蘋果日報 | APPLE DAILY
› 選擇地區
三藩市
紐約
洛杉磯
其他美國地區
馬上成為壹會員

包 起 中 正 紀 念 堂

去 年 在 巴 黎 玩 過 的 Monogram 大 型 投 射 , 來 到 中 正 紀 念 堂 , 一 樣 入 型 入 格 。 跟 04 年 香 港 添 馬 艦 大 派 對 場 地 的 派 頭 , 有 得 揮 。
最後更新: 0804 17:00 / 建立時間 (HKT): 0504 00:00

路 易 威 登 , 自 從 去 年 巴 黎 總 壇 翻 新 慶 典 大 獲 好 評 後 , 全 新 或 翻 新 × 各 地 傳 媒 × 高 層 總 動 員 × 神 秘 嘉 賓 × 超 豪 華 派 對 = LV Maison 店 開 幕 禮 黃 金 程 式 。
全 球 第 五 間 LV Maison 店 選 址 台 北 , 外 貌 有 如 一 幢 月 光 寶 盒 , 繼 而 再 行 使 基 本 程 式 , 吸 引 力 自 然 不 容 懷 疑 ; 貴 人 出 門 更 招 風 雨 , 請 得 大 韓 天 王 Rain 做 嘉 賓 之 外 , 仲 連 日 大 雨 水 頭 充 足 , 可 謂 雙 雨 臨 門 。 LV 出 品 , 的 確 最 有 娛 樂 性 。

千 人 豪 門 夜 宴

百 年 寶 號 路 易 威 登 , 有 頭 有 面 財 雄 勢 大 ; 試 問 有 邊 家 膽 生 毛 唔 俾 幾 分 薄 面 ? 是 次 , 入 夜 後 千 金 打 造 架 勢 派 對 ; 地 點 竟 然 選 在 中 正 紀 念 堂 , 豪 氣 包 場 由 門 口 樓 牌 開 始 直 踩 紀 念 堂 主 殿 , 認 真 巴 閉 咯 。
繼 續 由 《 魔 戒 》 幕 後 特 技 製 作 班 底 操 刀 , 玩 投 影 來 虛 張 聲 勢 ; 老 實 一 句 , 橋 唔 怕 舊 至 緊 要 受 , 大 鑼 大 鼓 氣 焰 逼 人 , 貫 徹 品 牌 精 神 。
既 然 夜 宴 選 址 在 中 正 紀 念 堂 , 一 不 做 二 不 休 派 頭 氣 勢 就 要 去 到 底 威 到 盡 ; 三 十 架 高 球 車 來 回 接 送 賓 客 到 樓 高 五 層 帳 篷 派 對 區 ; 可 塞 滿 二 千 人 有 多 的 場 地 有 貴 賓 包 廂 ; 超 過 3,000 樽 白 酒 、 Moet & Chandon 香 檳 及 出 自 君 悅 的 精 緻 小 點 … … 由 內 到 外 環 境 氣 氛 布 局 有 眼 你 睇 並 非 小 本 經 營 「 奀 黐 黐 」 製 作 。 然 而 一 擲 千 金 注 碼 , 相 信 落 在 表 演 嘉 賓 Rain 先 生 身 上 , 有 錢 使 得 鬼 推 磨 , 小 天 王 輕 騷 40 吋 胸 肌 , 就 話 咁 易 令 全 場 推 向 高 潮 熱 點 , 你 說 是 甜 我 說 苦 ; 鎖 你 , 恕 我 見 識 淺 薄 , 唔 識 欣 賞 Rain 胸 肌 的 魅 力 所 在 。

解 構 月 光 寶 盒
外 : 玻 璃 Damier

作 為 全 球 第 五 間 Maison 店 , 負 責 設 計 全 貌 的 日 籍 建 築 師 Inui Kumiko ( 乾 久 美 子 ) , 話 到 明 要 將 經 典 Damier 格 紋 發 揚 光 大 融 入 新 店 每 個 角 落 , 利 用 超 過 十 萬 粒 大 小 不 一 方 格 透 明 玻 璃 鑲 入 米 白 雲 石 當 中 , 營 造 出 Damier 效 果 。 為 免 新 店 冷 冰 冰 , 美 子 小 姐 利 用 大 量 玻 璃 作 為 用 材 , 目 的 一 字 咁 淺 : 「 唔 想 LV 有 與 世 隔 絕 嘅 感 覺 , 希 望 將 品 牌 融 入 社 會 中 。 」
另 外 , 特 別 之 處 係 入 夜 後 外 牆 的 透 明 大 小 方 格 會 透 出 立 體 光 影 , 遠 望 有 如 一 個 月 光 寶 盒 ; 單 係 論 外 觀 , 已 經 成 為 該 地 段 的 風 頭 躉 。

內 : 人 手 花 園

另 一 跟 LV 交 手 的 單 位 是 台 灣 藝 術 家 林 明 弘 ( Michael Lin ) 。 Michael 使 出 耍 家 戲 寶 花 卉 圖 案 , 全 人 手 一 筆 一 畫 髹 上 , 將 位 於 四 樓 的 貴 賓 區 變 成 一 個 美 麗 花 園 , 林 生 更 直 腸 直 肚 話 無 特 別 構 思 , 只 是 選 了 設 計 落 的 圖 紋 放 大 後 再 移 師 至 此 , 志 在 表 達 藝 術 色 彩 融 入 時 裝 領 域 入 面 咁 話 。

LV 書 店

台 北 Maison 店 , 其 實 只 是 重 修 99 年 原 有 舊 店 , 不 過 比 從 前 大 足 三 倍 有 多 。 全 幢 樓 高 四 層 , 男 女 有 別 分 得 清 清 楚 楚 , 二 樓 更 設 有 繼 巴 黎 Maison 總 壇 後 的 第 二 間 LV 書 店 !

$430,000 限 量 錶 一 夜 掃 清

一 如 過 往 , 每 逢 慶 祝 新 鋪 開 張 , LV 都 會 打 造 三 、 五 、 七 件 以 地 道 文 化 借 題 發 揮 限 量 獨 賣 精 品 ; 話 晒 中 華 民 族 講 兆 頭 嘛 , 今 次 就 以 取 求 旺 來 好 運 意 味 的 金 鑽 菠 蘿 吊 墜 ( Pineapple Charm ) 作 為 台 北 旗 艦 店 限 量 吉 祥 精 品 設 計 ; 台 灣 人 專 利 限 量 版 本 只 得 38 件 , 但 有 為 海 外 粉 絲 們 而 設 的 黃 寶 石 款 式 , 因 此 , 無 謂 流 口 水 兼 搭 上 搭 隔 山 買 牛 入 貨 , 五 月 全 球 就 有 得 賣 嘞 !
此 外 , Speedy Twilight Taipei 是 夜 向 外 界 拋 頭 露 面 後 , 十 二 胞 胎 一 個 不 留 各 行 各 路 或 成 雙 成 對 入 住 千 萬 豪 宅 ; 四 十 三 萬 多 港 元 身 價 又 如 何 呀 吓 ? 話 咁 易 俾 富 豪 掃 晒 ! 如 此 看 來 , 仲 有 邊 個 會 話 經 濟 不 景 嘅 呢 呵 ?

地 址 : 台 灣 台 北 市 中 山 北 路 2 段 47 號 ( 即 晶 華 酒 店 側 )

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載