蘋果日報 | APPLE DAILY
› 選擇地區
三藩市
紐約
洛杉磯
其他美國地區
馬上成為壹會員

馬 局 長 再 做 會 員 - 宗菁華

馬 時 亨 舊 時 有 公 司 提 供 之 會 籍 到 粉 嶺 扑 波 仔 。 從 政 後 冇 呢 個 福 利 , 佢 由 是 申 請 番 個 個 人 會 籍 , 只 不 過 年 零 就 得 啦 。
最後更新: 0804 16:28 / 建立時間 (HKT): 0325 00:00

財 經 事 務 局 長 馬 時 亨 扑 波 仔 有 年 。 當 今 之 世 , 做 生 意 又 豈 可 唔 扑 波 仔 者 ? 佢 自 從 踏 出 大 學 門 檻 就 從 商 , 故 此 , 早 已 經 係 粉 嶺 高 球 會 之 會 員 — — 由 公 司 提 供 會 籍 。
馬 局 長 從 政 後 , 佢 之 事 頭 ( 即 係 特 區 政 府 啦 ) 當 然 冇 公 司 會 籍 可 以 提 供 , 故 此 佢 就 一 於 自 己 遞 方 , 申 請 做 個 人 會 員 矣 。
粉 嶺 高 球 會 係 當 今 特 區 最 最 最 最 高 級 之 會 所 , 個 人 申 請 入 會 , 分 分 鐘 要 等 超 過 廿 年 至 有 得 傾 。 由 於 馬 局 長 業 已 做 過 會 員 ( 公 司 會 籍 嗰 隻 ) , 加 以 佢 今 日 之 身 份 唔 同 往 日 , 故 此 由 遞 方 到 做 會 員 , 當 然 唔 使 等 足 廿 年 咁 耐 啦 !
咁 要 等 幾 耐 ? Well , 佢 為 官 不 過 年 零 , 但 早 排 佢 已 經 順 利 成 為 會 員 矣 , 於 此 可 見 佢 係 極 速 入 會 者 。
CH 七 十 一 為 人 詬 病 , 皆 因 佢 勤 力 過 頭 , 有 為 進 取 , 搞 出 一 鑊 泡 。 馬 局 長 從 政 而 入 會 去 扑 波 仔 , 若 果 三 司 十 一 局 個 個 學 得 佢 咁 有 閒 情 逸 致 , 香 港 想 唔 安 定 繁 榮 都 難 也 。 溫 總 送 大 禮 俾 香 港 , 何 不 折 現 就 送 個 高 球 會 會 籍 俾 老 董 , 則 香 港 萬 幸 ! 民 族 萬 幸 ! 國 家 萬 幸 也 !

警 察 用 殘 忍 子 彈

台 灣 大 選 發 生 槍 擊 事 件 , 資 深 軍 火 專 家 報 料 : 好 彩 射 正 阿 扁 者 只 係 土 製 子 彈 , 如 果 係 香 港 警 察 用 嘅 子 彈 , 佢 則 大 劑 矣 。
點 大 劑 法 ? 原 來 至 今 香 港 警 察 都 仲 係 用 緊 名 叫 Dum Dum Shell 之 空 心 子 彈 ( 原 產 地 係 印 度 Dum Dum , 乃 以 此 命 名 ) 。 呢 種 子 彈 掂 肉 就 會 爆 開 , 故 此 可 以 對 人 體 器 官 造 成 好 大 損 傷 。 如 果 阿 扁 俾 呢 種 子 彈 射 中 , 你 話 會 點 啦 ?
專 家 仲 話 , 出 於 人 道 考 慮 , 聯 合 國 早 已 喺 日 內 瓦 簽 下 協 議 , 交 戰 國 要 用 實 心 子 彈 。 用 呢 種 子 彈 射 中 人 都 一 樣 慘 , 但 勝 在 會 直 穿 而 出 , 傷 口 較 為 完 整 , 對 旁 邊 器 官 損 傷 較 輕 。 香 港 素 以 文 明 、 開 放 、 進 步 自 居 , 咁 點 解 李 處 長 仲 用 啲 咁 殘 忍 嘅 武 器 呢 ?

狗 痴 北 斗 星 家 族 猛 料

上 期 《 非 常 人 語 》 講 起 狗 痴 北 斗 星 曾 慶 謙 , 佢 家 族 原 來 係 運 輸 業 世 家 。 細 佬 慶 光 從 事 航 空 貨 運 , 現 任 中 航 興 業 執 董 , 兩 年 前 將 一 手 創 辦 的 華 民 航 空 出 讓 國 泰 。 而 佢 祖 父 更 加 厲 害 , 正 是 已 故 的 士 大 王 曾 榕 , 二 十 年 代 創 立 金 邊 的 士 , 曾 坐 擁 的 士 數 百 輛 , 規 模 比 胡 應 湘 老 豆 胡 忠 間 中 央 的 士 仲 要 大 , 擁 有 不 少 物 業 , 並 有 份 創 辦 廣 華 醫 院 同 九 龍 總 商 會 。
空 軍 出 身 的 曾 榕 七 子 佩 釗 , 更 是 李 家 王 朝 駙 馬 , 娶 的 是 李 國 寶 叔 公 李 作 忠 嘅 千 金 。 七 十 年 代 , 有 間 「 國 際 酒 樓 夜 總 會 置 業 」 係 曾 家 擁 有 的 上 市 公 司 。 只 可 惜 曾 榕 七 ○ 年 過 身 後 , 長 子 及 得 力 助 手 佩 珩 ( 慶 謙 父 親 ) 亦 於 同 年 早 逝 , 餘 下 兄 弟 爭 產 , 以 致 家 業 不 斷 萎 縮 。
今 天 金 邊 的 士 已 經 結 業 多 年 , 祖 業 旺 角 榕 慶 大 廈 早 已 賣 俾 恒 隆 改 建 , 而 國 際 酒 樓 則 輾 轉 變 成 英 皇 地 產 , 曾 榕 的 事 業 只 剩 下 窩 打 老 道 一 棟 叫 曾 榕 大 廈 的 住 宅 樓 作 紀 念 。 恐 怕 曾 榕 做 夢 也 想 不 到 , 是 他 這 位 愛 狗 的 長 孫 女 , 不 但 賣 狗 糧 賣 到 全 行 最 大 , 仲 搞 狗 場 教 導 邊 緣 青 年 , 真 正 延 續 他 從 商 行 善 的 遺 風 。

金 牙 大 狀 講 嘢   兩 大 監 管 機 構 唔 咬 弦

無 論 乜 嘢 公 司 上 市 , 家 吓 都 興 到 海 外 註 冊 , 而 選 擇 基 本 上 有 三 個 : 一 、 百 慕 達 ; 二 、 開 曼 群 島 ; 三 、 英 屬 處 女 島 。
喺 三 者 之 中 , 金 管 局 對 開 曼 群 島 好 有 意 見 , 視 之 為 洗 黑 錢 之 地 ; 故 此 任 局 長 班 手 下 要 求 賓 架 對 開 曼 群 島 開 設 之 戶 口 要 驗 屍 咁 驗 。
那 邊 廂 , 沈 大 官 人 主 理 之 證 監 則 覺 得 開 曼 群 島 冇 問 題 之 至 , 佢 哋 以 為 當 地 之 公 司 法 勝 在 夠 透 明 , 唔 似 得 英 屬 處 女 島 咁 遮 遮 掩 掩 , 監 管 起 嚟 容 易 得 多 。
任 何 公 司 都 唔 少 得 註 冊 地 同 埋 銀 行 戶 口 。 作 為 香 港 之 監 管 機 構 , 金 管 局 同 證 監 對 開 曼 群 島 之 取 態 南 轅 北 轍 , 咁 啲 公 司 要 到 香 港 嚟 上 市 , 又 何 所 適 從 ?
要 香 港 發 展 成 為 的 而 且 確 之 金 融 中 心 , 方 便 啲 公 司 嚟 上 市 , 唔 該 金 管 局 同 證 監 統 一 口 徑 , 以 免 阻 住 地 球 轉 , OK ?

鄭 總 參 謀 面 試 打 尖

講 起 馬 局 長 有 閒 情 逸 致 入 會 扑 波 仔 , 當 日 同 佢 老 哥 一 齊 去 粉 嶺 面 試 者 , 仲 有 CH 昔 日 個 舊 總 參 謀 鄭 維 健 — — 同 埋 另 外 三 十 八 名 幸 運 兒 ( 有 得 面 試 , 則 坐 定 粒 六 , 入 梗 矣 ) 。
鄭 維 健 雖 然 脫 離 政 壇 , 但 睇 嚟 今 日 仲 忙 過 舊 時 。 何 以 見 得 ? 四 十 人 排 排 坐 等 面 試 ( 主 考 官 中 英 各 一 , 以 體 現 高 高 高 高 級 會 所 之 國 際 形 象 也 ) , 佢 老 哥 向 主 考 官 懇 請 俾 佢 打 尖 。 結 果 ? 橫 豎 都 係 自 己 友 , 梗 係 冇 所 謂 之 至 啦 !
馬 局 長 同 鄭 總 參 謀 , 一 個 從 政 而 做 會 員 , 另 一 個 則 辭 官 而 做 會 員 , 何 止 大 異 其 趣 , 更 加 證 明 無 論 你 乜 嘢 地 位 , 唯 有 高 球 會 先 至 係 真 正 身 份 之 象 徵 也 。

黃 永 玉 全 國 巡 迴 展

黃 永 玉 大 師 北 返 建 造 萬 荷 堂 有 年 , 潛 心 創 作 , 大 有 成 果 。 更 難 得 者 , 年 過 八 秩 , 而 雄 心 未 泯 , 將 由 下 個 月 起 作 其 全 國 巡 迴 展 。
首 先 喺 北 京 起 展 出 , 繼 而 到 佢 家 鄉 湖 南 長 沙 , 跟 住 去 廣 州 , 到 咗 年 尾 就 會 落 嚟 香 港 , 喺 美 術 館 展 出 。 黃 大 師 老 而 彌 堅 , 祝 佢 巡 迴 展 , 全 面 勝 利 !

冼 伯 : 新 法 榮 譽 產 品

今 期 敝 刊 專 講 新 法 書 院 , 篇 幅 所 限 , 不 無 遺 珠 , 小 宗 在 此 執 執 口 水 尾 。 新 法 名 人 除 咗 馬 局 長 、 中 原 施 老 闆 , 原 來 仲 出 咗 唔 少 猛 人 。
譬 如 廖 創 興 家 族 之 廖 烈 文 、 廖 烈 武 就 都 係 新 法 之 榮 譽 產 品 。 佢 哋 同 馬 局 長 , 以 至 校 長 王 老 闆 一 樣 都 係 家 己 冷 ; 唔 知 係 咪 咁 , 故 此 佢 哋 對 新 法 情 有 獨 鍾 。
唔 係 家 己 冷 , 但 同 樣 係 新 法 榮 譽 產 品 者 仲 有 珠 寶 大 王 冼 為 堅 。 唔 好 以 為 冼 伯 已 過 古 稀 之 年 , 就 冇 讀 過 番 書 。 查 實 新 法 創 校 於 一 九 四 九 年 , 前 身 係 補 習 學 校 , 故 此 冼 伯 分 分 鐘 係 王 老 闆 第 一 批 門 生 也 。

中 環 考 眼 界

相 中 景 點 位 處 中 環 , 估 中 其 所 在 地 , 醒 您 $200 餐 券 。
有 意 參 加 考 眼 界 者 , 請 於 三 月 二 十 九 日 24:00 前 將 答 案 電 郵 centralman@nextmedia.com
小 宗 只 接 受 電 郵 , 郵 寄 免 問 。

本 刊 員 工 及 直 系 親 屬 不 得 參 加 。 超 過 一 位 讀 者 估 中 , 先 到 先 得 , 恕 不 接 受 上 訴 。
答 案 及 中 獎 者 姓 名 將 於 ○ 四 年 四 月 一 日 本 欄 揭 曉 。

上 週 考 眼 界 揭 曉 答 案

娛 樂 行
得 獎 者 : Marina Ho
中 獎 時 間 : 1:34pm 17/3/04


宗菁華

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載