZA80 款 )
3.0 公 升 直 6 汽 缸 Twin-Turbo , 輸 出 280PS/46.0kgm
葛 評 : 係 一 部 好 快 、 好 型 嘅 跑 車 , 性 能 同 GT-R 各 有 千 秋 , 直 路 速 度 癲 狂 , 講 性 能 就 算 「 波 子 」 都 無 得 揪 !
$170,000
Rover Mini(1990 款 )
1.3 公 升 直 4 汽 缸 , 輸 出 61PS/9.2kgm
葛 評 : 90 年 代 前 期 型 , 化 油 器 、 排 氣 系 統 、 底 擔 全 改 , 但 係 虛 不 受 補 , 頂 唔 住 改 裝 料 、 亦 頂 唔 住 我 嘅 激 劈 。 $170,000
Rover Mini(1990 款 )
1.3 公 升 直 4 汽 缸 , 輸 出 61PS/9.2kgm
葛 評 : 90 年 代 前 期 型 , 化 油 器 、 排 氣 系 統 、 底 擔 全 改 , 但 係 虛 不 受 補 , 頂 唔 住 改 裝 料 、 亦 頂 唔 住 我 嘅 激 劈 。
$14,000
Mini Cooper S(1972 款 )
1.3 公 升 直 4 汽 缸 , 輸 出 76PS/10.9kgm
葛 評 : 經 典 原 裝 Cooper 大 S , 兼 有 超 罕 「 罐 頭 頂 」 ! 由 英 國 運 返 嚟 , 前 車 主 係 一 級 方 程 式 車 手 嘅 太 太 , 係 老 公 送 俾 老 婆 嘅 禮 物 , 有 佢 哋 一 段 情 喺 入 面 。 到 我 手 keep 住 當 年 原 汁 原 味 , 寄 存 人 哋 車 行 歎 冷 氣 , 後 尾 搵 到 主 好 人 家 至 賣 。 $14,000
Mini Cooper S(1972 款 )
1.3 公 升 直 4 汽 缸 , 輸 出 76PS/10.9kgm
葛 評 : 經 典 原 裝 Cooper 大 S , 兼 有 超 罕 「 罐 頭 頂 」 ! 由 英 國 運 返 嚟 , 前 車 主 係 一 級 方 程 式 車 手 嘅 太 太 , 係 老 公 送 俾 老 婆 嘅 禮 物 , 有 佢 哋 一 段 情 喺 入 面 。 到 我 手 keep 住 當 年 原 汁 原 味 , 寄 存 人 哋 車 行 歎 冷 氣 , 後 尾 搵 到 主 好 人 家 至 賣 。
$650,000
Toyota Aristo(JZS161 款 )
3.0 公 升 直 6 汽 缸 Twin-Turbo , 輸 出 280PS/46.0kgm
葛 評 : 好 靚 、 好 快 、 好 舒 服 , 非 常 好 嘅 四 門 房 車 , 重 好 惹 鬼 ! $650,000
Toyota Aristo(JZS161 款 )
3.0 公 升 直 6 汽 缸 Twin-Turbo , 輸 出 280PS/46.0kgm
葛 評 : 好 靚 、 好 快 、 好 舒 服 , 非 常 好 嘅 四 門 房 車 , 重 好 惹 鬼 !

現 役

一 件 寶 物

與 阿 葛 見 面 之 前 , 再 三 提 醒 佢 帶 埋 一 啲 汽 車 珍 藏 品 出 來 , 佢 猛 話 帶 咗 啦 , 一 樣 就 夠 。
一 個 照 面 , 阿 葛 隨 手 拋 來 一 個 狀 似 煙 灰 缸 的 金 屬 物 體 , 看 真 原 來 是 個 piston ( 引 擎 活 塞 , 俗 稱 遮 , 動 力 爆 發 組 之 一 ) 。 唔 , 很 輕 , 遮 頂 上 面 有 2T-B 字 樣 , 好 嘢 嚟 喎 !
「 阿 葛 , 果 然 係 好 嘢 喎 , 『 哨 牙 仔 』 ( 第 一 代 豐 田 司 力 架 ) piston , 好 輕 , 唔 通 係 鍛 造 遮 , 但 唔 似 係 落 場 遮 , 都 無 mark 重 量 嘅 ? 」
阿 葛 笑 一 笑 : 「 呢 個 piston 係 一 個 响 豐 田 做 嘅 朋 友 送 嘅 , 佢 話 俾 我 做 煙 灰 缸 , 其 實 佢 自 己 當 係 寶 , 又 點 捨 得 裝 煙 灰 ? 我 鍾 意 個 piston 背 後 嘅 故 事 ; 送 俾 我 嗰 個 朋 友 , 佢 好 迷 豐 田 車 , 迷 到 要 入 豐 田 做 engineer , 有 一 日 俾 佢 發 現 到 呢 把 遮 , 就 收 埋 當 寶 。 至 於 把 遮 有 幾 特 別 ? 你 頭 先 已 經 講 啱 咗 8 成 半 , 其 餘 就 我 重 未 證 實 到 , 你 試 下 搵 出 答 案 ! 俾 個 貼 士 你 , 如 果 你 問 到 個 真 係 資 深 嘅 豐 田 師 傅 , 佢 應 該 解 答 到 你 … … 」
豐 田 師 傅 就 未 搵 到 , 上 日 本 網 總 算 找 到 些 眉 目 。
當 年 被 譽 為 新 世 代 跑 車 王 嘅 首 代 豐 田 Celica , 响 1972 年 4 月 之 後 推 出 最 強 1600GT 型 , 搭 載 2T-G 型 DOHC 引 擎 , 輸 出 115PS/6,400rpm 馬 力 及 14.5kgm/5,200rpm 扭 力 ; 然 而 , 73 年 4 月 豐 田 推 出 過 一 款 2T-B 型 1,600cc OHV 「 孖 吸 」 引 擎 , 輸 出 105PS/6,000rpm 馬 力 及 14.0kgm/4,200rpm 扭 力 , 性 能 拍 得 住 GT , 其 中 秘 密 可 能 同 呢 個 輕 量 化 piston 有 關 ! 而 最 難 解 釋 嘅 係 , 呢 個 原 本 for 2 valve 機 器 嘅 活 塞 , 頂 部 竟 然 有 4 valve 嘅 凹 位 ! 究 竟 係 乜 原 因 呢 ? 唔 通 係 混 種 「 流 用 」 parts ?
阿 葛 , 話 我 知 好 唔 好 ?

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載