› 選擇地區
三藩市
紐約
洛杉磯
其他美國地區
香港 台灣 北美
 

前 有 線 VJ 變 最 Top Web J … … 肯 做 , 就 有 希 望 !

最後更新: 0803 03:38 / 建立時間 (HKT): 1113 00:00

Vonnie , 19 歲 , 前 有 線 YMC VJ , 去 年 YMC 停 播 後 , Vonnie 開 始 迷 失 方 向 。
作 為 長 女 , 在 家 中 反 而 擔 任 一 個 被 照 顧 的 角 色 。
在 娛 樂 圈 混 了 三 年 , 仍 冇 乜 人 識 , 自 己 都 幾 乎 想 放 棄 , 反 而 家 人 的 支 持 卻 是 源 源 不 絕 。
「 阿 爸 每 月 會 俾 三 、 四 千 蚊 我 。 佢 擔 心 我 冇 錢 使 。
《 我 老 婆 未 夠 秤 》 上 畫 , 媽 咪 雖 然 好 清 楚 我 只 係 茄 喱 啡 , 但 一 樣 搵 咗 成 班 街 坊 去 捧 場 。
細 妹 最 迷 Shine , 但 佢 最 有 心 機 儲 嘅 反 而 係 我 嘅 剪 報 。 」
日 積 月 累 , 家 人 的 關 心 竟 變 成 一 種 無 形 的 壓 力 。 Vonnie 抵 受 不 住 下 , 變 得 很 消 極 , 一 度 足 不 出 戶 , 試 過 連 續 在 床 上 躲 了 廿 多 個 鐘 , 以 為 與 世 隔 絕 就 可 以 逃 避 現 實 。
眼 見 同 期 VJ 逐 個 有 新 發 展 , Vonnie 最 近 終 於 「 的 」 起 心 肝 , 頻 頻 接 job 希 望 打 破 困 局 。 「 我 會 珍 惜 目 前 每 一 個 機 會 。 就 算 而 家 做 Web J , 有 人 覺 得 我 cheap , 我 一 啲 都 唔 介 意 。 咪 以 為 做 Web J 呃 呃 氹 氹 就 過 骨 , 其 實 當 中 需 要 好 多 技 巧 , 絕 對 唔 係 咁 簡 單 。 」

相關新聞:千禧VJ》 Britney Spears都訪過 有線Brian驚爆搵林海峰訪問好頭痕

Profile :

姓 名 : 雷 凱 欣 (Vonnie)
年 齡 : 19 歲
身 高 : 165cm
體 重 : 102 磅
三 圍 : 32C-25-34
學 歷 : 中 五 畢 業 ( 德 貞 女 子 中 學 )
點 樣 入 行 : 99 參 加 有 線 YMC 台 VJ 選 舉 , 獲 得 亞 軍 , 成 為 合 約 VJ 。
參 演 電 影 : 02 年 《 我 老 婆 未 夠 秤 》
廣 告 : 可 口 可 樂 、 芬 達 ( 國 內 TVC ) 、 愛 情 DoCoMore TVC
現 況 : Stareasy 專 屬 model   網 站 「 Shall V Talk 」 Web J

自 認 未 夠 班

記 者 不 是 YMC 擁 躉 , 所 以 即 使 知 到 Vonnie 曾 經 參 加 過 「 00 年 有 線 YMC VJ 選 舉 」 , 對 她 的 印 象 也 幾 乎 等 於 零 。 如 實 告 之 , 她 也 沒 有 太 大 的 反 應 : 「 以 前 好 幼 稚 , 覺 得 做 VJ 已 經 好 紅 。 試 過 有 人 唔 認 得 我 , 我 就 好 唔 開 心 : 『 有 冇 搞 錯 , 我 都 唔 識 !? 』 但 而 家 知 道 自 己 重 未 夠 班 , 需 要 繼 續 努 力 。 」
Vonnie 於 YMC 任 職 時 月 入 六 千 , 兼 職 做 model 幫 報 紙 、 雜 誌 影 相 賺 外 快 , 有 過 萬 收 入 。 加 上 化 妝 、 髮 型 、 服 裝 全 有 供 應 商 贊 助 , 物 質 生 活 比 一 般 少 女 充 裕 。 「 我 試 過 諗 都 冇 諗 就 買 咗 個 成 萬 蚊 嘅 LV 袋 , 當 時 覺 得 搵 錢 好 容 易 , 冇 諗 過 自 己 會 衰 。 」
豈 料 YMC 於 去 年 停 播 , Vonnie 收 入 銳 減 , 試 過 月 入 不 夠 一 千 元 , 一 向 大 使 慣 的 她 連 基 本 生 活 都 成 問 題 。 「 公 司 執 笠 之 後 , 我 冇 固 定 收 入 。 最 初 以 為 勤 力 啲 接 model job 就 可 以 維 持 生 計 。 點 知 以 前 合 作 開 嘅 人 覺 得 , VJ 亦 只 不 過 係 普 通 女 仔 , 就 算 搵 model 都 未 必 要 揀 我 。 」 自 此 , Vonnie 每 月 需 靠 父 母 三 、 四 千 元 接 濟 以 應 付 日 常 開 支 , 再 不 能 一 擲 千 金 買 名 牌 。 「 冇 錢 買 惟 有 自 我 安 慰 : 『 幾 十 蚊 買 一 個 手 袋 都 可 以 用 , 點 解 要 用 幾 千 蚊 買 名 牌 咁 無 謂 ? 』 其 實 咁 諗 都 幾 消 極 , 我 應 該 諗 下 點 樣 去 搵 番 多 啲 錢 , 繼 續 去 買 ( 名 牌 ) 。 」
在 這 段 時 間 , Vonnie 嘗 到 別 人 的 冷 言 冷 語 及 fans 的 離 棄 。 「 以 前 合 作 開 嘅 人 成 日 讚 我 靚 , 話 我 cutie , 而 家 就 彈 我 面 闊 , 身 肥 唔 上 鏡 。 點 解 咁 現 實 ? 我 曾 經 喺 一 間 舞 蹈 學 校 學 跳 舞 , 男 朋 友 係 嗰 度 嘅 合 約 dancer , 負 責 幫 Twins 伴 舞 。 嗰 間 學 校 嘅 高 層 唔 鍾 意 我 提 起 呢 兩 件 事 , 一 則 話 我 博 宣 傳 ; 其 次 覺 得 我 會 影 響 我 男 友 嘅 發 展 。 如 果 我 有 名 氣 , 佢 哋 會 唔 會 咁 對 我 ? 」
「 Fans 對 自 己 偶 像 嘅 感 情 原 來 可 以 好 脆 弱 , 以 前 佢 哋 會 送 嘢 俾 我 、 等 我 收 工 , 自 從 YMC 停 播 之 後 , 連 一 個 慰 問 嘅 e-mail 都 收 唔 到 。 」
過 了 半 年 , 父 母 見 她 無 所 事 事 , 終 於 忍 不 住 開 口 責 罵 。 「 多 得 佢 哋 鬧 我 , 否 則 我 而 家 重 會 繼 續 喺 張 床 度 等 運 到 。 」

相關新聞:千禧VJ》記得金獅影視 ? YMC副台長黃志淙懷念HMV打碟:喺嗰度un好型

冇 人 肯 做 , 我 做

Vonnie 「 自 閉 」 數 月 後 主 動 聯 絡 舊 同 事 , 發 覺 各 人 都 已 有 新 發 展 ; 阿 喬 赴 日 留 學 、 Brain 開 boutique 、 出 書 ; Vicky 、 Rita 繼 續 預 科 學 業 … …
「 啤 梨 都 紅 咗 , 出 自 己 嘅 EP 。 所 以 我 要 更 加 努 力 , 唔 可 以 太 落 後 。 」
Vonnie 簽 約 新 經 理 人 公 司 , 一 切 從 新 開 始 。 然 而 近 年 市 道 差 , Vonnie 的 job 錢 少 之 又 少 。 「 冇 辦 法 , 惟 有 唔 收 錢 乜 job 都 做 , 增 加 曝 光 率 。 有 啲 辛 苦 嘅 job , 冇 人 肯 做 咪 我 做 ! 」
Vonnie 更 向 啤 梨 自 薦 , 爭 取 工 作 機 會 。 「 佢 幫 陳 冠 希 排 舞 , 咁 啱 需 要 十 幾 個 dancer , 我 表 明 來 意 , 佢 一 口 答 應 。 」 雖 然 那 次 只 是 一 個 電 台 搞 的 小 型 show , Vonnie 排 足 四 日 舞 , 既 冇 錢 收 , 更 被 安 排 在 毫 不 顯 眼 的 後 排 , 但 已 令 Vonnie 重 拾 信 心 。
經 理 人 為 她 接 了 一 份 Web J 工 作 , 她 也 不 敢 推 辭 。 「 朋 友 知 道 我 要 做 Web J , 個 個 都 話 cheap 。 佢 哋 有 誤 解 , 以 為 呢 類 網 站 實 有 色 情 成 分 。 其 實 呢 個 網 只 係 一 個 消 閒 聊 天 室 , 唔 會 牽 涉 到 色 情 。 但 係 做 Phone in Web J 好 難 保 證 唔 會 受 到 性 騷 擾 , 因 為 我 唔 可 以 控 制 人 哋 講 嘅 嘢 , 所 以 好 視 乎 自 己 點 去 處 理 。 ( 有 冇 人 phone in 對 你 性 騷 擾 ? ) 當 然 有 , 有 人 一 打 入 嚟 就 問 我 : 『 你 個 胸 大 唔 大 ? 』 、 『 可 唔 可 以 玩 phone sex ? 』 , 我 唔 可 以 cut 佢 線 , 因 為 愈 傾 得 耐 , 就 賺 得 愈 多 。 所 以 惟 有 借 題 發 揮 , 轉 移 佢 哋 嘅 目 標 。 廿 幾 度 都 着 樽 領 衫 , 總 之 盡 量 着 得 密 實 啲 , 網 友 就 算 見 到 我 , 都 會 知 道 我 唔 係 賣 性 感 。 返 工 前 做 多 啲 準 備 , 我 每 日 至 少 會 睇 四 份 報 紙 娛 樂 版 , 所 有 週 刊 喺 出 街 當 日 就 買 嚟 睇 , 再 睇 下 笑 話 、 星 座 、 掌 相 書 , 總 之 樣 樣 都 要 識 , 梗 有 一 樣 可 以 引 起 佢 哋 嘅 興 趣 。 有 多 啲 話 題 , 佢 哋 自 然 唔 會 成 日 諗 住 sex 呢 樣 嘢 。 」

最 Top Web J

「 之 前 有 個 客 要 求 我 玩 phone sex , 我 問 佢 : 『 乜 你 冇 女 朋 友 , 你 唔 驚 俾 佢 知 咩 ? 』 後 來 發 現 原 來 佢 同 女 友 發 生 感 情 問 題 , 想 玩 phone sex 解 下 悶 , 傾 傾 下 竟 然 變 咗 感 情 輔 導 。 」
Vonnie 上 任 只 有 兩 個 星 期 , 但 經 已 成 為 網 站 最 受 歡 迎 的 Web J , 網 站 責 負 人 陳 小 姐 認 為 Vonnie 夠 主 動 , 「 Vonnie 係 網 站 十 八 個 Web J 之 中 最 top 嘅 一 個 , 雖 然 佢 只 係 做 咗 兩 個 禮 拜 , 但 已 經 有 十 幾 個 客 每 次 phone in 都 指 定 要 搵 佢 。 所 以 公 司 將 佢 編 喺 最 繁 忙 嘅 時 間 返 工 , 每 個 月 至 少 會 返 二 十 日 。 ( 一 般 Web J 每 星 期 只 會 做 兩 日 ) Vonnie 好 勤 力 , 睇 好 多 書 , 有 潮 流 觸 覺 , 基 本 上 講 乜 嘢 話 題 都 難 唔 到 佢 。 」
採 訪 當 日 , Vonnie 為 電 影 《 見 鬼 2 》 進 行 試 鏡 。 事 後 她 信 心 十 足 。 「 工 作 人 員 叫 我 扮 見 鬼 , 嚇 到 喊 , 我 一 take 過 搞 掂 。 事 關 我 之 前 嗰 晚 睇 咗 幾 次 《 三 更 》 , 揣 摩 下 人 哋 演 繹 表 情 。 跟 住 自 己 對 住 塊 鏡 扮 驚 嚇 樣 , 做 到 自 己 認 為 又 夠 驚 但 又 唔 醜 樣 為 止 。 」 雖 然 尚 未 成 事 , 但 肯 做 , 確 實 有 希 望 。

更多 壹週刊 文章

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2020 AD Internet Limited. All rights reserved. 版權所有 不得轉載