蘋果日報 | APPLE DAILY
› 選擇地區
三藩市
紐約
洛杉磯
其他美國地區

谷 行 爭 金 曲 大 獎   楊 千 嬅 : 唔 會 咁 幼 稚 !

最後更新: 0804 16:35 / 建立時間 (HKT): 1028 00:00

去 年 在 各 大 頒 獎 禮 上 , 楊 千 嬅 被 容 祖 兒 以 《 我 的 驕 傲 》 擊 至 潰 不 成 軍 , 風 水 輪 流 轉 , 今 年 有 大 熱 K 歌 《 小 城 大 事 》 在 手 搶 分 , 單 計 播 放 率 , 她 已 穩 奪 商 台 「 叱 咤 女 歌 手 」 金 獎 及 「 叱 咤 至 尊 歌 曲 」 兩 大 獎 項 。
不 過 , 聲 稱 有 英 皇 三 千 萬 力 谷 , 誓 要 冧 庄 做 無 綫 「 最 受 歡 迎 女 歌 星 」 的 Joey , 為 了 增 加 贏 面 , 不 惜 請 外 援 李 克 勤 合 唱 , 在 年 尾 衝 刺 關 口 催 谷 播 放 率 。
Joey 見 招 拆 招 , 今 年 內 唔 會 再 出 碟 的 千 嬅 , 雖 然 獲 公 司 力 撐 , 繼 續 狂 谷 《 小 城 大 事 》 國 語 版 《 大 城 大 事 》 , 出 動 公 司 同 門 歌 手 力 撐 , 合 拍 Channel V 特 輯 造 勢 , 不 過 千 嬅 卻 說 : 「 我 三 十 歲 嘞 , 唔 會 咁 幼 稚 ( 爭 獎 ) ! 」

碟 少 歌 多

近 年 密 密 拍 電 影 的 楊 千 嬅 , 歌 唱 事 業 步 伐 放 緩 , 更 因 此 將 去 年 無 綫 《 勁 歌 》 總 選 的 「 最 受 歡 迎 女 歌 星 獎 」 , 拱 手 相 讓 給 死 敵 容 祖 兒 。 為 怕 重 蹈 覆 轍 , 千 嬅 所 屬 的 金 牌 經 理 人 公 司 , 今 年 積 極 為 她 嚴 選 歌 曲 , 誓 要 如 去 年 Joey 《 我 的 驕 傲 》 般 , 以 大 熱 K 歌 獲 取 雙 贏 。
終 於 , 《 小 城 大 事 》 穩 坐 今 年 商 台 全 年 最 高 播 放 率 , 如 無 意 外 , 商 台 兩 個 大 獎 「 叱 咤 樂 壇 女 歌 手 金 獎 」 及 「 叱 咤 至 尊 歌 曲 大 獎 」 , 都 會 成 千 嬅 囊 中 物 。
為 挽 救 Joey 劣 勢 , 英 皇 誇 下 海 口 , 以 三 千 萬 力 谷 她 冧 庄 無 綫 「 最 受 歡 迎 女 歌 星 」 , 老 闆 楊 受 成 更 下 令 全 公 司 上 下 加 把 勁 幫 Joey 造 勢 , 就 連 搵 錢 孖 寶 Twins 都 要 讓 路 。

密 做 搏 好 感

努 力 下 的 成 果 , 是 Joey 在 無 綫 的 《 奧 運 金 牌 精 英 大 匯 演 》 、 《 星 光 熠 熠 耀 保 良 》 、 《 國 慶 文 藝 晚 會 》 等 多 個 大 show 中 現 身 , 即 使 Joey 聲 帶 有 事 , 亦 「 咪 嘴 」 上 陣 , 希 望 多 勞 多 得 氹 無 綫 開 心 。 近 日 更 透 過 英 皇 娛 樂 行 政 總 裁 吳 雨 , 出 面 拉 攏 環 球 唱 片 的 李 克 勤 , 與 Joey 合 唱 新 歌 , 以 「 克 不 容 緩 」 的 組 合 姿 勢 , 現 身 多 個 無 綫 未 來 大 騷 , Joey 亦 可 藉 「 無 綫 契 仔 」 克 勤 之 名 , 爭 取 更 多 曝 光 率 。

推 戲 做 歌

面 對 Joey 來 勢 洶 洶 的 合 唱 絕 招 , 千 嬅 卻 以 不 變 應 萬 變 。
「 啲 人 總 係 覺 得 一 年 出 兩 隻 碟 至 啱 , 我 就 唔 急 , 寧 願 慢 慢 做 。 新 碟 今 年 應 該 出 唔 到 , 何 況 依 家 先 嚟 谷 新 歌 , 邊 有 用 吖 ! 」
即 使 無 諗 過 用 新 碟 搶 灘 , 但 為 了 專 心 做 好 歌 , 現 時 每 部 電 影 片 酬 高 達 二 百 八 十 萬 的 千 嬅 , 不 惜 連 推 三 部 片 約 , 只 接 下 得 十 日 戲 份 的 賀 歲 電 視 劇 , 但 公 司 仍 擔 心 她 會 被 乘 虛 而 入 。

聽 公 司 話

「 依 家 攞 獎 唔 再 係 個 人 滿 足 感 , 已 經 係 公 司 同 公 司 之 間 嘅 競 爭 , 我 喺 公 司 , 都 叫 做 大 嗰 個 , 我 三 十 歲 嘞 , 唔 會 咁 幼 稚 。
「 攞 到 ( 獎 ) 又 點 , 係 會 出 四 日 報 紙 ( 指 四 個 樂 壇 頒 獎 禮 ) , 之 後 都 未 必 記 得 。 我 知 公 司 好 落 力 幫 我 , 無 疑 攞 到 獎 係 一 個 定 位 , 釐 定 你 嘅 身 價 , 咁 我 會 盡 力 而 為 。 不 過 依 家 唔 係 你 做 幾 多 分 就 得 幾 多 分 , 遊 戲 規 則 仲 包 括 好 多 外 來 因 素 , 既 然 唔 係 自 己 控 制 , 仲 使 乜 咁 緊 張 ! 」
雖 然 千 嬅 鬥 心 唔 大 , 但 其 唱 片 公 司 仍 盡 量 利 用 僅 餘 的 兩 個 月 , 為 千 嬅 谷 歌 。 眼 見 《 小 城 大 事 》 受 歡 迎 , 便 秘 密 為 她 製 作 國 語 版 《 大 城 大 事 》 , 還 出 動 金 牌 歌 手 古 巨 基 、 方 力 申 、 Miki 、 啤 梨 , 幫 千 嬅 替 Channel V 拍 的 特 輯 撐 場 , 實 行 集 眾 人 力 量 谷 到 行 。

自 得 其 樂

攞 過 唔 少 樂 壇 大 獎 的 楊 千 嬅 , 今 時 今 日 對 於 獎 項 , 已 經 唔 再 着 緊 , 更 揚 言 : 「 我 從 來 唔 會 叫 公 司 幫 我 fight 乜 嘢 獎 , 我 覺 得 咁 做 無 意 思 ! 」
工 作 以 外 , 千 嬅 寧 願 爭 取 時 間 享 受 生 活 , 近 期 便 不 時 約 人 唱 K 夜 蒲 , 更 承 認 近 年 識 咗 唔 少 醫 生 、 律 師 等 專 業 人 士 , 擴 闊 了 她 的 思 想 和 生 活 圈 子 。

更多 壹週刊 文章

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2018 AD Internet Limited. All rights reserved. 版權所有 不得轉載