蘋果日報 | APPLE DAILY
› 選擇地區
三藩市
紐約
洛杉磯
其他美國地區

錫 安 教 迫 𡃁 妹 食 雙 氧 水 自 助 餐

上 週 六 下 午 , 記 者 前 往 錫 安 教 的 團 體 註 冊 地 址 , 上 水 新 豐 路 107 號 3 樓 , 記 者 推 門 入 內 , 發 現 教 徒 們 在 單 位 內 聚 餐 。
最後更新: 0803 03:56 / 建立時間 (HKT): 0211 00:00

錫 安 教 近 日 再 引 起 軒 然 大 波 , 主 要 是 因 為 該 教 派 今 次 鎖 定 目 標 , 向 天 水 圍 的 中 、 小 學 生 埋 手 , 招 攬 「 𡃁 仔 𡃁 妹 」 入 教 。
在 天 水 圍 一 間 小 學 就 讀 六 年 級 的 十 二 歲 女 學 生 小 雲 , 年 多 前 經 同 學 介 紹 入 錫 安 教 , 之 後 便 像 着 了 魔 般 沉 迷 下 去 , 除 不 斷 慫 恿 身 邊 朋 友 入 教 外 , 自 己 也 經 常 曠 課 返 教 壇 。
她 向 本 刊 記 者 直 言 不 覺 錫 安 教 做 壞 事 : 「 在 『 教 會 』 我 不 沉 悶 , 感 到 很 開 心 。 」

記 者 細 問 之 下 , 發 現 錫 安 教 憑 一 些 假 意 關 懷 的 手 法 , 加 上 飲 飲 食 食 , 便 輕 易 贏 得 這 些 「 𡃁 界 教 徒 」 的 心 。
但 「 關 懷 」 背 後 , 真 面 目 還 是 邪 魔 外 道 、 利 字 當 頭 。 好 像 近 日 小 雲 在 家 人 反 對 下 , 已 沒 再 返 教 壇 , 但 在 街 上 遇 到 教 友 , 教 友 還 急 不 及 待 的 催 她 將 新 年 利 是 錢 奉 獻 。
她 更 爆 出 錫 安 教 一 個 驚 人 惡 行 : 錫 安 教 每 個 星 期 六 , 都 會 預 備 自 助 餐 供 教 友 查 經 後 享 用 , 但 就 在 食 物 中 加 入 雙 氧 水 !
錫 安 教 危 害 𡃁 界 , 引 起 前 所 未 有 的 公 憤 , 區 議 員 、 宗 教 界 、 曾 受 害 的 前 錫 安 教 徒 , 再 加 上 警 方 , 已 組 成 勢 不 可 擋 的 正 義 力 量 , 誓 要 剿 滅 這 個 「 雙 氧 水 魔 教 」 。

迷 途 未 返 的 小 雲 12 歲
「 返 錫 安 教 開 心 過 屋 企 」

年 初 十 ( 一 月 三 十 一 日 ) 下 午 約 三 時 , 小 雲 途 經 天 水 圍 嘉 湖 銀 座 廣 場 對 出 的 空 地 時 , 遇 上 一 名 她 多 日 不 見 的 錫 安 教 教 友 。 但 雙 方 見 面 , 該 教 友 第 一 句 問 候 語 竟 是 : 「 小 雲 , 你 記 住 將 利 是 錢 奉 獻 俾 『 教 會 』 呀 ! 」
原 來 小 雲 已 兩 週 沒 有 返 教 壇 了 , 想 不 到 教 友 第 一 句 說 話 便 是 「 追 數 」 。 曾 幾 何 時 是 錫 安 教 中 活 躍 分 子 的 小 雲 , 向 記 者 坦 言 對 該 教 那 麼 緊 張 「 奉 獻 」 有 點 失 望 : 「 只 不 過 係 呢 排 傳 媒 猛 咁 攻 擊 錫 安 教 , 家 人 唔 俾 我 返 之 嘛 , 我 又 唔 係 特 登 唔 奉 獻 。 」

認 教 友 做 契 媽

記 者 是 經 元 朗 區 議 員 周 永 勤 介 紹 , 認 識 今 年 十 二 歲 , 就 讀 小 六 的 小 雲 , 她 在 該 處 做 義 工 , 亦 不 隱 瞞 自 己 的 錫 安 教 徒 身 份 。 她 年 多 前 經 同 學 介 紹 加 入 錫 安 教 , 入 教 時 沒 有 特 別 儀 式 , 只 像 一 般 正 當 教 會 一 樣 , 教 徒 也 稱 錫 安 教 做 「 教 會 」 。
她 說 初 時 返 錫 安 教 只 為 敷 衍 同 學 , 誰 知 返 了 第 一 次 , 就 像 着 了 魔 一 樣 。
「 錫 安 教 係 我 返 過 最 開 心 嘅 教 會 , 比 屋 企 、 學 校 更 開 心 。 因 為 其 他 教 會 好 悶 , 屋 企 人 又 經 常 唔 喺 度 , 學 校 壓 力 又 好 大 , 都 係 錫 安 教 對 我 最 好 ! 返 咗 錫 安 教 , 就 好 似 返 咗 屋 企 , 得 到 好 多 人 嘅 關 懷 同 照 顧 , 佢 哋 會 問 我 讀 書 讀 成 點 、 有 冇 問 題 呀 咁 , 但 係 呢 啲 嘢 屋 企 人 係 唔 問 㗎 ! 而 完 咗 查 經 聚 會 , 又 會 攞 出 一 盤 盤 食 物 出 來 俾 我 哋 食 。 又 有 免 費 自 助 餐 大 食 會 , 又 有 教 主 梁 日 華 講 道 嘅 聲 帶 、 CD 送 俾 我 。 」 她 還 跟 幾 名 年 長 教 友 上 契 , 契 媽 前 契 哥 後 , 感 情 比 親 人 還 好 。
她 自 從 加 入 錫 安 教 , 每 星 期 為 了 返 「 教 會 」 , 多 次 在 星 期 六 曠 課 不 上 學 , 但 那 些 「 契 媽 契 哥 」 從 沒 說 她 曠 課 不 對 。 不 久 後 , 小 雲 更 成 為 教 會 中 的 活 躍 分 子 , 她 自 豪 地 說 : 「 我 細 佬 同 好 多 同 學 , 都 係 我 帶 佢 哋 入 教 ! 」
錫 安 教 最 受 非 議 的 — — 主 張 雙 氧 水 能 醫 百 病 , 小 雲 也 飲 了 不 少 雙 氧 水 , 而 且 漸 漸 被 「 洗 腦 」 。

全 校 50 多 名 學 生 入 教

「 逢 星 期 六 , 我 哋 會 喺 嘉 湖 山 莊 景 湖 居 2 座 17B 舉 行 自 助 餐 大 食 會 , 有 炒 飯 、 三 文 治 同 果 汁 供 應 , 每 次 有 二 十 人 左 右 。 我 哋 叫 嗰 度 做 『 家 』 , 天 水 圍 有 好 多 個 呢 啲 『 家 』 。 我 第 一 次 去 , 就 見 到 教 友 將 幾 滴 水 滴 落 食 物 上 面 , 我 問 係 乜 , 佢 話 係 雙 氧 水 , 一 定 要 食 。 我 見 其 他 教 友 依 然 食 得 津 津 有 味 , 而 且 食 咗 冇 事 , 我 食 落 啲 食 物 亦 唔 覺 有 問 題 , 所 以 後 來 我 亦 認 為 雙 氧 水 飲 得 。 」
經 「 洗 腦 」 後 , 她 甚 至 連 老 師 說 雙 氧 水 有 害 , 也 不 肯 相 信 。
一 月 初 , 傳 媒 揭 發 錫 安 教 在 天 水 圍 再 度 活 躍 , 並 大 力 拉 攏 𡃁 界 入 教 , 小 雲 所 讀 學 校 的 校 長 、 老 師 才 如 夢 初 醒 。
小 雲 憶 述 : 「 傳 媒 報 道 過 之 後 , 老 師 喺 全 校 週 會 上 特 別 講 起 雙 氧 水 , 老 師 話 : 『 雙 氧 水 等 於 漂 白 水 。 』 跟 手 就 問 : 『 咁 重 有 冇 人 認 為 雙 氧 水 飲 得 ? 』
「 當 時 即 刻 有 五 、 六 十 個 同 學 舉 手 , 老 師 都 嚇 一 跳 , 因 為 佢 哋 唔 知 道 有 咁 多 同 學 入 咗 教 ! 我 都 有 舉 手 , 因 為 我 真 係 覺 得 雙 氧 水 飲 得 囉 ! 」
立 法 會 議 員 勞 永 樂 醫 生 表 示 , 雙 氧 水 是 用 作 消 毒 , 若 直 接 大 啖 飲 用 , 可 導 致 口 腔 、 食 道 及 胃 出 血 , 甚 至 中 毒 死 亡 。

「 教 會 有 理 , 家 人 不 對 」

自 從 當 日 舉 手 後 , 小 雲 便 要 接 受 校 內 社 工 的 心 理 輔 導 , 家 人 不 准 她 再 返 錫 安 教 , 加 上 有 很 多 記 者 到 學 校 採 訪 , 沒 入 教 的 同 學 罵 她 說 : 「 累 街 坊 ! 你 俾 人 呃 咗 啦 ! 」
但 小 雲 仍 不 覺 被 錫 安 教 欺 騙 , 反 覺 得 校 方 、 家 人 無 理 。 「 我 冇 病 , 點 解 要 睇 心 理 輔 導 ? 個 輔 導 員 問 我 教 會 裏 面 嘅 情 況 , 又 話 再 返 錫 安 教 會 影 響 學 校 聲 譽 , 我 雖 然 唔 明 , 但 屋 企 人 唔 俾 我 返 『 教 會 』 , 咪 惟 有 照 做 囉 ! 」
她 又 說 : 「 照 我 所 知 , 學 校 每 班 約 莫 有 四 、 五 個 同 學 返 緊 『 教 會 』 , 而 家 有 部 分 好 似 我 咁 停 咗 , 我 諗 等 件 事 丟 淡 , 我 一 定 會 再 返 去 ! 」
從 小 雲 所 說 推 斷 , 顯 然 錫 安 教 在 天 水 圍 區 紥 根 已 有 一 定 成 果 , 受 影 響 的 初 中 及 小 學 生 為 數 不 少 , 若 各 界 不 及 時 制 止 , 為 害 將 不 堪 設 想 。

舊 教 友 揭 錫 安 教 惡 行
「 錫 安 教 迫 我 哋 離 婚 ! 」
梁 先 生 、 梁 太
30 歲

梁 先 生 夫 婦 加 入 錫 安 教 超 過 十 年 , 在 錫 安 教 內 認 識 、 結 婚 , 並 且 在 零 零 年 一 齊 離 開 教 會 , 原 因 是 教 會 高 層 竟 要 求 梁 先 生 和 妻 子 離 婚 。
梁 先 生 憶 述 : 「 嗰 日 係 零 零 年 中 , 我 收 到 高 層 ( 他 怕 被 報 復 , 不 敢 說 出 對 方 名 字 ) 一 個 電 話 , 佢 話 : 『 你 老 婆 好 似 對 信 仰 唔 太 熱 衷 咁 , 不 如 你 學 教 會 位 全 職 財 務 咁 , 同 老 婆 離 婚 啦 ! 』 」
梁 先 生 說 , 該 高 層 提 到 的 全 職 財 務 , 名 劉 志 泉 , 與 原 來 妻 子 離 婚 後 , 在 教 主 梁 日 華 安 排 下 , 改 為 與 梁 妻 陳 玉 珍 的 「 老 死 」 馮 萍 敏 結 婚 , 其 後 在 教 中 地 位 亦 扶 搖 直 上 。
梁 先 生 表 示 , 錫 安 教 除 了 控 制 教 徒 婚 姻 , 平 日 亦 控 制 教 徒 的 感 情 。 「 喺 教 會 裏 面 , 男 女 分 得 好 開 , 男 教 友 望 多 女 教 友 五 秒 , 都 會 話 犯 姦 淫 , 男 女 唔 可 以 有 身 體 接 觸 , 要 『 教 會 』 批 准 先 可 以 拍 拖 , 但 拍 拖 都 唔 俾 拖 手 、 唔 俾 單 獨 約 會 、 唔 俾 搭 同 一 部 𨋢 , 搭 巴 士 都 要 一 個 坐 前 一 個 坐 後 。 」
梁 先 生 和 梁 太 就 是 這 樣 認 識 八 個 月 , 便 在 九 九 年 八 月 結 婚 了 , 想 不 到 最 終 仍 是 不 容 於 錫 安 教 , 要 迫 他 們 離 婚 , 他 們 才 決 定 離 開 。

「 錫 安 教 要 吞 我 間 公 司 ! 」
紀 先 生   30 多 歲

加 入 錫 安 教 十 年 , 曾 任 教 中 書 室 經 理 的 紀 先 生 , 自 言 是 一 名 「 聽 話 」 的 門 徒 , 從 沒 行 差 踏 錯 , 教 會 高 層 一 聲 令 下 , 他 赴 湯 蹈 火 也 會 完 成 任 務 。 「 例 如 我 正 職 室 內 設 計 , 返 朝 九 晚 五 , 但 晚 七 朝 七 要 做 教 主 梁 日 華 嘅 保 鑣 , 喺 佢 屋 企 瞓 埋 , 但 主 要 工 作 只 係 幫 佢 嗰 十 幾 條 蜥 蜴 執 屎 , 我 都 做 咗 成 年 。 」
豈 料 該 教 最 終 「 唔 熟 唔 食 」 , 想 佔 有 其 公 司 。
他 說 : 「 我 開 咗 公 司 後 , 教 會 話 要 裝 修 , 同 我 合 股 嘅 教 友 就 會 無 端 離 開 公 司 兩 個 月 , 又 用 公 司 啲 料 免 費 幫 教 會 裝 修 , 搞 到 我 要 做 多 幾 倍 工 作 。 後 來 我 間 公 司 賺 到 錢 , 高 層 ( 他 同 樣 不 敢 透 露 該 高 層 姓 名 ) 就 話 要 接 管 , 如 果 唔 肯 , 嗰 兩 個 教 友 就 會 退 股 , 搞 到 我 一 鑊 泡 。 最 後 我 索 性 執 咗 間 公 司 , 離 開 錫 安 教 , 開 間 新 公 司 再 嚟 過 囉 ! 」

「 教 主 做 戲 博 捐 錢 ! 」
阿 June   41 歲

阿 June 加 入 錫 安 教 逾 十 年 , 曾 任 職 錫 安 教 高 層 , 職 位 名 稱 叫 「 家 母 」 , 負 責 統 領 女 信 徒 。
她 說 : 「 教 主 梁 日 華 個 人 真 係 好 虛 偽 , 九 六 年 被 傳 媒 揭 發 叫 人 飲 雙 氧 水 醫 病 後 , 佢 唔 單 止 喺 教 友 面 前 扮 委 屈 , 重 『 𢱑 』 錢 袋 袋 平 安 添 ! 」
阿 June 自 言 對 九 六 年 雙 氧 水 事 件 瞭 如 指 掌 : 「 當 年 我 哋 全 部 住 緊 粉 嶺 圍 啲 村 屋 , 梁 日 華 話 雙 氧 水 能 醫 百 病 , 所 以 經 常 訂 一 貨 車 雙 氧 水 , 喺 村 內 公 園 散 貨 賣 俾 教 友 。 」
事 件 遭 傳 媒 揭 發 後 , 警 方 跟 進 , 梁 日 華 即 時 致 電 各 教 友 倒 去 全 部 雙 氧 水 , 並 在 旺 角 伊 館 辦 週 日 崇 拜 , 說 起 事 件 , 她 說 : 「 當 時 佢 跪 喺 台 上 喊 住 口 咁 講 : 『 而 家 我 俾 警 方 查 緊 , 雙 氧 水 件 事 我 會 一 力 承 擔 , 我 寧 願 做 一 個 坐 監 嘅 牧 師 , 都 唔 寧 願 做 一 個 被 屈 嘅 牧 師 ! 』 佢 重 話 可 能 會 搞 到 上 法 庭 , 叫 我 哋 捐 錢 集 資 做 律 師 費 , 當 時 好 多 教 友 俾 佢 感 動 , 一 齊 捐 錢 , 每 人 至 少 捐 一 千 蚊 , 我 都 捐 咗 一 千 蚊 , 捐 款 達 一 百 萬 , 可 惜 一 切 原 來 只 係 做 戲 。 」
結 果 警 方 沒 有 進 一 步 處 理 事 件 , 沒 有 打 官 司 , 但 梁 日 華 亦 沒 有 退 回 當 日 籌 得 的 律 師 費 給 教 友 。

正 邪 大 對 決 !
正 : 牧 師 誓 救 錫 安 教 徒

一 場 由 元 朗 區 議 員 周 永 勤 統 籌 , 暫 有 五 個 前 錫 安 教 徒 做 先 鋒 , 聯 同 宗 教 界 組 成 的 支 援 隊 作 後 盾 的 持 久 戰 爭 即 將 爆 發 , 他 們 誓 將 錫 安 教 連 根 拔 起 。
周 永 勤 說 : 「 為 免 錫 安 教 繼 續 荼 毒 青 少 年 , 呢 場 仗 一 定 要 打 ! 」 重 案 組 已 向 他 拿 取 有 關 資 料 。
他 表 示 , 首 先 他 會 以 錫 安 前 教 徒 親 身 的 經 歷 , 揭 露 教 會 內 非 人 生 活 , 如 審 判 、 迫 人 離 婚 、 揭 露 私 隱 、 虛 偽 等 行 為 , 讓 一 些 未 接 觸 的 人 了 解 真 相 , 望 而 卻 步 , 以 及 令 教 會 內 一 些 教 徒 有 離 心 。 繼 而 透 過 由 宗 教 界 組 成 的 支 援 隊 , 為 離 教 的 教 徒 提 供 輔 導 。
自 一 九 九 零 年 開 始 已 關 注 錫 安 教 的 中 華 宣 道 會 宣 中 堂 李 錦 彬 牧 師 承 認 , 多 年 來 各 正 統 基 督 教 會 太 過 被 動 及 只 處 理 會 內 事 務 , 造 就 了 錫 安 教 會 坐 大 , 疏 忽 難 辭 其 咎 。 他 說 : 「 其 實 喺 九 六 年 爆 雙 氧 水 事 件 , 我 哋 已 經 即 時 將 佢 ( 錫 安 教 ) 定 性 為 異 端 , 嗰 時 就 應 採 取 進 一 步 行 動 , 但 冇 , 結 果 搞 到 而 家 重 大 鑊 。 」
他 表 示 , 現 在 正 輔 導 十 名 前 錫 安 教 徒 , 但 他 們 普 遍 存 在 沒 有 獨 立 思 考 能 力 、 偏 激 、 失 去 正 確 的 價 值 觀 等 問 題 , 他 舉 例 說 : 「 例 如 你 講 十 句 說 話 , 有 九 句 九 啱 , 一 個 字 講 錯 , 佢 哋 就 會 咬 住 你 講 錯 嘅 字 攻 擊 你 , 推 翻 你 所 有 嘢 ! 」
所 以 , 面 對 這 些 教 徒 , 要 先 心 理 輔 導 、 隔 離 , 再 幫 他 投 入 社 會 , 而 且 輔 導 時 , 說 話 要 特 別 小 心 , 以 及 慢 慢 透 過 朋 友 關 懷 , 讓 他 們 重 拾 理 性 思 考 能 力 , 但 一 般 整 個 過 程 至 少 需 時 三 年 。

邪 : 用 法 律 阻 人 爆 料

不 過 , 另 一 邊 廂 , 財 雄 勢 大 的 錫 安 教 會 並 非 坐 以 待 斃 , 正 密 謀 反 擊 , 據 一 名 錫 安 教 骨 幹 分 子 透 露 , 教 主 梁 日 華 或 許 會 採 取 「 每 教 徒 一 律 師 信 」 的 方 法 , 對 付 那 些 變 節 並 且 「 多 口 」 的 舊 教 徒 。
這 名 骨 幹 亦 指 出 , 現 時 的 錫 安 教 教 眾 有 一 千 九 百 多 人 , 單 單 每 月 的 奉 獻 金 已 有 一 百 四 十 萬 ( 每 名 教 徒 奉 獻 月 薪 的 五 分 之 一 ) , 車 隊 資 產 包 括 兩 部 防 彈 勞 思 萊 斯 、 六 部 平 治 房 車 及 十 多 部 車 輛 , 市 值 達 三 千 萬 , 再 加 現 金 等 資 產 , 估 計 有 一 億 , 隨 時 向 所 有 揭 露 該 教 衰 嘢 的 人 採 取 法 律 阻 嚇 。
此 外 , 錫 安 教 亦 悄 悄 採 取 反 擊 行 動 , 除 在 報 章 發 聲 明 , 聲 稱 本 身 性 質 「 純 正 」 外 , 又 在 網 頁 上 連 載 漫 畫 炮 轟 議 員 及 傳 媒 。
警 察 公 共 關 係 科 發 言 人 表 示 , 警 方 已 收 到 一 名 區 議 員 提 供 有 關 錫 安 教 的 舉 報 , 現 正 了 解 中 。

騎 呢 教 派 大 晒 冷

其 實 世 界 上 有 不 少 騎 呢 教 派 或 團 體 存 在 , 在 互 聯 網 上 搜 尋 , 單 在 亞 洲 地 區 都 有 三 十 個 以 上 。 他 們 的 行 為 雖 不 算 邪 門 , 卻 非 常 騎 呢 ! 以 下 是 其 中 三 個 最 搞 笑 的 :

1. 呼 喊 派
教 主 : 李 常 受
成 立 地 區 : 上 海
成 立 年 份 : 50 年 代
騎 呢 行 為 : 連 續 兼 重 複 地 大 聲 呼 喊 , 以 代 替 向 耶 穌 祈 禱 。
騎 呢 事 例 : 據 講 有 一 次 , 李 常 受 率 領 一 班 基 督 徒 上 山 禱 告 , 李 在 途 中 遇 到 「 黑 霧 附 體 」 , 之 後 他 便 覺 得 自 己 擁 有 一 股 神 秘 力 量 , 並 開 始 用 高 聲 呼 喊 的 方 式 來 代 替 正 常 禱 告 。 由 於 在 禱 告 時 會 連 續 兼 重 複 地 大 聲 呼 喊 : 「 主 啊 ! 」 「 阿 門 ! 」 「 哈 利 路 亞 ! 」 等 口 號 , 因 而 被 冠 上 「 呼 喊 派 」 之 名 。

2. 一 炷 香 教

教 主 : 不 詳
成 立 地 區 : 不 詳
成 立 年 份 : 清 代 嘉 慶 年 間
騎 呢 行 為 : 對 住 枝 香 長 跪 及 懺 悔 , 聲 稱 可 不 藥 而 癒 。
騎 呢 事 例 : 這 個 教 派 有 一 種 理 論 : 人 之 所 以 會 有 病 是 因 為 做 錯 某 些 事 情 , 例 如 頭 痛 是 因 為 不 孝 順 父 母 , 手 足 痛 是 因 為 兄 弟 不 和 , 肚 痛 則 是 良 心 不 善 等 。 要 解 決 這 些 身 體 的 毛 病 , 就 是 讓 病 人 向 北 磕 頭 , 懺 悔 平 生 罪 過 , 同 時 間 對 香 長 跪 , 懺 悔 等 。

3. 愛 之 家
教 主 : 大 衛 貝 克 ( David Brandt Berg )
成 立 地 區 : 美 國
成 立 年 份 : 1969 年
騎 呢 行 為 : 宣 揚 愛 不 只 是 放 在 口 邊 而 是 要 落 力 「 做 」 。
騎 呢 事 例 : 這 個 曾 在 香 港 活 躍 的 教 派 , 宣 揚 愛 是 要 「 做 」 的 , 認 為 愛 包 括 肉 體 的 愛 , 只 說 不 「 做 」 愛 , 就 是 自 私 。 故 獸 姦 、 兒 童 性 行 為 、 亂 倫 等 不 為 大 眾 接 受 的 性 愛 模 式 , 在 他 們 看 來 都 是 正 常 不 過 。 這 個 教 派 受 到 多 個 國 家 的 管 制 , 於 是 化 整 為 零 , 信 徒 分 散 到 世 界 各 地 , 並 以 濟 世 為 懷 的 口 號 繼 續 存 在 。

更多 壹週刊 文章

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2018 AD Internet Limited. All rights reserved. 版權所有 不得轉載