蘋果日報 | APPLE DAILY
› 選擇地區
三藩市
紐約
洛杉磯
其他美國地區

做 臨 記 都 有 發 圍 !

唐 展 鴻   19 歲  
潤 天 演 員 公 司 任 職 臨 時 演 員 領 班
最後更新: 0803 04:05 / 建立時間 (HKT): 1110 00:00

別 看 我 年 紀 輕 輕 , 年 半 以 來 , 我 手 下 帶 過 的 臨 記 ( 臨 時 演 員 ) 不 下 三 百 人 。
但 我 父 母 並 未 因 此 而 覺 得 安 慰 。 事 關 阿 爸 在 「 中 聯 辦 」 做 清 潔 雜 工 , 月 薪 過 萬 , 反 而 我 這 個 「 管 理 階 層 」 月 入 只 有 六 千 。 所 以 他 常 說 : 「 做 掃 地 好 過 啦 ! 」
自 問 讀 書 成 績 未 算 谷 底 , 讀 陳 樹 渠 紀 念 中 學 , 會 考 都 有 九 分 。 我 讀 書 時 已 經 好 出 位 , 糾 黨 搞 事 我 做 不 出 , 次 次 都 衰 上 堂 瞌 眼 瞓 , 幾 乎 日 日 被 人 鬧 「 冇 出 息 」 。

講 真 , 好 似 我 這 種 高 不 成 低 不 就 的 人 , 繼 續 讀 書 都 不 表 示 日 後 生 活 有 保 障 。 既 無 一 技 傍 身 , 前 途 選 擇 又 不 多 , 於 是 兩 年 前 開 始 跟 朋 友 做 臨 記 , 心 諗 : 日 薪 一 百 蚊 , 有 飯 食 又 可 以 睇 明 星 , 不 知 幾 爽 。
可 是 , 一 入 片 場 就 「 出 事 」 。 片 場 又 熱 又 焗 , 人 人 煙 不 離 手 , 粗 口 滿 天 飛 。 我 不 知 好 歹 , 第 一 次 埋 位 就 忍 不 住 對 着 鏡 頭 笑 , 即 時 被 助 導 爆 粗 問 候 。
想 起 開 工 之 前 , 老 闆 對 我 說 : 「 要 流 很 多 眼 淚 才 會 成 為 成 功 的 臨 記 。 」 我 不 知 對 不 對 , 只 知 做 了 十 幾 年 人 都 未 試 過 被 人 用 粗 口 「 兇 」 足 幾 分 鐘 。 驚 都 來 不 及 , 還 懂 流 馬 尿 ?
此 後 , 我 每 逢 工 作 都 會 好 醒 定 。 埋 位 前 跟 別 的 臨 記 坐 在 一 起 , 不 會 周 圍 去 「 八 卦 」 。
就 算 見 到 偶 像 張 學 友 , 也 不 向 他 拿 簽 名 , 因 為 我 正 在 工 作 , 這 叫 「 專 業 」 。
可 能 老 闆 見 我 態 度 上 有 所 改 善 , 年 半 前 升 我 做 領 班 。 身 為 領 班 , 便 要 控 制 下 屬 的 紀 律 , 一 些 資 力 較 深 的 夥 記 當 然 不 大 信 服 。 自 己 惟 有 身 體 力 行 , 令 他 們 知 道 我 可 以 上 位 的 原 因 。
去 年 , 我 終 於 在 行 內 「 響 朵 」 。 當 天 , 我 為 無 線 劇 集 《 水 滸 無 間 道 》 開 工 , 因 為 拍 攝 街 頭 槍 戰 , 我 要 帶 領 六 十 個 臨 記 , 教 他 們 應 有 的 走 位 和 反 應 。
單 單 是 教 他 們 走 位 , 已 經 用 了 兩 個 小 時 。 其 實 「 走 難 」 沒 什 麼 竅 門 , 最 緊 要 叮 囑 他 們 不 要 笑 。
當 天 拍 攝 非 常 成 功 , 至 少 NG 都 不 是 因 為 臨 記 而 起 , 平 時 兇 神 惡 煞 的 助 導 也 對 我 另 眼 相 看 。
人 人 說 拍 戲 事 事 靠 關 係 , 平 日 飲 茶 灌 水 一 定 少 不 得 , 但 我 不 行 這 一 套 。
我 要 憑 真 材 實 料 , 成 為 導 演 眼 中 最 出 色 的 「 領 班 」 。 雖 然 我 今 日 月 入 六 千 , 但 我 知 道 自 己 一 定 可 以 發 圍 , 好 似 我 老 闆 , 揸 靚 車 住 豪 宅 。
最 緊 要 證 明 給 阿 爸 知 : 做 臨 記 好 過 掃 地 。

更多 壹週刊 文章

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2018 AD Internet Limited. All rights reserved. 版權所有 不得轉載