蘋果日報 | APPLE DAILY
› 選擇地區
三藩市
紐約
洛杉磯
其他美國地區

白 開 水   楊 怡

最後更新: 0803 04:17 / 建立時間 (HKT): 0907 00:00

同 事 知 道 訪 問 楊 怡 , 劈 頭 就 是 一 句 : 「 佢 好 悶 ! 」
是 真 的 。 訪 問 前 , 花 了 一 個 晚 上 去 看 楊 怡 的 資 料 檔 案 ;
足 足 三 吋 厚 , 是 非 欠 奉 , 緋 聞 只 有 四 宗 , 可 觀 指 數 近 乎 零 。
恰 如 一 杯 白 開 水 , 厚 道 一 點 謂 之 清 純 無 雜 質 ; 實 情 是
空 着 肚 子 灌 下 去 , 分 分 鐘 「 寡 」 到 反 胃 。
於 是 , 我 想 起 似 可 樂 頂 癮 的 廖 碧 兒 , 醇 如 紅 酒 的 郭 羨 妮 ;
還 有 不 知 為 何 , 總 覺 得 與 牛 奶 絲 絲 入 扣 的 楊 思 琦 … … 。
大 概 如 此 , 楊 怡 自 03 年 奪 得 無 線 「 我 最 喜 愛 飛 躍 女 新 人 」 後 , 一 直 停 留 在 尷 尷 尬 尬 的 「 姐 仔 」 位 置 。 即 使 擔 正 做 女 主 角 , 也 被 綠 葉 喧 賓 奪 主 。
唔 攝 位 玩 低 調 , 成 世 做 「 二 奶 」 , 似 乎 幾 消 極 。
「 可 以 點 ? 總 不 成 逐 家 逐 戶 去 拍 門 , 告 訴 人 家 我 楊 怡 才 是 女 主 角 , 盡 量 留 意 我 啦 ! 」 楊 怡 嘴 裏 笑 着 , 卻 看 得 出 , 眼 中 有 團 火 。
估 不 到 這 杯 水 , 原 來 滾 滾 哋 。

二 奶

搞 不 清 楚 楊 怡 究 竟 屬 於 「 幸 運 」 還 是 不 幸 。
時 光 倒 流 : 98 年 , 楊 怡 中 五 畢 業 , 與 友 人 報 考 無 線 藝 訓 班 。 當 年 勁 興 娃 娃 裝 , 楊 怡 於 是 化 成 深 紫 smoky eyes , 身 穿 碎 花 燈 籠 袖 娃 娃 裙 , 踢 住 對 涼 鞋 , 十 足 一 個 大 肚 婆 去 面 試 。
結 果 , 竟 成 功 考 入 第 13 期 藝 訓 班 。
由 00 年 開 始 , 楊 怡 先 後 被 無 線 點 名 力 捧 三 次 , 跟 她 一 起 被 捧 高 過 的 , 分 別 有 經 已 人 間 蒸 發 的 陳 詠 嫻 、 黃 佩 珊 ; 離 巢 𢱑 銀 的 葉 璇 及 靠 迫 爆 身 材 突 圍 的 廖 碧 兒 。
被 公 司 捧 足 五 年 , 拍 過 至 少 廿 五 套 電 視 劇 , 只 見 無 線 盡 力 栽 培 。 可 惜 楊 怡 始 終 捧 極 唔 上 , 播 放 中 的 劇 集 《 Yummy Yummy 》 , 一 般 人 都 以 為 楊 怡 是 配 角 ; 女 主 角 , 叫 佘 詩 曼 。
人 人 話 我 「 二 奶 命 」 , 其 實 大 部 分 是 性 格 造 成 。
有 些 人 很 會 social , 初 相 識 講 唔 夠 三 句 , 就 可 以 拉 住 對 方 嗌 晒 「 好 姊 妹 」 。 這 麼 多 年 , 看 在 眼 裏 , 理 應 學 會 一 招 半 式 social 伎 倆 ; 攝 位 、 搞 緋 聞 , 或 者 真 是 上 位 絕 招 , 但 近 年 才 發 現 , 原 來 某 程 度 上 , 自 己 不 屑 做 這 些 事 情 。
入 得 TVB , 邊 個 唔 恨 攞 「 我 最 喜 愛 藝 員 」 先 ? 但 諗 深 一 層 , 攞 獎 一 刻 係 好 威 , 但 攞 完 之 後 呢 ? 一 個 獎 可 以 代 表 乜 ?
至 少 觀 眾 記 得 我 係 楊 怡 。 對 我 來 說 這 已 足 夠 , 反 而 朋 友 、 經 理 人 會 為 我 心 急 : 「 阿 怡 , 你 爭 少 少 就 上 到 一 姐 啦 , 點 解 硬 係 好 似 無 心 裝 載 ? 」
其 實 不 是 無 心 裝 載 , 也 不 認 自 己 係 「 二 奶 」 , 這 叫 「 得 過 且 過 」 , 我 就 是 喜 歡 「 慢 慢 行 」 。

求 其

其 實 自 小 已 是 這 個 性 格 。 讀 書 時 期 , 我 雖 不 是 校 內 風 頭 躉 , 但 一 定 不 會 是 讓 人 忽 視 自 己 存 在 的 那 種 人 。
中 學 讀 馬 鞍 山 潮 州 會 館 中 學 , 一 小 息 就 同 5 個 最 friend 的 同 學 , 坐 在 學 校 樓 梯 附 近 傾 偈 。
好 奇 怪 , 我 們 一 坐 低 , 別 人 就 不 敢 走 近 。 久 而 久 之 , 樓 梯 一 帶 就 成 為 我 們 的 「 地 盤 」 。
有 時 又 會 逃 學 , 成 半 班 人 夾 埋 一 齊 走 堂 , 去 同 學 屋 企 玩 。 終 於 被 罰 企 , 在 操 場 企 足 一 個 上 午 !
無 心 向 學 說 不 上 , 自 問 中 史 成 績 都 唔 錯 㗎 ! 但 始 終 就 抱 着 「 得 過 且 過 」 就 算 數 。
中 學 畢 業 , 去 酒 店 推 車 仔 賣 點 心 , 一 個 鐘 賺 40 蚊 , 幾 好 搵 ! 又 派 過 傳 單 , 試 過 傳 單 派 唔 晒 , 索 性 走 上 屋 邨 , 見 邊 間 屋 無 人 , 就 成 叠 傳 單 塞 入 別 人 屋 企 , 收 工 走 人 !
所 以 從 來 沒 想 過 不 做 藝 員 , 自 己 可 以 做 甚 麼 。 反 正 我 無 所 謂 , 做 乜 都 得 , 煮 到 埋 嚟 就 食 。

冷 箭

楊 怡 的 確 個 性 隨 心 很 男 仔 頭 。 聽 到 這 裏 , 可 能 你 會 覺 得 楊 怡 志 不 在 此 , 但 當 她 提 到 初 入 行 被 人 冷 言 相 向 , 面 上 雖 泛 着 笑 容 , 眉 心 卻 一 直 緊 皺 , 看 得 出 並 非 不 着 緊 、 唔 志 在 。 只 是 想 刻 意 抽 離 是 非 人 是 非 地 。
入 行 最 幸 運 , 是 遇 到 現 今 的 經 理 人 ( 嘉 莉 ) 。 她 和 我 是 同 一 日 加 入 TVB 的 , 感 覺 就 好 似 有 人 與 自 己 一 齊 成 長 。
最 初 入 行 極 度 沒 自 信 , 別 人 一 句 說 話 、 一 個 眼 神 已 經 可 以 hurt 到 我 。 有 次 去 開 工 , 有 人 望 住 自 己 , 就 以 為 被 「 睥 」 , 嚇 到 不 敢 走 上 前 , 要 經 理 人 拖 着 我 , 才 敢 走 過 去 埋 位 。
那 時 候 連 cam man ( 攝 影 師 ) 都 恰 我 , 有 次 拍 劇 , 有 人 對 cam man 話 : 「 嗰 個 楊 怡 咁 醜 樣 , 唔 好 影 佢 , 連 wide shot 都 唔 好 俾 佢 。 」
此 事 是 後 來 別 人 告 訴 我 的 , 不 耿 耿 於 懷 就 假 ! 然 而 「 告 密 」 的 人 卻 死 不 肯 供 出 恰 我 的 人 是 誰 。
但 這 可 能 是 件 好 事 , 否 則 或 者 我 會 久 久 不 能 平 復 , 以 後 , 就 算 合 作 , 見 到 那 人 背 影 都 會 死 「 睥 」 住 他 !
但 不 是 每 個 對 你 惡 的 人 都 不 懷 好 意 。 拍 《 流 金 歲 月 》 時 , 第 一 日 開 工 , 拍 完 一 場 被 導 演 鬧 : 「 咁 作 狀 , 又 唔 夠 放 。 」
自 己 面 皮 薄 , 擰 轉 背 就 已 經 眼 濕 濕 , 行 到 樓 梯 , 見 到 經 理 人 , 就 忍 不 住 哭 了 半 個 鐘 。
早 幾 年 , 都 會 覺 得 他 「 恰 」 我 。 梗 係 啦 ! 拍 完 一 場 就 鬧 人 。 現 在 想 起 來 , 反 而 要 多 謝 他 , 套 戲 拍 得 好 , 不 是 對 我 也 有 益 處 嗎 ?

阿 牛

話 之 你 說 楊 怡 「 捧 極 唔 起 」 , 當 事 人 又 一 副 自 命 「 得 過 且 過 」 的 模 樣 , 楊 怡 的 工 作 還 是 不 斷 。 年 頭 拍 完 《 濟 公 奇 案 》 , 上 月 又 拍 罷 《 布 衣 神 相 》 , 下 個 月 又 有 新 劇 開 拍 。 開 始 發 覺 , 楊 怡 受 高 層 青 睞 , 可 能 因 為 似 隻 牛 。
我 一 工 作 就 會 癲 , 不 想 後 果 。 試 過 連 續 拍 三 日 , 無 瞓 過 , 到 salon set 頭 打 算 直 落 記 招 , 點 知 一 頭 撞 落 落 地 玻 璃 。 我 第 一 時 間 㩒 住 塊 玻 璃 , 睇 下 有 冇 撞 爛 , 完 全 冇 諗 過 自 己 有 沒 撞 穿 頭 。
我 鍾 意 親 力 親 為 , 好 多 時 , 自 己 可 以 做 到 的 , 盡 量 不 會 要 求 替 身 。 好 似 拍 《 Yummy Yummy 》 , 要 跳 落 條 泥 河 , 我 無 話 怕 污 糟 、 要 錫 身 。
結 果 拍 完 後 , 眼 、 耳 、 口 、 鼻 都 塞 滿 了 污 泥 ? 淨 洗 頭 都 洗 了 一 個 鐘 。
上 個 月 , 拍 《 布 衣 神 相 》 , 導 演 要 求 我 從 3 米 高 樓 台 飛 跳 落 地 , 地 上 只 鋪 了 紙 皮 箱 和 榻 榻 米 。
我 想 也 不 想 , 話 跳 就 跳 。 一 落 地 , 膝 頭 撞 正 額 頭 , 幾 乎 暈 。 在 場 工 作 人 員 很 驚 訝 : 「 吊 威 吔 嘛 , 就 咁 跳 會 死 人 㗎 ! 」
我 工 作 時 就 是 這 樣 , 多 餘 的 不 會 想 。 或 者 大 概 也 是 這 個 原 因 , 公 司 一 直 不 停 給 我 機 會 。
上 一 線 , 是 長 期 目 標 。
目 前 只 想 演 一 次 奸 人 , 試 下 「 恰 」 人 的 滋 味 。 乖 乖 女 ? 做 到 厭 喇 !

王 偉 個 女

正 如 楊 怡 所 言 , 她 是 那 種 「 啱 傾 就 傾 , 唔 啱 傾 就 懶 得 出 聲 」 的 人 。
好 彩 , 我 大 概 屬 於 前 者 。
談 得 興 起 , 楊 怡 心 直 口 快 的 性 格 開 始 表 露 無 遺 。
話 說 談 起 化 妝 , 化 妝 師 說 : 「 唔 好 用 膠 水 黐 雙 眼 皮 , 會 搞 到 對 眼 好 怪 㗎 ! 」
楊 怡 想 也 沒 想 : 「 係 呀 ! 係 呀 ! 好 似 … … 嗰 個 … … 王 偉 個 女 呀 ! 」
即 時 引 得 一 陣 笑 聲 。 我 們 當 然 明 白 , 不 過 一 句 無 心 快 語 , 絕 無 刻 意 揶 揄 的 意 思 。
也 終 於 知 道 , 為 何 楊 怡 總 要 「 獨 善 其 身 」 。
順 帶 一 提 , 王 偉 個 女 , 叫 王 從 希 。

更多 壹週刊 文章

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2018 AD Internet Limited. All rights reserved. 版權所有 不得轉載