蘋果日報 | APPLE DAILY
› 選擇地區
三藩市
紐約
洛杉磯
其他美國地區

郭 二 公 子 親 述 福 音

新 地 郭 二 公 子 炳 江 篤 信 基 督 , 甚 至 親 自 開 班 傳 授 福 音 , 更 加 請 埋 班 信 眾 食 餐 。 如 斯 虔 誠 之 富 豪 , 搵 勻 香 江 能 有 幾 人 ?
最後更新: 0804 16:11 / 建立時間 (HKT): 1031 00:00

新 地 二 公 子 郭 炳 江 講 過 , 希 望 人 人 好 似 佢 咁 信 基 督 , 而 佢 唔 係 得 個 講 字 。 為 咗 達 成 呢 個 願 望 , 佢 喺 新 地 灣 仔 總 部 搞 咗 個 福 音 講 座 。
只 要 有 人 介 紹 , 不 論 是 否 新 地 員 工 , 呢 個 講 座 人 人 都 參 加 得 。 每 一 班 有 十 零 人 , 好 似 返 學 咁 , 每 班 上 四 堂 , 每 個 禮 拜 上 一 堂 。 每 次 上 完 堂 後 仲 有 餐 食 , 由 新 地 御 廚 一 手 包 辦 , 伙 食 正 斗 不 在 話 下 。
只 要 二 公 子 喺 香 港 , 佢 就 會 親 自 出 席 宣 揚 福 音 , 仲 會 同 教 友 一 齊 食 飯 添 !

渣 打 要 生 性 酬 知 音

呢 輪 股 市 氣 氛 差 , 大 家 都 知 。 但 差 到 點 ? 睇 渣 打 招 股 反 應 就 知 啦 。
話 晒 都 係 成 立 咗 一 百 五 十 年 嘅 跨 世 紀 、 跨 國 金 融 集 團 , 搵 勻 全 香 港 , 居 然 只 得 五 千 零 六 十 二 個 散 戶 申 請 , 當 中 仲 計 埋 自 己 友 渣 打 員 工 添 。 而 入 表 認 購 一 百 股 或 以 下 嘅 , 即 係 投 資 一 萬 蚊 樓 下 嘅 , 佔 咗 三 、 四 成 。 咁 小 注 入 飛 , 睇 嚟 純 屬 捧 場 而 已 。 禮 拜 四 掛 牌 , 渣 打 真 係 要 生 生 性 性 酬 知 音 吖 !

謝 偉 俊 踩 實 四 叔

謝 偉 俊 殺 入 中 環 開 新 寫 字 樓 , 喺 環 球 大 廈 二 十 三 樓 , 剛 啱 喺 四 叔 樓 上 。 阿 Paul 好 得 戚 : 「 我 踩 實 佢 ! 」
謝 偉 俊 第 一 間 律 師 樓 於 九 七 年 十 月 八 日 喺 銅 鑼 灣 開 業 , 兩 個 禮 拜 後 金 融 風 暴 殺 到 。 佢 首 創 之 離 婚 、 破 產 套 餐 , 啱 啱 食 到 個 勢 , 五 年 間 寫 字 樓 由 旺 角 , 開 到 荃 灣 、 屯 門 同 元 朗 , 家 吓 更 加 打 入 中 環 。 你 話 佢 掂 唔 掂 啦 ?
佢 生 意 雖 然 好 掂 , 但 律 師 呢 行 人 手 過 剩 ; 行 家 有 樣 學 樣 搞 套 餐 , 阿 Paul 亦 唯 有 降 價 迎 戰 。 佢 話 時 至 今 日 , 呢 類 生 意 已 經 冇 乜 肉 食 , 家 吓 最 賺 錢 嘅 , 反 而 係 上 庭 打 案 。 信 耶 ?

只 准 港 交 所 放 火

港 交 所 對 掛 牌 上 市 之 公 司 要 求 甚 嚴 , 稍 有 風 吹 草 動 、 股 價 係 咁 意 郁 吓 , 港 交 所 都 即 刻 要 人 出 聲 明 解 釋 其 事 , 以 免 俾 人 利 用 啲 股 價 敏 感 之 消 息 炒 作 咁 講 。
眾 所 周 知 港 交 所 亦 係 掛 牌 上 市 公 司 。 早 前 彭 博 通 訊 社 報 導 , 港 交 所 有 意 收 購 花 旗 第 二 大 證 券 交 易 所 Amex , 並 且 已 經 委 任 摩 根 大 通 為 財 務 顧 問 咁 講 。
無 論 橫 睇 掂 望 , 呢 單 嘢 都 係 足 以 左 右 港 交 所 股 價 之 大 買 賣 , 但 金 鐘 金 牙 大 狀 搵 勻 全 香 港 中 英 報 紙 , 再 查 埋 港 交 所 自 己 之 網 頁 , 都 唔 見 港 交 所 有 片 紙 隻 字 澄 清 其 事 。 金 牙 大 狀 義 憤 填 膺 、 青 筋 暴 現 , 話 此 乃 典 型 之 只 准 州 官 放 火 、 不 許 百 姓 點 燈 也 。
再 者 , 港 交 所 自 己 唔 澄 清 啫 , 點 解 沈 聯 濤 領 導 之 證 監 唔 責 成 佢 哋 登 告 白 ? 如 果 沈 聯 濤 失 職 , 點 解 領 導 佢 之 時 亨 ‧ 馬 又 唔 出 聲 ? 時 亨 ‧ 馬 忙 唔 昅 得 咁 多 嘢 , 咁 佢 老 頂 阿 松 同 老 董 又 點 解 唔 出 聲 ? 咁 嘅 三 重 監 管 架 構 , 如 斯 高 官 問 責 , 又 豈 可 以 取 信 於 天 下 ? 金 牙 大 狀 愈 講 就 愈 㷫 , 聲 都 震 晒 , 保 重 呀 , 你 。

首 富 慘 變 「 自 然 人 」

花 旗 《 福 布 斯 》 雜 誌 連 續 四 年 制 訂 大 陸 首 富 排 行 榜 , 哄 動 一 時 。 內 地 財 經 刊 物 《 21 世 紀 經 濟 報 導 》 走 訪 排 行 榜 喺 上 海 之 「 出 品 人 」 胡 潤 , 了 解 呢 張 排 行 榜 之 炮 製 過 程 , 箇 中 細 節 不 說 也 罷 。
然 而 令 人 注 目 者 , 係 內 地 刊 物 處 理 呢 單 新 聞 之 手 法 。 舊 年 , 歐 亞 農 業 之 楊 斌 喺 排 行 榜 上 佔 冧 巴 吐 , 而 華 晨 控 股 之 仰 融 則 緊 隨 其 後 排 第 三 。
前 者 現 今 已 被 拘 查 , 後 者 則 著 草 花 旗 。 你 估 內 地 傳 媒 點 樣 對 待 佢 哋 ? 幫 佢 哋 「 隱 姓 埋 名 」 , 以 「 自 然 人 」 相 稱 。 有 二 十 三 條 管 治 之 國 家 , 可 能 係 要 咁 先 至 唔 會 顛 覆 黨 、 動 亂 國 家 啩 !

四 叔 累 到 波 叔

上 禮 拜 鴻 星 海 鮮 酒 家 喺 報 紙 賣 咗 個 全 版 廣 告 , 除 咗 宣 傳 擴 展 大 計 , 列 出 嚟 緊 會 開 三 間 食 肆 , 要 請 大 量 人 手 云 云 , 佢 哋 更 加 話 徵 求 尖 沙 咀 區 旺 鋪 , 目 標 係 一 萬 呎 左 近 , 每 呎 十 零 蚊 租 喎 ! 乜 搵 鋪 唔 係 搵 地 產 代 理 嘅 咩 ? 乜 解 究 要 登 全 版 廣 告 呢 ?
經 高 人 指 點 , 話 徵 鋪 乃 係 虛 招 , 實 則 係 鴻 星 「 鍊 」 業 主 減 租 。 鴻 星 喺 彌 敦 道 間 鋪 , 果 然 係 出 年 二 月 到 期 。 講 真 , 呢 份 租 約 九 七 年 簽 落 。 此 時 唔 鍊 價 更 待 何 時 ? 減 係 要 減 , 但 鴻 星 開 出 之 十 幾 蚊 呎 , 喺 尖 沙 咀 得 唔 得 吖 ?
講 到 呢 層 , 鴻 星 鋪 主 波 叔 就 認 真 要 多 得 四 叔 唔 少 矣 。 七 月 尾 東 海 喺 美 麗 華 商 場 開 嘅 新 鋪 。 冇 錯 鋪 租 係 維 到 廿 幾 蚊 呎 , 但 四 叔 包 埋 冷 氣 機 電 費 及 管 理 費 , 故 此 真 正 租 金 只 得 鴻 星 開 出 之 十 零 蚊 呎 。 有 咗 呢 個 指 標 , 鴻 星 有 乜 辦 法 唔 心 雄 先 ?

太 古 長 情

位 於 康 怡 花 園 的 太 古 小 學 , 剛 於 今 年 暑 假 重 建 落 成 。 開 學 , 班 大 帝 除 咗 有 新 校 舍 , 仲 有 一 班 太 古 嘅 哥 哥 姐 姐 幫 佢 哋 補 習 添 。
今 年 開 始 , 每 逢 星 期 六 , 有 十 名 太 古 員 工 自 願 幫 班 學 生 補 習 英 文 。 其 中 測 量 部 有 個 高 大 威 猛 之 鬼 仔 見 習 生 , 名 叫 Philip , 冧 得 六 年 班 嘅 女 生 好 開 心 。 但 公 關 部 嘅 周 太 ( 周 關 美 詩 ) , 就 認 真 有 威 嚴 ; 佢 一 入 課 室 就 大 嗌 一 聲 「 Shut up! 」 , 嚇 到 班 𡃁 仔 仲 以 為 Madame 駕 到 添 。
八 十 年 前 , 太 古 船 塢 有 四 千 五 百 工 人 , 為 咗 照 顧 佢 哋 班 子 女 , 太 古 就 起 咗 呢 間 小 學 , 學 費 全 免 , 直 至 四 七 年 先 至 轉 為 津 校 。 太 古 公 關 部 阿 頭 司 徒 太 , 係 間 學 校 嘅 校 董 , 所 以 策 動 公 司 員 工 幫 班 𡃁 仔 補 習 。 長 他 人 志 氣 都 係 咁 話 , 華 資 公 司 就 似 乎 唔 多 見 有 咁 長 情 嘅 啦 。

本 週 圖 片   跨 海 捐 錢

大 小 超 李 澤 鉅 同 佢 位 尊 夫 人 一 向 去 開 堅 道 總 堂 望 彌 撒 , 但 對 面 海 漆 咸 道 玫 瑰 堂 重 修 , 正 是 用 錢 之 際 , 故 此 佢 哋 兩 位 就 揸 住 張 大 支 票 跨 海 而 來 , 交 俾 曾 慶 文 神 父 。
張 支 票 有 幾 大 張 ?
一 百 廿 萬 , 係 長 實 同 李 家 夾 份 俾 者 。 外 牆 裝 修 啫 , 使 得 幾 多 吖 !

更多 壹週刊 文章

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2018 AD Internet Limited. All rights reserved. 版權所有 不得轉載